فَضْفَضَة //لِرَفْع معنوياتنا نَحْن طُلَّاب البكلوريا .//: الْبَاكٍ وَ الكَوَّرُونَا

[*آمنة*]

سلام الله عليكم

قاع قاع رانا في حالة لا يرثى لها ...مع هذي الكورنا :..ربي يجيب الخير

كل واحد فينا راه حاير ومعرفش يقرا و واش يدير

قاع رانا في حالة متخليناش نقراو......كل واحد راه يقول دايديروا عتبة.داي يأجلوا الباك

قاع مقلقين ولا واحد نافحتلوا يقرا

جاتني فكرة ....نفتحوا هذي المساحة للفضفضة......كل واحد يكتب كيفاه راه حاس والمشكلة نتاعو.....الخ

وفي المنتدى توجد اخصائية نفسانية...سأحاول التواصل معاها كي تعيننا...او ممكن مشرفين المنتدى سيساعدوننــــا


موفقــــــــــــــــــــــــــــــــــــــــــــــ ــــــــــــــــــــــون

[karlita]

شكرا امنة فكرة جميلة
الحل الوحيد لراحتنا فذي الفترة قرار نهائي من الوزارة هاك نعرفو كفاه نتصرفو
سواء قرار مليح ول نو
الباك يتاجل او لا
المهم قرار

[*آمنة*]

المشاركة الأصلية كتبت بواسطة karlita

شكرا امنة فكرة جميلة
الحل الوحيد لراحتنا فذي الفترة قرار نهائي من الوزارة هاك نعرفو كفاه نتصرفو
سواء قرار مليح ول نو
الباك يتاجل او لا
المهم قرار

ايه صح...بصح تقعدي لواش تسناي

ممكن نصيحة واحد كبير ومختص رايح يفهمنا

..
..

[karlita]

المشاركة الأصلية كتبت بواسطة *آمنة*

ايه صح...بصح تقعدي لواش تسناي

ممكن نصيحة واحد كبير ومختص رايح يفهمنا

..
..

ايه و الله رانا صح محتاجين نصيحة اخصائي
نورمالمو يحطولك لقب مخترعة الافكار

[اسماء تيارت]

الكورونا* اثرت علينا بزاف وبالسلب.
كل الناس في الحجر الصحي منقولش ماهيش تخمم لا .بصح مارهومش كيما حنا صحاب الباك نخموا وطايح المورال.انا كي نجي نتوشي الكايي. نقول خلي حتى ممبعد الوقت راه طويل .يعني هاذي صراحة .
حتى قرار الوزارة ليس بقرار نشوفوا* أناني* بزاف* مع كل احتراماتي يشوفوا فقط لولاية الجزائر. مخموش في* مناطق الظل مخموش في الجنوب ..يعني قرار عشوائي* .وبالنسبة ليا أفضل حل هو التأجيل.*
احتساب الفصول* والتقويم* المستمر. ليس بحل أبدا* انا وحدة من الناس* منخممش في معدل الفصول ولا حتى نفكر فيه و منخدملوش. كنت نخدم فقط للباكالوريا.*
فضفضت كل ما في قلبي 😆😆

[أمل أميرة]

تعبت مالوضع الراهن نفسيتي منهارة مانيش حابة نخسر عام اخر وللاسف مانيش قادرة نقرا راني غير نخمم تعبببتتتتت ياعالم حابة نجوز الباك ونتهنا يا سيدي قولولنا لكان فيها ولا مافيهاش خلو العبد يرتاح

[اسماء تيارت]

نسيت حاجة. اسكو* ناس وأولاد* البليدة* عندهم نفسية باه يقراو ؟

[اسماء تيارت]

المشاركة الأصلية كتبت بواسطة أمل أميرة

تعبت مالوضع الراهن نفسيتي منهارة مانيش حابة نخسر عام اخر وللاسف مانيش قادرة نقرا راني غير نخمم تعبببتتتتت ياعالم حابة نجوز الباك ونتهنا يا سيدي قولولنا لكان فيها ولا مافيهاش خلو العبد يرتاح

والله ماهومش قاع لاهيين بينا ولا حتى سامعين

[ايوب122]

انا كرهت هذا الجو
حاب نقرا ومقدرتش

قبيل جبدت ملخصات الفيزياء وسكرتهم مقدرتش

[~ زمزم ~]

انا بابا و اخوتي قالولي وجدي روحك و اقري كانوو جوان الباك يعني تحسبا لاي شيء ممكن من الوزارة لانو دزاير ما فيهاش الامان سوء كاين عتبة او لا تاجيل او لا يعني قالولي اقري لي فاات وو اسهلها ربي ان شاء الله و راني مابين نقرى مليح نفرسي روحي ولا نقرى براحة وو بالديتاي راني بين و بين تفكيير عنها ما يوقفش حتى نولي نقرى نحبس و نقعد نخمم كاين تاجيل او لا مع العلم انو فرنسا دارت annee blanche "سنة بيضاء"نخافو لدزاير تعمل كيفهاا ربي يستر و خلاص

[اسماء تيارت]

