بون شفت بزآف يحطو تحفيزات ⤠جزاهن الله خيرا ، انا ثاني جيت نحطلكم تحفيز لكن من نوع آخر ��، جيت نحكيلكم على اللحظة لي تستنى كل وحدة فيكم ، هاذيك اللحظة رح ترسخ في كل وحدة فيكم
#لحظة_النتيجة
. فوتنا الباك وكملنا ، رجعت لدار رحت نشوف فبلاصتي وين كنت نقرا نحيت كلش كنت معلقاتو رتبت ادواتي وخبيت كلش وانا نردد ربي اني استودعتك عملي ودراستي وجهدي ف انت الذي لا تضيع عندك الودائع �� ، خملت كلش ورحت للعائلة الكريمة ختي تسقسي من جيهة وماما فرحانة من جيهة بنتها كملت البااااااك والمادة لي تفوتها تجي تقلها الحمدلله درت لي عليا بحول وقوة الله�� ، بابا فرحان بنتو كملت خواتاتي درك نقارعو لنتيجة ، بداو صحباتي يحكيو على الباك وعلى التعب جاو بنات عماتي وعمامي وخالاتي يزوروني ويقولولي الحمدلله كمل التعب وكمل الجهد بقى لقلييل مي بالنسبة ليا مبقاش بقليل كنت نقول درك بدا الجهاد والتعب ، نخمم ف إجاباتي نخمم حتى فرقم السري شحال عاودتو من خطرة بلاك نسيت رقم يادرا ورقتي راهي عند من ؟ ، اوراقي كانو شغل بناتي وخليتهم عند الناس يتهلاو فيهم وانا مش عارفة عند شكون طاحو ، لكن الصبر والصلاة والدعاء والتضرع لله سبحانه وتعالى كملت نستنى والوقت طويييل ���� ، كل دورة ايمااان مبقاش على النتيجة وهوما يضحكو مي انا قلبي يتعصر زعما صح نكون ناجحة ؟ ، فاتو ليااام وليااام وجا الشهر المنتظر أي نعم شهر النتيجة �� الفايس بوك الرسائل كلها تدعي والمتحنين يزدادون اصفرار ، كاين لي شاف التصحيح وعرف مصيرو وكاين لي مشاشفش انا شفت غير الأدب بسك كانت صح مادية نص تخمامي ، وبدات الأفكار السلبية ووسوسة الشيطان مراحش تدي �� نت اصلا كنت تجيبي 12\13 مع التصحيح دوك تجيبي 10 بلاك متجيبيش كامل ، جاااا الوقت الحاسم ، غدا النتيجة �� جداتي تعيط خالاتي يعيطو اعطونا الرقم السري ، بنت عمي تقولي ماتنساينيش انا لولة لي تخبريني ���� ، وانا والله ماحاطة مع واحد غير الخوف فقلبي لكن ملامحي هادئة والكلمة لي ففمي الحمدلله ربي مش رح يضيعنا �� الحمدلله مانيش نادمة بسك درت كلش لي فطاقتي ، جاااا غدوااا ���� واليوم يوم النتييييجة ���� اليوووم لي حج حج ولي عوق عوق اليووووم إما نعيش شعور الآية ( فرحين بما أتاهم الله من فضله ) او شعور (وما ظلمناهم لكن كانوا انفسهم يظلمون ) ، هاهي 5:30 تيليفونات محبستش من كل حدب وصوب ، ماما ختي بابا تيليفوني وانا خلاص معدتش قااادرة اعتقوووني ، لكن ملامحي هادئة والابتسامة تعلو وجهي ثمة يقين في قلبي ���� ، 5:50 وقت النتيجة هنا بدا الاصفرار ف وجهي يادراااا ���� ، طلعت لفوق انا وختي باش منبينوش لماما رحنا نستناو وماما لتحت تعيط ايمااااان وااااش طمنيني بنتي كاشما بان وانا واااالو مزال ماما رانا نقارعو ، وياااااقلباااااه 6:00 حطيت الرقم السري انا وختي لكن الانترنننننت ���� ، نحاول نخفضو ف صوتنا باش ميسمعوناش لتحت ماما تعيط وحنا نقولولها مزال مفتحوش سيييت ، اختي تهدي فيا وتربت على كتفي اصبري اصبري بإذن الله خير ، صحباتي دااااو �� اي تزغرت صحبتي ف الفايس جاباتو حبيبة قلبي انتيمتي �� واناااا ؟؟ مزااال الانترنت ضعيفة بديت رح نبكيي ولكن تمالكت اعصابي وبعثت لصحبتي تشوفلي الميساجات محبيسوووش ، صحبتي مردتليش راهي تحتفل مع أمها ربما فاتت تقريبا ربع ساعة عن النتيجة فقدت الأمل عدت نقولهم كان مديتش قولولي متخافوش مش رح نزعف شفت صحبتي دارت vu لميساجي قلبي تخبط ���� اختي معايا تقرا ف القرآن باش نهدا ، صحبتي زغرتت قلت لختي ديتو مي مزال معلاباليش المعدل مزال منهبطوش لماما حتى نتأكدو ، دارتلي صحبتي كابتوووور ���� ، 16 يااااا الله �������������� 16 واخيرااا طيشت تيليفون وهبطنا نجرووو انا وختي مش عارفين حتى كيفاش هبطنا هاذوك الدرجات ختي سبقتني لقيتها تحضن ف ماما وتقولهااا دااتو داااتو ب 16 ، ممبعد لحقت انا وحضنتنا ماما في زوووج�� وخواتاتي لوخرين يزغرتو ماما تقولي الحمدلله الحمدلله تعب مراحش باطل ������ جا بابا حبيب القلب بعد ما خرج من التوتر حضنتو وراح لماما ��⤠، ممبعد سجدت سجدة شكر وحمدت ربي وبديت نشارك ففرحتي مع الناس والأهل وها انا في المرحلة الجامعية ولله الحمد ما كنا لنهتدي لهذا لولا إذ هدانا الله وما كان ذلك إلا رحمة من الله وما توفيقي إلا بالله â¤
حبيباتي ، ، ، أعلم إنه اختبار دنيوي فقط ومن افلح قد افلح في اختبار الآخرة ، لكن اجتهدي وضعي بصمتك على جبين هذا الكوكب ، فرحة تع ماماك وباباك الدنيا وما فيها ، فرحتك بنفسك الدنيا وما فيها ، صدقيني كل فرحة تفرحيها مش كيما فرحة الباك لأنو نقطة تحول ف حياتك ، نقطة تحول في حيآة كل المتحنين هل ستفتح لك أفاق جديدة جامعية ام لتكوين المهني أم لثانوية مرة أخرى ، وهذا ميعنيش أنك تتحول حياتك للأسوء اذا مديتيش الباك بلعكس كاين ناس مداوش لباك ومستقبل ما شاء الله ، داااائما إسئلي الله الخير واخلصي عملك لله تعالى ، دراستك اجعليها عبادة في مكان العادة ��⤠، دائما اعمالك لله وفي سبيل الله لأنك طالبة علم العلم المباح â¤�� ، وفقكن الله لفرحة ما بعدها فرحة والله تستحق تلك اللحظة ��⤠ومن حولك يستحقون أيضا لتكوني سبب في فرحتهم
رزقن الله من فضله���� واذاقكم شعور هذه الآية (فرحين بما أتاهم الله من فضله )
( تقرير عن مشاركة سيئة )، و الموجودة أسفل كل مشاركة .
2020-05-03, 18:18
تحفيز لاكمال المشوار "لحظة النتيجة " منقوول من أحد الصفحات
ومكملتوش جامي في حياتي الدراسة قريت ولا تفرجت فيديو وحتى كي تجي ذيك الاستاذة نتاع التحفيز .gif "زهرة2")
العرض العادي
