الاستاذ علي هزايمه-احمد ربك

[علي هزايمه]

"- شفتوا هي البنت اللي زوجها شايفها و مو مصدق و شايلها ع كفوف الراحة ؟
يمكن ما عندها أب وحياتها مو مستقرة ، وربنا بدو يعوضها برجال شهم و حنون
- شفتوا هاد الزلمة اللي معو مصاري كتير و كل يوم سيارة شكل ؟ يمكن ما بينام الليل من وجعو من مرض معين ، وربنا عوضو بالمصاري
- شفتوا هي البنت اللي بتهتم بحالها كتير و بتلبس و بتجخ و بتقضيها مشاوير مع رفقاتها ؟ يمكن الله أخر نصيبها شوي ، و بدو يعوضها بشوية بسط
- شفتوا هدول التنين المتزوجين اللي مقضينها روحات وجيات وطلعات و فوتات وتاغات لبعض عالفيس ؟ يمكن الله حرمهم الضناا ، وعم يعوضهم بشمات الهوا !
- مافي حدا حياتو كاملة ، حتى لو تهيألك هيك !
كل إنسان ب هالدنيا في شي ناقصو مو ضروري يكون مكتوب ع جبينو و مو ضروري يجي و يشكيلك
كل واحد لما بيحط راسو ع هالمخدة بالليل بيفكر باللي ناقصو ناس بتبكي و بتشكي و ناس بتسكت و بتقول الحمدلله نحنا احسن من غيرنا
بحياتك لا تطلع ع اللي عند غيرك ، بحياتك لا تقول اشمعنى انا !
ربنا عطاك شي انت مو حاسس بقيمتو و بنفس الوقت حرم غيرك منو !
احمد ربك ع النعم اللي عندك
ماحدا رح ياخد أكتر من نصيبو ب هالدنيا
بالنهاية لا تطلع ع فلان و تقول نيالو حياتو مثالية لأن الله أعلم شو اللي ناقصو "