المشاركة الأصلية كتبت بواسطة ~ زمزم ~

انا بابا و اخوتي قالولي وجدي روحك و اقري كانوو جوان الباك يعني تحسبا لاي شيء ممكن من الوزارة لانو دزاير ما فيهاش الامان سوء كاين عتبة او لا تاجيل او لا يعني قالولي اقري لي فاات وو اسهلها ربي ان شاء الله و راني مابين نقرى مليح نفرسي روحي ولا نقرى براحة وو بالديتاي راني بين و بين تفكيير عنها ما يوقفش حتى نولي نقرى نحبس و نقعد نخمم كاين تاجيل او لا مع العلم انو فرنسا دارت annee blanche "سنة بيضاء"نخافو لدزاير تعمل كيفهاا ربي يستر و خلاص

حتى انا قالولي قراي قاع واش يصرا تكوني قارية .
فرنسا حسبت التقويم المستمر

[مصطفى_س]

السلام عليكم و رحمة الله

اسعد الله مساؤكم

قاع قاع رانا في حالة لا يرثى لها ...مع هذي الكورنا

اريد فقط ان أصحح (رانا في حالة يرثى لها ) و ليس لا يرثى لها

نعم كل الجزائريين في حالة هستيرية الامور تعقدت و اصبحت خطيرة و الذي زاد من حدة الخطر امران
اولا كثرة الشائعات و بالاخص المغلوطة
ثانيا عدم التزام البعض للحجر الصحي

اما الاول فقد اثر سلبا على كل افراد المجتمع و بالاخص كبار السن فينتظرون كل ثانية الاخبار عن هذا الوباء
الثاني و هو عدم مبالاة الشباب بهذا الوباء و شدة خطورته زاعمين ان المرض يصيب كبار السن
لا بل يصيب كل الشرائح صغير و كبير من يعانون امراضا مزمنة و حتى اصحاء فارقوا الحياة نتيجة هذا المرض الخبيث

اما بالنسبة لطلاب البكالوريا لا احد يعلم المستقبل حتى في الدول المتطورة
نصيحتي لكل الطلاب ما دام انتم في الحجر الصحي اغتنموا الفرصة بالمراجعة مع تنظيم اوقات المراجعة
و لا تبحثوا عن موعد البكالوريا او سنة بيضاء اهتموا بالدراسة و المراجعة و فقط و الحمد لله وزارة التربية
تداركت الامر و ستقدم دروس على التلفزة الوطنية و لله الحمد

يوجد من يقول لم استطيع المراجعة في هذا الجو ليس لدينا خيار اخر بل وجب علينا التكيف مع الوضع الذي نحن فيه
فالكل مجند للخروج من هذه الازمة التي فاجئت الجميع .
كان الله في عونكم
نسأل الله أن يشفي مرضانا و يرحم موتانا و ان يحفظنا من كل سوء و ان يرفع عنا البلاء و الوباء

تقبلوا تحياتي

[اسماء تيارت]

المشاركة الأصلية كتبت بواسطة ~ زمزم ~

الرابط ممشاش اسماء

الرابط من فرانس 24. حول الباك 😆

[اكرام براءة]

كان يحسبوا معدلات الفصول كارثة
كامل نقولو الصح في الباك
و فوق هذا التقويم المستمر في الجزائر ماهوش معيار
بعض الأساتذة يهبطوا المعدل
خاصة تلاميذ البكالوريا عندنا مايمدولهمش في التقويم يقولك باش نعرفوا المستوى الحقيقي
انا وحدة ديت 16 في العربية حطتلي 10 في التقويم بحجة مانشاركش في القسم
نورمالمو الباك يكون ماراناش كيما فرنسا
غير اذا تبعوهم كي العادة
أحسن حل التأجيل
لوكان يزيدولنا عتبة تولي فور
لكن مع دروس التلفاز و التكوبن عن بعد مانظنش رح تكون عتبة
ننتظروا التأجيل
و تبقى الكلمة الأخيرة للوزير
مازال ماصرحش كيفاش حال الباك في ظل الكورونا

جماعة اذا قالوا معدل الفصلين و لا التقويم المستمر
نخرجولهم في حراك

مايساعدناش كامل هذا القرار

ربي يجيب الخير

[toulay]

وعليكم السلام ورحمة الله وبركاته
ياجماعة راني حاسة بيكم وعلابالي الضغط الرهيب لراكم فيه ولكن لازم تقراو واذا تحتمت تفورصوا على رواحكم لانو الندم يجي مع الاخير والوقت ليروح ميزيدش يرجع
مالا نصيحتي ليكم ديروا برنامج ونظموا وقتكم وراجعوا بالتفصيل الممل الفصل الاول والثاني هكذا تكونوا تخلصتوا منو
مثلا قال السبت نقرا علوم نفليها مليح مليح وياسيدي نبقى فيها يالوكان زوج اسابيع مثلا اسبوع فصل اول واسبوع فصل ثاني تكون كملتوا مادة ومتمكنين منها خير من تقفزوا من مادة الى اخرى وماتهزوا منها حتى حاجة
الاسبوع لوراه فيزياء وهي رايحة
متفشلوش اي تجي غير عليكم انتم
درك capable يروح الفيروس هذا مايستنوكم ماوالو مباشرة تفوتوا الباك وانتم مارجعتوا والو مالا ياتلاميذ راكم في course contre la montre
درك apprendre ou laisser ادي ولا خلي
ياتقراو وتكون عندكم عزيمة وارادة قوية ياتجيبوها ماكلة ورقاد حتى يلحق مثلا سبتمبر وتبقوا حايرين في موضوع الباك لانكم مكنتوش تراجعوا
القرار يرجع ليكم
اي مساعدة او استفسار راني هنا ان شاء الله وتقدروا تراسلوني على الخاص تاني
تم تثبيت الموضوع
بالتوفيق