نصيحة من القلب

[toulay]

السلام عليكم
علابالي فيكم راكم تحت الضغط وراكم خايفين واعصابكم راها تالفة وقاتلكم التخمام وكل ثانية يجيكم سؤال في بالكم وتحسوا رواحكم نسيتوا كل شيء
ماتخافوا ماوالو صح هو امتحان مهم ومصيري ولكن صدقوني ليقرا يلقى وربي سبحانه ميضيعش تعب المجتهد والمثابر

نصيحتي ليكم مين تحكموا ورقة الامتحان قولوا بسم الله يمدلوكم الموضوع نفس الشيء قولوا بسم الله خليكم هادئين ماتقلقوا ماوالو بالعكس خموا بايجابية واتفكروا بلي مشي انتم فقط راكم تفوتوا فالباك وبلي هذا sujet راه قدام كل تلاميذ الجزائر لعندهم نفس الامتحان وكلهم راهم مركزين معاه هكذا باش متحسوش رواحكم وحدكم

ثاني حاجة ديروا ثقة في نفسكم وفي قدراتكم وبلي الباك هذا انتم لراح تتغلبوا عليه مشي العكس وقولوا مشي تعب عام كامل يروحلي في مهب الريح
استعملوا المسودة متقولوش لا ميكفيناش الوقت ومنا ومنا حاولوا تكونوا اذكياء وتنظموا وقتكم مليح وجاوبوا على الاسئلة لتعرفوها ولمتعرفوهاش خلوها مع الاخير

مدولكم تفوتوا في ربع سوايع ابقاو ربع سوايع مشي تفوت زوج سوايع تكرهوا تخرجوا لا لا كملوا حتى اخر ثانية
حاجة اخرى الاجابة متبقاوش كل دقيقة تبدلوا فيها هي في غالب الاوقات الاجابة الاولى لتجي في بالنا هي الصحيحة ملازمش تشككوا فالمعلومات تاعكم باش هكذا عقلكم مراحش يتشوش

وضحوا لكتيبة تاعكم ونظموا ورقتكم ومين تكملوا راجعوا اجابتكم مليح وتاني المعلومات تاعكم الاسم اللقب رقم التسجيل

بلا ماننسى حاجة مهمة مين تكملوا من المادة خلاص c'est bon راها فاتت ماتحكي عليها ماتخمم فيها ماوالو ومكلاه تتناقش مع الزملاء درت هكذا والاخر يقولك غالطة والاخرى تقولك لا لا تجي هكذا وانا لقيتها هكذا والقسم كامل لقاها هكذا ومنعرف واش
انت جاوبتي كيما تعرف درتي لعليك والباقي على ربي سبحانه خلاص قول درك نركز فالمادة الجاية
لانو مين تبقى تخمم فالمادة هاذيك تجيبها غير في روحك ومورالك ينزل تحت الصفر يعني واش الفايدة مين تتفكر هل زعمة راح طير وتروح لمركز الامتحان وتحوس على ورقتك وتبدل الاجابة تاعك ولا كيفاش
خلاص كملنا المادة طبق علينا منزيدش نحكي عليها لانو مكانش سبب

خليكم متفائلين فرحانين زاهيين وديروا في بالكم بلي راكم ناجحين ان شاء الله وراح تحققوا حلمكم بدراسة التخصص الذي طالما كنتوا تجاهدوا على جالو

مالا ياجماعة كونوا اقوياء وزيدوا اصبروا شويا برك لانو مبقاش قد لفات وكيما يقولوا الصابر ينال

وتاني حاولوا ترتاحوا وارقدوا بكري باش تبكروا الصباح لانو المراجعة في الصباح الباكر مفيدة لانو مخكم يكون مرتاح

بالتوفيق وربي ينجحكم ان شاء الله

كانت معاكم radio en personne ههههه وان شاء الله ياربي كلماتي توصل كيما يقولوا السوريين لصمصومة قلبكن ههههه

سلاااااااااااااام وردوا بالكم تخلوا الباك يغلبكم اغلبوه انتم بالمراجعة والتركيز والتفاؤال

[إيمآآن]

بـارك الله فيك أستاذة ههههه إيه وصلت لصمصومة صمصومة قلبي *-* ربي يجازيك كيما وقفتي معانا

[* قمر*]

بــارك الله فيك *-*

[~ قدس ~]

استااذة مازاتلي شوية درووس ونراجع الادب وشراايك نسهر ولا نرقد بعد لعشااء ديراكت ونوض صباح بكري ومع شحال نووض علما انو من ستة نخرج من الدار .. وتااني مساافة بين دارنا والمركز ساعة هكاك يعني نقدر الفترة ها>ي نراجع فيها الادب ..

