الحشومة نتاع صربيا هي نتيحة حقرة لموشية وشاوشي

رائد النهضة · 2010-03-03, 21:34

حشومة صربيا هي نتيحة حقرة لموشية وشاوشي واللاعبين المحليين
كيفاش واحد يجي من التالي كيما سي المهدي المنتظر ههههههه ويدي بلاصة لموشية
وزيد راه بدى سعدان يغتر
وزيد بانت بلاصة صايفي وبوقرة

افنان القران · 2010-03-03, 22:15

لقد دخل لاجل الاندماج يااختاه ليس من السهل
اتريدونه ان يدخل في مباراة رسمية

با الهي فكروا بعقلانية

نينا الجزائرية · 2010-03-03, 22:22

ربي يجيب الخير
مستوي لا يبشر بخير

رائد النهضة · 2010-03-03, 22:37

اقتباس:

المشاركة الأصلية كتبت بواسطة اسماء قطر الندى

لقد دخل لاجل الاندماج يااختاه ليس من السهل
اتريدونه ان يدخل في مباراة رسمية

با الهي فكروا بعقلانية

اولا انا اخوك
ثانيا انا لست ضد اندماجه بل انا ضد مجيئه من الاصل
فهذا لاعب تكبر على حمل الالوان الوطنية وما يحقلوش يجي من التالي وياكل خبزة الرجالة اللي سال الدم نتاعهم باش نطلعو للمونديال وزيد وزيد........
وشكرا على المرور

اقتباس:

المشاركة الأصلية كتبت بواسطة نينا الجزائرية

ربي يجيب الخير
مستوي لا يبشر بخير

آمييين
شكرا اختي نينا على المرور

hadil la belle · 2010-03-04, 01:35

الفريق نتاعنا اليوم راه زيرووووو.... حشمونا تاع الصح بانت بلاصة صخرة الدفاع بوقرة -ربي يشافيه نشالله- الظاهر ان السعدان بدا صح يتغر حاسب الي يجيب فيهم من برا خير من وليدات لبلاد كيما لموشية السوفي .......مهموش مورالنا حنا كمناصرين قلوبنا شاعلة همو الوحيد ايتستي في لي ماقر........الله يهديه ويثبتو نشالله مننكروش بلي راه قبل فرحنا... والي زاد كمل علينا مصر لعبت بالمليح مع الانجليز الحق يقال ..واذا كملو كيما هكا منديرو والو في المونديال...

عضوة جديدة · 2010-03-04, 12:37

لوكان يبقى يتسامح مع لموشية وشاوشي واللي كيفهم هكاك اللي يجي يدير رايو
هكا خير باه يعرفو يلي كاين خطوط حمراء لايجب تجاوزها
كاين منتخبات عالمية عالية المستوى تخلات عن لاعبين بسبب تصرفاتهم
وبالنسبة لمهدي لحسن لازم يدخلو باه يوالف
راه مازالو غير زوج مباريات ودية
اناما نقدرش نتصور المنتخب بلا شاوشي بصح لازم يبدل شوية في العقلية

عيدي احمد · 2010-03-04, 12:43

صحيح مكانه شاوشي كان باين
لكن مانحكموش على لحسن من اول مقابله ليا لجايه يبان مليحه
اما شاوشي احسن حارس

KADJ07 · 2010-03-04, 12:51

السلام عليكم لحـــــــــسن ليس مـــــــــــــــــــــــــــــــــــــــــــــــــ يسي لكن يلعب مليح البلون وافضل من لموشية مع احترامي لراي الاخرين وافضل من منصوري والخطا يكمن في المدرب والله يستر في الكاس العالم واستغراب في استدعاء بعض اللاعبين ................. لا للاعبين المحلين شكرا

rachod · 2010-03-04, 23:59

لموشية راح و حدوا وزيد مهدي لحسن فور عندكم في المونديال كي يلعبوا تعودوا تغيروا في هدرتكم
قال مهدي منتظر ايه مهدي منتظر

بالقيم نرتقي · 2010-03-05, 00:02

مالا لموشية والله هادي مليحا مالا عاد لي يجي يخلي من وراه وصمة عار نخلوه
بركاو بلا ذرية خيرلكم
والله شيبتوني مع اني مازالني صغيرة

رائد النهضة · 2010-03-05, 00:07

شكرا على المرور
على كل حال كل واحد ووجهة نظره
ولكن تبقى حاجة

الحقرة ماشي مليحة

بالقيم نرتقي · 2010-03-05, 00:09

والله؟
انا حسبت راح تقول تبقى حاجة

1.2.3vive l algerie

***وحيدة كالقمر*** · 2010-03-05, 00:13

والله غير عندك الحق خويا
المستوى كان غير مشرف ابدا وطريقة اللعب كانت بايخة بزااف

نعيمة المشاغبة · 2010-03-05, 00:16

لبارح كنا 0
لازم سعدان ينحي قواوي ورحو سليمان
فيف شاوشي
بالنسبة لمهدي لحسن المخلوق واش يدير وحدو

mimi batna · 2010-03-05, 00:22

يا خويا هذ الماتش باش يشوف النقائص نتاع الفريق ماشي باش نربحو و زيد على هذا لموشية ليراكم تهدروا عليه راهو هو لتخلى على الفريق ماش الفريق لتخلى عنه و السبب هو كيعاد مدخلش كلاعب اساسي في كأس افريقيا
و شاوشي صح بان بلي لازم يرجع و قال المدرب رابح سعدان بلي دورك يرد في مباراة الودية القادم و انه عضو اساسي في الفريق لا يجب الاستخناء عنه
و نحن هكذا الجزائرين دائما عندما نفوز نقول ان سععدان مدرب رائع و عندم نخسر نقول انه لا يجب ان يكون مدرب مثل يوم مباراة ملاوي و مصر عندما انتقدته الصحافة الجزائرية
يجب على الجزائر ز الجزائرين ان يفرحو و يفتخرو بالفريق و المدرب و الاعتراف بالانجزاة التي قام بها و انه اعاد الفرحة في قلوب الجزائرين التي غابت عنا سنوات كثير المهم ان نقول دائما تحيا الجزائر و نكون معهم في الربح و الخسارة 123 vive l'algerie