ܨ# تحْفـيِز مِنْ نوْع آخرْ #ܓ أُدْخُل ܨ

بـــيِسَة · 2021-05-25, 00:11

السلام عليكم و رحمة الله تعالى و بركاته .حبيت نحطلكم موضوع متنوع
خلونا اي سؤال او استفسار في التعليقات

الجانب النفسي
من الاهم أن تكون مطمئن نفسيا في هذا الوقت [ ناس تحارب بالسيف و تروح عادي و انت بستيلو خايف ] واش هادي تع باك مصير و امتحان مصيري
يا الامتحان هو حياتك قع و النتيجة يم القيامة ماشي الباك . باك مجرد محطة من محطات حياتك الا كان من نصيبك الحمد لله و ان لم يكن من نصيبك الحمد لله .و متقولش ناس تقرا و انا روطار هيه اقرا كيما هوما تآفونسي عليهم المهم صلي و اقرا و ادعي انت المسؤول عن الاسباب مي مراكش مسؤول عن النتيجة
كون قدها و متتقلق ما والو بربي تنجح و تنسى كل حاجة جازت عليك .

وين راني واصل ؟
كل واحد منا يقول فات عليا الوقت و راني روطار ووو هيا نود تقرا دوكا واش راك تستنا واش يفوتوك لي يجيبو الباك ياك انت انسان و هو انسان
هو يفوتك بحيلة فقط ... قاعد من من اكتوبر و تحوس تنجح مكاش منها هادي قع
صح انا راني روطار و بزاف تاني بصح واقة من روحي بلي قدها ان شاء الله و في 20 يوم اصنع المستحيل علاه نن ؟
مبديتش من اكتوبر بصح تاني ماشي اليوم بديت برك
دونك لازم تكمل في هذه الفترة ماشي تبدا و لي يقلك كملت البرنامج وووو عادي تقدر انت تاني تكملوا برك نوض متقعدش تعس في الناس وين واصلة شوي ايمان و تقة و انت فريتها

الاشاعات
راك كبير ... ميجوزوهاش عليك باك تاجل , مكاش باك قع .... ناس لي دير في اشاعات كملت برنامج و فرغت شغل هادي اولى
و تانية انت دير لي عليك و كاش جديد كاين الوزير و يصرح متخافش .

نقرا للناس ...
كي دارنا يكونوا فدار نقرا كي نكون وحدي منقراش شبيك ؟؟؟؟ ياو كي تبكي مكاش لي يبكي في بلاصتك صح يبكوا معاك و كي تفرح يفرحوا معاك ماشي فبلاصتك الله يهديك اقرا اروحك مستقبلك هادا متشي تاع الناس

الجانب الديني
نورمالمون هذا نبدا بيه بصح معليش نخلوه دوكا ياو الصلاه ماشي حتان نفكروك فاها [عيب كبير ] و مبعد هادي الا صليت كي تنجح تحبسها ملفرحة و كي ترسب تحبسها ملقلق [ زعما رانا في الدوال معرفة غير على مجال برك ]

كيف اتعامل مع ورقة الاجابة ؟
ورقة برك ماشي نار دونك يا تخدم يا تخدم مكاش منها تخليها بيضا علاه قريت عام باش تروح و تولي نهار الباك
بلعقل [ معنديش تجربة ] بصح معليش عندي مخطط كيفاش نتعامل مع اي ورقة موضوع
الحاجة لي نعرفها هي تسمي بالله و تبدا كانها ميساج للباك يا تنجح يا لا خمم بعقلك و تخزرش كل مرة في الوقت و في صحابك واش خيروا
[ صباح فلمات خيرت سوجي صعيب انا الوحيدة في العلميين قع علاه بيسك قنعت بيه و خدمت لاباس ] قعدوا يقولولي صعيب ولاه تخيري فيه ووووو ياك انا لي راني عارفة روحي وواش نعرف مالا اختياري انا و الحمد لله

نصائح و ارشادات
حاول تنوض بكري احسن من سهر
حاول تكمل ملخصات و تبدا غير تمارين
سجل الافكار مليحة في كناس باش تراجع بيها اسبوع الباك
ارتاح وقت لي تحس روحك عييت
قهوة تساعد على التركيز [مجربة]
و اتكل على ربي و دير التقة فيه و فنفسك
عشرين يوم قبل توقف على المواقع لي فيهم الدردشة ووو ريح مع روحك و اقرا وحدك

ان شاء الله تكونوا استفدودتوا و لو بكلمة ربي يوفقكم