[toulay]

المشاركة الأصلية كتبت بواسطة إيمآآن

بـارك الله فيك أستاذة ههههه إيه وصلت لصمصومة صمصومة قلبي *-* ربي يجازيك كيما وقفتي معانا

امين يارب العالمين
الحمد الله لوصلت الرسالة تاعي وان شاء الله خير
بالتوفيق

المشاركة الأصلية كتبت بواسطة * قمر*

بــارك الله فيك *-*

وفيك بركة
ربي ينجحك ان شاء الله

المشاركة الأصلية كتبت بواسطة ~ قدس ~

استااذة مازاتلي شوية درووس ونراجع الادب وشراايك نسهر ولا نرقد بعد لعشااء ديراكت ونوض صباح بكري ومع شحال نووض علما انو من ستة نخرج من الدار .. وتااني مساافة بين دارنا والمركز ساعة هكاك يعني نقدر الفترة ها>ي نراجع فيها الادب ..

خليك من السهر لازم لحداش متفوتهاش ارقد على العشرة ونص
شوف نمدلك طريقة
مين تحكم بلاصتك ابقى راجع الدروس وبعدها ارقد مباشرة في هاذ اللحظة مخك راح يخزن المعلومات
هي فالحقيقة المراجعة تاع اخر دقيقة مشي مليحة حتى اكون صريحة انا كنت نديرها مين بلاك يبقى خمس دقائق ولا للامتحان نبدا نخلط فالاوراق والكراس هههه بصح راها مشي مليحة
راجع من الملخصات وفرات باش متديش بزاف وقت
بالتوفيق

[TakouaQueen]

شكرا لك أستاذة *.*

[~ قدس ~]

المشاركة الأصلية كتبت بواسطة toulay

خليك من السهر لازم لحداش متفوتهاش ارقد على العشرة ونص
شوف نمدلك طريقة
مين تحكم بلاصتك ابقى راجع الدروس وبعدها ارقد مباشرة في هاذ اللحظة مخك راح يخزن المعلومات
هي فالحقيقة المراجعة تاع اخر دقيقة مشي مليحة حتى اكون صريحة انا كنت نديرها مين بلاك يبقى خمس دقائق ولا للامتحان نبدا نخلط فالاوراق والكراس هههه بصح راها مشي مليحة
راجع من الملخصات وفرات باش متديش بزاف وقت
بالتوفيق

ااوكي شكرااا .. بالمناسبة انا فتاةهههه

[ضيوف وسنغادر]

بارك الله فيك
ادعيلنا استاذ

[toulay]

المشاركة الأصلية كتبت بواسطة TakouaQueen

شكرا لك أستاذة *.*

عفوا وبالتوفيق

المشاركة الأصلية كتبت بواسطة ~ قدس ~

ااوكي شكرااا .. بالمناسبة انا فتاةهههه

عفوا
oui علابالي بلي انت طفلة
ربي ينجحك ان شاء الله

المشاركة الأصلية كتبت بواسطة ضيوف وسنغادر

بارك الله فيك
ادعيلنا استاذ

وفيك بركة
ان شاء الله ربي ينجحكم
نسيتي التاء المربوطة
بالتوفيق

[الإسكندر الأكبر]

بارك الله فيك استاذة

[toulay]

المشاركة الأصلية كتبت بواسطة الإسكندر الأكبر

بارك الله فيك استاذة

وفيك بركة
ان شاء الله تكون من المتفوقين
بالتوفيق

[zahra1999]

نصائح جيدة اتمنى ان يمر عليها الاعضاء ثانية

للاضافة حبيت نقول للطلاب ايضا.متعمروش ريسانكم بالاشاعات تع راح يجينا كذا أو كذا أو أي شيء عن تسرب الاسئلة وماشبه ذلك
راجعو كل شيء ولي جات مرحبا بها.
نصيحة اخرى ماتخلوش الاحداث تع هذاك اليوم تأثر عليكم لي صرا خلوه يصرا التاو فقط بورقتكم واجابتكم فقط وما تنغروش ولا تلتفتو لأي شخص أمامكم كل واحد راه يعوم في بحرو .
حاجة اخرى .البكالوريا عادة ما يكون سهل وفي متناول كل طالب كان مراجع ومتعلق شوي بدروسه. أسئلة البكالوريا حلوة كثيرا