رأيكم؟

[مشكلتي]

السلام عليكم ورحمة الله
انا فتاة مخطوبة لشخص منذ عام وخمس اشهر درنا العقد الشرعي مزال غي العرس،، انا 22 سنة وهو 35 سنة
يعني هو شخص من لافامي تاعي
شخص لاباس بيه مصلي خدام وسمعته مليحة
عندنا شي خمس اشهر ملي وليت نتواصل معاه في الهاتف
وقع مشكل تافه يعني بالنسبة ليا،، قالي يما متناديهاش ب^خالتي^ ناديها ماما وانا رفض
ت قتله مجياش ماما وهو زعف وبدا يشكي ويقولي انتي مكيش مليحة ومراحش تهتمي بأمي ابدا وراح تهمليها وانا عن نفسي فهمتو انو يماك على العين والراس امك ولازم نحسنلها ومفيها والو خصوصا انو راهي وحدها مكاش اللي يعاونها ويقارن فيا بمرت خوه انو هي تناديلها بماما وانا كي شغل جاتني ثقيلة وديما يوصيني بيماه دائما كي شغل نقولو كثر فيها
(لازم طيبي ماكلة مليحة وبنينة مش تخلطي ولازم تسيقي وتنوضي بكري وديري كلش انتي) ويوميا خصوصا رح نسكن في سكن منفرد بالمختصر نقوم بزوج بيوت في نفس الوقت،، بالمعنى يعنيي شي عادي انو دائما يذكر بالوالديه هك خصوصا معاملتو حسيته انو جايبني خادمة وفقط؟؟؟؟؟؟
فهمتو انو لا حرج اني نخدم والديه عادي ونحسنلهم مي هو فاهمني العكس حاسس انو راح نضلمهم من دون سبب،، لم افهم عقلية تاع كي دايرة

اعذروني على الاطالة حبيت ندي رايكم في شخص كيما هذا وشكرا