وعلاه مولدتش ف اسرة برجوازية

[مشكلتي]

وعلاه ولدت في اسرة متوسطة ؟؟ وعلاه ولدت في اسرة فقيرة ؟؟؟

امنية حياتي و حلمي هو ياريت نكون ولدت في اسر غنية جدا فاحشة الثراء.... خسارة غايضني عمري وحياتي ... علاه كي جيت للدنيا لقيت روحي في العائلة تاعي هاذي... وعلاه ؟؟ وصلت لدرجة بش نجهل ..

ابهى معيشة وافضل نمط عيش هو نمط الاغنياء .. تعجبني معيشتهم .. تعجبني نظرتهم للحياة... عائلاتهم البرجوازية.. سيارتهم.. رحلاتهم الفاخرة... اولادهم في المدارس الخاصة الغالية ذات المعرفة الممتازة والجامعات العالمية... اه كرهت حياتي... حياتي كرهتها وحلفت اني لن انجب اطفال الا اذا كان الطرف الاخر في الزواج فاحش الثراء جدا جدا... لكن هذا لن يحصل ابدا.. لان الاغنياء يتزوجون الاغنياء...

وعلاه ؟؟ وعلاه ولدت هكا ؟ في المنطقة هذه.. في البلاصة هاذي.. كرهت... كون عرفت روحي باللي هاذي هي معيشتي كنت نقتل روحي بالحبل السري في بطن امي....

وعلاه الدنيا زي هكا ؟؟ كاين ناس يولدوا وملاعق الذهب في فمهم.. وكاين ناس لا.... كرهت

حتى انا حاب نجرب هذاك الاحساس الرائع .. الاحساس تاع او عندي حساب بنكي لايفرغ ابدا... معمر بالدراهم.. الحاجة اللي نحب نشريها نشريها طول.. تعجبني سيارة فاخرة جدا نروح طول نشريها بلا ما نخمم.. يعجبني يخت نروح نشريه وندور في البحر ... وعلاه انا ماعنديش مصنع ..؟؟ وماعنديش مزرعة ؟؟ وعلاه والديا ماخلولي والو ؟؟؟ لاميراث لاذهب لا حوانيت للكراء.. لا والو... ويقولك خليت ليك دعاوي الخير ؟؟؟؟؟ ماهذا..؟؟ رانا نصبروا في رواحنا بالخرطي ولا كيفاش ؟؟؟.

امنية حياتي نكون حليت عيني في الدنيا نلقى روحي في طبقة راقية ارستقراطية .... هاذيك هيا السعادة... ويكذب عليكم اللي يقول ليكم : (( احم.. المال لا يشتري السعادة.... احم السعادة ليست في المال...الخ الخ )) هذا الكل كذب... زينة الحياة في المال...

تعبت و جتني ازمة نفسية كبيرة كنت على وشك الانتحار... كرهت كل شيء ... كرهت الخدمة ودارنا والناس والجيران و الاحياء و دزاير... كرهت العالم الثالث العاجز ... كرهت فكرة اني تولدت اصلا.... خسارة... صحا ليهم اولاد الطبقة الراقية دبروها في كل شيء...

[oussama.oussama]

لم تذكر لنا عمرك لكي أعرف كيف أرد بشكل جيد
المهم:

الحياة الدنيا كلها التي تكلمت عليها كلها شيء هامشي هدف المسلم هو الآخرة، الآخرة فقط.

أغنى إنسان في العالم هو الإنسان القانع بما يملك. يمكنك أن تعيش نفس الحالة النفسية التي يعيشها هؤلاء الأغنياء عبر التركيز على تدريب نفسك على القناعة، صدقني ستصبح ثريا جدا.

أنث ثري جدا نعم ثري وأفضل من آلاف الأثرياء لقد ولدت في أسرة مسلمة تهاني لقد اختارك الله من بين ملايير البشر الملحدين وعبدة الأوثاء وفضلك عنهم بأن ولدت في أسرة مسلمة على التوحيد.

ركز على العمل لتحصل على السعادة الأبدية التي لا تقارن بيخوت وسيارات ومنازل الدنيا. بدل أن تخسر الأمرين فلا أنت وصلت لهذه العيشة الأرستقراطية، ولا أنت آمنت وصبرت ونلت رضى الله عز وجل

[Elwawy]

من الأحسن إعادة وضع المشكلة مع وضع التفاصيل و ما هي المساعدة التي تحتاج, هل عندك إعتراض على حكمة رب العالمين في بسط الرزق؟

[بـــيِسَة]

السلام عليكم .
اضافة
أسغفر و توب الى الله في أقرب وقت أحسن لك
اذا كان عندك اعتراض على خلق و تدبر الله فهذا كفر و جهل ... سريعا الى الصلاة و الاستغفار
عندما يقولون == لك والدين دعاوي الخير حقا دعاوي الخير بيهم راك عايش بعض الايجابيات في حياتك
و المال لا يشتري السعادة صح لا يشتريها أبدا صدقني
اضافة الى بعض المعلومات عنك و لنا عودة

