حكايتي مع البيرمي "رخصة السياقة"

[asma1856]

السلام عليكم يا ناس الجلفة الغاليين واش راكم مع هاد الصيف المهم ما نطولش عليكم
الحمد هاد العام درت 18 سنة واش يعني هذا 18=البيرمي كي قتلو لبابا خلاص راني كبرت ديرلي البيرمي قالي مليح خوك لي راجل ما درتلوش البيرمي نديرلك انت و هو صغير عليا بعامين شوفو كيفاش يخمموا الجزائريين واش رايكم انتوما

يا جماعة فيقوا شوية راني شايفتكم بلي راكم راقدين بزاف علاباها مانيش نشارك بزاف نكتب المواضيع و يطولوا باش يجيوني الردود ماشي كيما بكري معليش راكم تصيفوا بصحتكم

ايا كل واحد فيكم يقولي الا عندي البيرمي ولا لالا


اختكم في الله اسمااااااااااااااااااااااء


انا ثرثارة ياك ههههه

[asma1856]

احم احم واش راني نقول درك

[زهراء 255]

لالا ختي حاشا ماكش ثرثارة. انا مازالني مدرتش18 حتى لماي تع العام الجاي .
وكي نقول لبابا على البيرمي يقولي منا لهاداك الوقت يديرلها ربي الف حل وكي نجي نمس الطوموبيل تاعنا يبدا يعيط كشما ديري مازال خاطيك السوقان.
تسمى حنا البنات كيفكيف.
والعكس خويا عندو14 سنة كي يمس الطوموبيل يولي بابا يضحك ويقول جرب باه تتعلم كي تكبر تدي البيرمي vite vite.

[asma1856]

المشاركة الأصلية كتبت بواسطة زهراء 255

لالا ختي حاشا ماكش ثرثارة. انا مازالني مدرتش18 حتى لماي تع العام الجاي .
وكي نقول لبابا على البيرمي يقولي منا لهاداك الوقت يديرلها ربي الف حل وكي نجي نمس الطوموبيل تاعنا يبدا يعيط كشما ديري مازال خاطيك السوقان.
تسمى حنا البنات كيفكيف.
والعكس خويا عندو14 سنة كي يمس الطوموبيل يولي بابا يضحك ويقول جرب باه تتعلم كي تكبر تدي البيرمي vite vite.

شفتي ياك الدراري حلال عليهم كلش و لبنات محقورتي يا جارتي

[kader7989]

نقولك الصح ختي ما جاياش نتي تديري برمي و خوك ما يديرش .............. يشوفوه صحابه يبقاو يتمسخرو بيه .......... عندكك خته تسوق بيه .......... ساعفيني فوتيها
مجرد راي باش ما تزعفيش خوك الصغير و تحشميه
و بروحكم نتوما لبنات ما تعرفوش تسوقو خخخخخخخخخخخخخخخخخخخخ
انا نسوق بصح بلا برمي غيل في وسط المدينة نقسح شويا على صحابي خخخخخخخخخخخخخخخخخ

[زهراء 255]

ايه خويا نتوما عندكم الزهر .

[asma1856]

المشاركة الأصلية كتبت بواسطة kader7989

نقولك الصح ختي ما جاياش نتي تديري برمي و خوك ما يديرش .............. يشوفوه صحابه يبقاو يتمسخرو بيه .......... عندكك خته تسوق بيه .......... ساعفيني فوتيها
مجرد راي باش ما تزعفيش خوك الصغير و تحشميه
و بروحكم نتوما لبنات ما تعرفوش تسوقو خخخخخخخخخخخخخخخخخخخخ
انا نسوق بصح بلا برمي غيل في وسط المدينة نقسح شويا على صحابي خخخخخخخخخخخخخخخخخ

ايواه يا سي عبد القادر انا لكبيرة هو يستنى شوية عامين مليح انت متحيز قدها عليك

[زهراء 255]

ومبعد كي نسوق بخويا علاه عيب نورمال بالعكس انا لي نعلمو هههههههههههههههههههههههههههههه.

[kader7989]

و نزيد نقولك نتي واش رايحا تديري بالطوموبيل ياك ما زلتي صغيرة ............ اللوطو ديريها مين تبغي تروحي للجامعة خارج لمدينة
بصح حتا لولاد نسحقوها ........... نروحو نقسحو و نديرو الموف قدام الثانوية خخخخخخخخخخخخخخ.......... و خطراش كي يجيو عندنا ضياف فليل على غفلة يرسلونا نشريلهم لحم و لا جاج محمر للعشا خخخخخخخخخخخخخخخ

[asma1856]

المشاركة الأصلية كتبت بواسطة kader7989

و نزيد نقولك نتي واش رايحا تديري بالطوموبيل ياك ما زلتي صغيرة ............ اللوطو ديريها مين تبغي تروحي للجامعة خارج لمدينة
بصح حتا لولاد نسحقوها ........... نروحو نقسحو و نديرو الموف قدام الثانوية خخخخخخخخخخخخخخ.......... و خطراش كي يجيو عندنا ضياف فليل على غفلة يرسلونا نشريلهم لحم و لا جاج محمر للعشا خخخخخخخخخخخخخخخ

شوف انتوما الذراري تديروها باش تزوخو قدام البنات تع الليسي ياك بصح انا حابا نوريهولهم برك و نزوخ عليهم ما نسحقش اللوطو كيما تقولولها

[kader7989]

المشاركة الأصلية كتبت بواسطة زهراء 255

ومبعد كي نسوق بخويا علاه عيب نورمال بالعكس انا لي نعلمو هههههههههههههههههههههههههههههه.

هههههههههه ياو نتي تقولي هاكا بصح شوفي صحابه واش يقولو خخخخخخخخخخخخخخخخخخخ

[زهراء 255]

ههههههههههههههههههههههههه صار هذا فاه تحتاج الطوموبيل.

[زهراء 255]

ههههههههههههههههههههههه يقولو واش يقولو يكبر وينسى.
علاه نتوما لولاد تتلهاو بكلام صحابكم بزاف.

[kader7989]

المشاركة الأصلية كتبت بواسطة asma1856

شوف انتوما الذراري تديروها باش تزوخو قدام البنات تع الليسي ياك بصح انا حابا نوريهولهم برك و نزوخ عليهم ما نسحقش اللوطو كيما تقولولها

خخخخخخخخخخخخ ايه هادي هي الفايدة نتاع اللوطو نزوخز بيها قدام لبنات خخخخخخخخخخ ما فيهاش عيب ......... بصح نتي لوكان تجي قدام الليسي
رايحة تقتلي لولاد بالغيرة ........... و كامل يروحو يشتكيو لوالديهم على اللوطو .......... و يدخل الاب في ازمة اقتصادية و تروح فيها الجزاير هههههههههههه
ساعفيني خليها حتى تلحقي 25 سنة فما فوق خخخخخخخخخخخخخخخ

[زهراء 255]

هههههههههههههه لالا خويا منسناش ل25 سنة باه نهبل.
وزيد الجزائر تروح فيها غير كي نسوفو حنا برك.
هههههههههههههههههههههههه.