التليتلي العاصمي

zokhrofa · 2016-10-20, 15:06

التليتلي العاصمي

اختي يديرو

اللحم المفروم كيما يطيبو تاع البوراك

يعني يقلو البصل(متسكرفجيهش و متقطعيهش مربعات كبيرة ... لازم مربعات صغيرة)

ثم اللحم المفروم

ثم يضيفو الملح + فلفل اسود + قرفة

كي يتفتح اللحم المرحي كامل مرقي بنصف كاس ماء و خليه على نار هادية

غلي زوج حبات بيض (او حسب افراد العايلة) و نقيهم و فتيهم و خليهم تستحقيهم في الاخير

التليتلي ديريلو شوية زيت و فوريه

كي يفور في اناء عمري ماء (الماء حسب الكمية تاع التليلتلي ) خليه في الكسكاس و غطسيه في الاناء لي فيه الماء

4 مرات تفويرات حتى كيتمسي الحبة تشوفيها طرية

و كل تفويرة تغطسي الكسكاس فالماء

و الخطرة الثالثة تاني ديريلو الزيت

خلطيها باللحم المفروم لي يكون طاب (و خلي شوية تشبحي بيه )

و زيدي شوية بيض برك و الباقي للتزيين

من بعد ذوبي الزبدة فوق النار

و ارميها عليهم كامل

و خلطي الكل بملعقتين حطب كبار (او المتوفر)

و حطي في تبسي التقديم و شبحيه باللحم المفروم و البيض المغلي

ياريت كل وحدة تحط طريقتهم باش نفيدو SNOW

samya7 · 2016-10-20, 18:33

شكرا لك ,,,,

zokhrofa · 2016-10-20, 22:43

عفوا اختي شكرا لمرورك

abouzahir · 2016-10-21, 17:34

chokran jazilan

zokhrofa · 2016-10-23, 07:41

.........................................

fofol · 2016-10-23, 08:09

تسلم اديك

كيان ألي طيبه بلا سوس روج مع لحمصة

ايغاله اسفه يرمه في لصوص حتى يجامر

تحياتي للجميع

zokhrofa · 2016-10-23, 09:11

اقتباس:

المشاركة الأصلية كتبت بواسطة fofol

تسلم اديك

كيان ألي طيبه بلا سوس روج مع لحمصة

ايغاله اسفه يرمه في لصوص حتى يجامر

تحياتي للجميع

صحيح اختي احنا نديروه تان بالحمص

khozama · 2016-12-15, 14:58

شكرا زخرفة موضوع رائع

Sii · 2016-12-16, 11:34

انا ندير التليتلي صوص بيضا ولا حمرا بالحمص واللحم او الدجاج او الاثنين ما ونزيد كعيبرات لحم مرحي و نزين بالبيض المغلي
طريقة التفوار تشبه لتاعك شوية انا المرة الاولى كتفور نحط الكسكاس في بسينة ونصب عليه الماء لي فالبرمة يغلي ومنبعد نقطرو ونعاود نفورو لكن المرة الثانية نحطو في قصعة و نسقيه بشوية مرقة والمرة الثالثة ايضا و في الاخير نحطو نزيد عليه طرف زبدة ونفرغ عليه المرق ونخليه يتجمر وصحة وعافية على قلبك زخرفة

zokhrofa · 2016-12-16, 11:59

اقتباس:

المشاركة الأصلية كتبت بواسطة sii

انا ندير التليتلي صوص بيضا ولا حمرا بالحمص واللحم او الدجاج او الاثنين ما ونزيد كعيبرات لحم مرحي و نزين بالبيض المغلي
طريقة التفوار تشبه لتاعك شوية انا المرة الاولى كتفور نحط الكسكاس في بسينة ونصب عليه الماء لي فالبرمة يغلي ومنبعد نقطرو ونعاود نفورو لكن المرة الثانية نحطو في قصعة و نسقيه بشوية مرقة والمرة الثالثة ايضا و في الاخير نحطو نزيد عليه طرف زبدة ونفرغ عليه المرق ونخليه يتجمر وصحة وعافية على قلبك زخرفة

اهلا اختي كيف حالك ؟

احنا تان نديروه كيما راكي تقولي

لكن هذا خاص بالطهارة تاع رمضان يديروه يتسحرو بيه

مممم بكري طبعا هههه

Sii · 2016-12-16, 15:18

الحمد لله حنا في جهتنا هادي هي الوصفة المعتمدة
وشكرا عطيتيني معلومة على زمان يا حسراه

zokhrofa · 2016-12-16, 17:14

الله يسلمك اختي اهلا بيك

جنة الفردوسْ · 2016-12-18, 10:25

الف شكر على الطريقة حنونة
حنا في خنشلة نطيبو مرقة عادي كيما تاع البربوشة البصلة والثوم نرحيوهم وندير اللحم او الدجاج ولكن جامي ستعملنا اللحم المفروم والتليتلي نفوروهم 3 مرات نديرو شوي زبت ونبخوه بالماء ومباعد في الاخير نجمروه بمعنى نديروه في المرقة هاذي ونخليوه يتغلى حتى يشربها كامل والتزين بالجزر والبطاطا وممكن تزيني حتى بالبيض

zokhrofa · 2016-12-18, 16:47

اقتباس:

المشاركة الأصلية كتبت بواسطة جنة الفردوسْ

الف شكر على الطريقة حنونة
حنا في خنشلة نطيبو مرقة عادي كيما تاع البربوشة البصلة والثوم نرحيوهم وندير اللحم او الدجاج ولكن جامي ستعملنا اللحم المفروم والتليتلي نفوروهم 3 مرات نديرو شوي زبت ونبخوه بالماء ومباعد في الاخير نجمروه بمعنى نديروه في المرقة هاذي ونخليوه يتغلى حتى يشربها كامل والتزين بالجزر والبطاطا وممكن تزيني حتى بالبيض

ممممم باين بنين ياريت صورة كي طيبوه ههه

belseme · 2016-12-19, 14:18

انا فلول كنت نطيبو مرقة بيضا بعد رجعت نديرو مرقة حمراء عجبتني حمرراء
في قدر نضع البصل المسكرفج الدجاج او اللحم لي تحبي وندير الثوم نضيف ملح فلفل اسود. ونقلي. كي تتقلى شوي نضيف الطماطم مسكرفجة ونقلي بعد نمرق بالماء ونخلي طيب. مرات نضيف الحمص مرات لا في هذه الاثناء تليتلي نحطو في اناء نضيفلو شوية زيت باش يجو الحبات كل وحدة وحدها بعد نشمخو بالماء منكثرش شوي برك ( حنا منغسلوهش) بعد نحطو يفور ونعيد الطريقة مرتين المرة الثالثة نشمخ بشوية تاع لاصوص ونحط الملح والفلفل اسود ونحطو يفور بعد مايفور نضيفلو طرف زبدة صغير
كي يطيب المرق نرمي عليه التليتلي وكيما يقولو نخليوه يتجمر حتى يتشرب لاصوص ونطفي بعد نزينو الصحن بالبيض يكون مغلي والحمص والدجاج واللحم