[فتيحة0411]

السلام عليكم
هاذ الدنيا ما جات كاملة حتى لواحد
حتى هذوك لي فاحشين الثراء عندهم من الهموم والابتلاءات لي يشيبولك راسك، هوما برك ساترين روحهم وما يبينوش للناس باش ما يستشفاوش فيهم
لعلمك معظم البنات لي ينتاحرو من عائلات غنية، ومعظم مدمني المخدرات من عائلات غنية...
فكرتني في الي يقولك حياة المشاهير والممثلين معمرة غير باللهو والسعادة والمال، وكيما قال المثل "يا لي مزوق من برة واش حالك من داخل"
باغي الدراهم، دير هدف في حياتك واسعاله باش نتا تخلي لولادك الرفاهية
ولمعلوماتك، أغلب الاغنياء بداو من الصفر وهوما بناو الثروة نتاعهم
أما لي ورثها فأغلبهم يضيعها بين ليلة وضحاها
وإذا شفت غني ولد غني ومحافظ على أمواله، فهذاك الشخص أيضا راه يتعب بنفس المقدار لي يتعب بيه شخص بدا من الصفر باش يحافظ على أمواله
الدنيا مشي سهلة للأغنياء كيما راك متوقع، حتى الأغنياء لي بناو ثروتهم بالحرام (الله يعافينا) تعبو أكثر ملي راك متخيل وعايشين في الريسك دائما
عاود حساباتك من جديد، ودير في بالك الواحد مهما عاش ولو ألف سنة، في الأخير راح يموت، وهنا تبدا الندامة على حياته لي ضاعت في الشكيل
في القبر الغني ما راحش يتفكر سياراته ويحس بالسعادة، ولا الفقير راح يتفكر الجوع ويحس بالحزن،
ربي يصلح بالك، ويرزقك بالي راك متمنيه

[Anabela]

اختصارا للكلام تدبر هذه الاية" ومن يتق الله يجعل له مخرجا ويرزقه من حيث لا يحتسب"

[HANAN 04]

دعنا لا نتحدث من جانب اخر عدى الدين فلا يمكنك تغيير قدر الله طبعا
دعني اخبرك سر ( لا اعرف اذا انت و لد او بنت لذلك ساتحدث بصفة عامة )
اتعلم ما المشكلة الاكبر بالغني و الفقير ليس المال بل العقلية طريقة التفكير كيف تتعامل مع حياتك
يوجد الكثير من ولدو في عائلة غنية و اصبحو فقراء اتعلم لماذا لانهم لا يملكون عقلية الاغنياء
و بالمناسبة الحياة ليس بتلك السهولة فقد تولد في عائلة غنية فلقد نجوت من هذه الحياة الحياة صعبة جدا
حاول تعلم هذه العقلية عقلية الاغنياء قلدهم و صدقني ستصبح حياتك افضل
الاغنياء لديهم نظام معين طريقة تفكير معينة انا لا اتحدث عن الاغنياء الذي لم يحققو غناهم بنفسهم فهم ايضا لا يملكون هذه العقلية
اقرا كتب تثقف و اتخذ عقليته و اعمل بجد و بني حياتك من الصفر و اسس ثروتك من الصفر انت لم تختر عائلتك التي ولدت فيها لكنك تستطيع العمل لمستقبلك
صدقني لا شيئ مستحيل هاول محاربة كل مشكلاتك و صدقني ان المشكلات و الازمات يجعلون منك شخصا اقوى المشاكل كما يقال تنحت شخصيتك و طريقة تفكيرك مشكلة بعد مشكلة ستصير انضج
فقط اعمل فالحياة لا تحب الفاشلين و لا تبقى في مكانك تشتكي و تلقي اللوم على الاخرين نعم الحياة ليست عادلة لكنك تستطيع تغيير حالك للافضل
ارجو ان تفهم المغزى الذي قلته
و الذي الذي يقولون انا اعيش في الخيال و ما اقوله مجرد احلام لا انا لا افعل ذلك اعلم اني لا زلت صغيرة لكنني فعلا عشت ما يكفي لافهم هذا الكلام و لاطبقه و لاصعد اول درجة لي في سلم النجاح
و هذا رايي و شكرا

[جَمِيلَة]

السلام عليكم
اظن نحن من سنصاب بازمة نفسية من موضوعك هذا
الحقيقة بدا لي وكأنه موضوع للفضفضة وليس لطلب النصيحة او المساعدة
لاننا ببساطة لا نملك لك طريقة تغير قدرك لتكوني من اسرة ثرية
ولا نملك ايضا طريقة سحرية تنقلك من الفقر للغنى بلمح البصر
فانت لا تريدين التعب تريدين ان تحصلي على المال بسهولة
ولذلك تقبلي مواساتي لوضعك (احس بانك فتاة وعذرا ان اخطأت)
ادعو لك بالفرج وبامر آخر اتركه بيني وبين نفسي
الله المستعان!!

