ماذا افعل بالاوراق الباقية من الكرمب؟

ام رحوقة · 2012-10-19, 15:07

ارجو اعطائي وصفة للكرمب شريت راس وعملت الاوراق الفوقانية محشي كرمب والوسط بقالي بزاف واش ندير بيه؟

ام ملاك. · 2012-10-19, 19:39

انا واش نحب نديرو نرحيه في الروبو هكذاك خضر ونزيدلو 2 سنات ولا 3 ثوم ملح فلفل لكحل زيت الزيتون والخل ونديرو سلاطة يجي هايل راه يحب الخل ومن بعد زينيه بالطماطم والزيتون وانت واش تحبي انا نحبو هكذا ولا ديريه بويون بالخضرة بطاطا زرودية وطماطم حب وشية فلفل لكحل والكمون والملح وجومبو دجاج ولا ماجي والزيت شويةوالبصل والثوم ومرقي بالما وخليه يطيب وكي يطيبو قع الخضرة ارحيهم قع يجيك هايل واذا عندك دجاج ديريلو

الأمنيات · 2012-10-19, 19:52

انا نقطعه رقيق بزاف ونخلط معاه جزر رابي مع مايوناز شوي معدنوس طماطم مقطع صغير
زيتون وكاشير ونديره سلاطة

ام رحوقة · 2012-10-19, 20:56

بصح راه نص طياب يعني انا حطيت الراس فوق الكسكاس باه يفور وبديت ننحي بالورقة والباقي راه مفور نص نص والسلاطة ماناكلوهش ياريت افكار اخرى بسرررررررعة قبل مايفسد

دعاء القلوب · 2012-10-19, 21:47

ديريها لاسوبديري بصل و ثوم ملح فلفل اكحل حبة طماطم بطاطا و الكرنب و الدجاج و كي اطيب ارحيها زودي الفرماج تجي هايلة

أم رقية نسرين · 2012-10-20, 15:51

علابالي راني متأخرة اليوم وين شفت الموضوع ههههههههههههه المهم في المرة الجاية إن شاء الله
أنا مالفة نقصو رقيق و نداويه بالبصل و الثوم و الدبشة و المعدنوس و فلفل أسود و كسبر و الملح و نحط شوية زيت
وحطيلو كاس ماء و حطيه في الفور يزيد يطيب شوية و من بعد خلطي العضام مليح حسب الكمية لي عندك تاع الكرمب و قد ما ديري العضام يجي بنين و رجعيه للفور و في الأخير ديري الفرماج من فوق و حمريه
راهو يجي هايل

ام رحوقة · 2012-10-21, 11:46

شكرا جزيلا على الردود

jackin · 2012-10-24, 01:33

عيدكم مبارك
تقبل الله منا و منكم صالح الأعمال