السلام عليكم و رحمة الله
واش احوالكم ايها المحاربون ؟
و كيفاش راهي ماشية المعركة و الحرب تاعكم
بلعقل برك
ربي يديرلها طريق
عارفين الظروف و الستراس هذا و القلق
ان شاء الله كامل يرجعوا أفراح و مسرات
و يرزقنا ربي فرحة النجاح في البكالوريا
قالوا بالاحد يكون الإعلان الرسمي عن تاريخ إجراء الامتحان المصيري
اللي 12 سنة و حنا نستناو فيه و بانيين عليه احلامنا
كنا في الابتدائي تسألنا المعلمة واش باغي تولي في المستقبل
أيا ببراءة نقولو طبيب ، معلم ، طيار ، مهندس ، .....
كاين اللي مزال متمسك بحلم الطفولة و كاين اللي الظروف و واش راه شايف
بدلولو النظرة تاعو و خلاوه يخمم في حاجة اخرى و دار حلم آخر
الاحلام هذو وصلنا باش نرجعوها حقيقة
و ماهيش بالساهل لازم جهد مثابرة عمل و اجتهاد
و قبلهم كامل ارادة قوية و عزيمة
و توكل على الله
باش في النهاية نفرحو و نفرحو معانا الاهل و الاحباء ..
احكولي على شعوركم في هذو اليومين
و في رايكم لو تقرر التأجيل كيفاش راح يكون ريتم المراجعة تاعكم ؟
درتو برنامج في هذا الخصوص ؟
ربي يوفقنا كامل و يرفع علينا البلاء هذا
و ترجع الحياة لطبيعتها
و نفوتو الباك و نعيشوا ايام انتظار النتائج و لحظة رؤية النتيجة و الفرحة بوجود كلمة " ناجح "
إن شاء الله المعدلات اللي حابينهم و اللي يسمحولكم باش تحققوا احلامكم
و اذا كان قرار التأجيل راهي فرصة لينا باش نزيدوا نراجعوا و نثبتوا المعلومات و نداركوا النقائص
ربي يجيب الخير
( تقرير عن مشاركة سيئة )، و الموجودة أسفل كل مشاركة .
2020-05-08, 05:56
•• تبقى يومان على إعلان مصير البكالوريا ••
العرض العادي