[سَامِيَة]

ربي يهدينا ويهديك..

فضفضتك باختصار بعنوان
" انظروا ماذا فعل بي ضعف الإيمان "

بدلا من أن تلقي اللوم على الظروف حاولي أن تتحملي مسؤولية ما تشعرين به بسبب تفكيرك المضطرب !

الحمد لله إلى أن يبلغ الحمد منتهاه

[visa uk]

ناس تخمم للاخرة وكفاش تمسح دنوبها كمل نعلطو وووونتوم خموو في الجاه ومال وووووووووو مضاهر روحو خمو للاخرة مال جيد لكن ليست كنضرتكم تموتو علي مال او تنضرو فقط للمالللللللللللللللللللللللل وتحبو مال حبا جما ومضاهر وجاه ووووووو

[visa uk]

سبحان الله ناس ماتحمدش الله مطلقااااااااا استغفر الله جهل ومايعمل

[3ab2ou]

يا خويا عندك الحق الوقت الحالي بدون مال لا تستطيع فعل شيئ و لكن المال يعتبر وسيلة و ليس نمط عيش و الا دخلت في دوامة صعبة جدا فالاهم في الحياة من وجهة نظري هو تحقيق اهدافك و تجديدها مع الوقت سواء مادية او معنوية او دينية كل واحد كيفاه يشوف فيها.
بالنسبة حاب تولي ثري يا خويا نتا من حكايتك باين من هادوك العيباد اللي يحلمو برك و ميطبقو والو .حاب تولي غني اخدم دير حاجة دير مشروع ابدا من الصفر كن استثناءي ضرك كاين الأنثرنث ادخل ابحث على اي شيئ في بالك شوف الميولات تاعك وين و طورها و اجعلها تجارة و مع الوقت تبدا تفتح عينيك مليح

[رَمَادِيَاتْ]

ساهلة
مادام عندك قاع هاذ الطاقة للاعتراض خدميها في بلاصتها
نعرفك اذا حارة صح وبصحيح شمري على يديك
واخدمي ليل ونهار

ناس بزاف بداو من تحت الزيرو ودارو السيارات والفيلات والتحواس

أما باش تقعدي قاعدة وتلعني في الواقع وتقارعي لمصباح علاء الدين يطيح عليك م سما فهذا ببساطة لن يحصل ولن يغير شيئا

ما نعرف

بالاك نهار تولي مليونيرة وتشبعي وتتفكري روحك وهاذ الهدرة تفيقي لبزاف صوالح.. وتندمي على عايلتك لي ماهيش عاجباتك.

[tassnim5]

طريقة وصفك للثراء الفاحش الذي تريدين العيش فيه جعلني أجزم أنك مدمنة مسلسلات تركية بل جعلتني من وصفك كأنني أرى أمامي ذلك الرصيف التركي الذي تقف فيه اليخوت الفخمة وارى الفيلات الراقية التي يمثل فيها الممثلون الأتراك و السيارات الفارهة التي يركبونها و الحياة الباذخة التي يصورون لنا أنهم يعيشونها. أنت ضحية هذه المسلسلات لذا انا أنصحك بمقاطعتها و العودة الى الواقع و انظري الى من هم ادنى منك في كل شيئ و احمدي الله على نعمة الصحة و البصر و اجعلي القناعة و الرضا شعارك في هذه الحياة .

[بشرئ عاشقة العلم]

هي صح كلنا خطرات نتحسرو على واقعنا المرير انا غير البارح قعدت ساعة و نا نبكي هكا بلا سبة غاضتني عمري بزاف كي تقعد نقارن روحي بالبنات يعني انت لست الوخيد الذي يكابد في هذه الحياة ..... و لكن انت راك وصلت لوحد الدرجة عالية من السخط على قدر الله لحد انو اصبحت نظرتك للدنيا مادية بحتة ... و انت علاش تلوم والديك مين مخلاولكش ارث ووصلت لدرجة الاستهزاء بدعاوي الخير تذوك الدعاوي هوم لي قادر يوصلوك لاعلى المراتب و عوض انك تلومهم لازم تكون بار بيهم و تخدم على روحك بدل افناء حياتك لي التذمر ....كيما قلتلك اغلب قراء موضوعك رهم في نفس حالتك او اكثر ...احمد ربي و شوف لي تحتك مشي لي فوقك ..... كل شيء قدره الله لنا له حكمة في هذه الدنيا