واش اندير هل أصبر ؟

[مشكلتي]

سلام


رمضان مبارك
انا فتاة ابلغ من العمر 17 سنة تقدم لي شاب في الصيف الفارط و انا لا ازال أدرس السنة 3 ثانوي يعني باك علما انو
هو لحد الساعة انا لا اعرفه كنت نقرا و كل يوم حابة هكا نشوفو من البعيد اكيد اوموا باش نعرف كيفاش داير لكن لا للفرصة
بلاك هو كان يشوفني لكن انا جامي المهم هو قال لخطيب اختي و اختي قاتلي ليا و لماما برك يعني بابا و اخوتي مهمش عارفين لحد الساعة
مشكلتي هي واش اندير يعني ها اقبل به و انتظره لحد اما يتقدم بشكل رسمي او نشوف حياتي ؟
علما حنا في الدار ميخلوناش نقروا في لافاك يعني خوفا علينا و انا قابلة منقراش عادي
صليت الاستخارة و دعيت لكن لحد الان مجا اعليه حتى خبر رسمي لاهلي
علما هو خدام مرسم في خدمتو و يصلي و قاع على حسب ما قاتلي اختي و الله أعلم
و هو علاه من النهار الي حكا مع خطيب اختي مجاش عندنا و لا مبان اعليه حتى خبر رسمي عندو عام يعني
هل الوضع مسمحلوش يعني الكورونا ووو او ظروفو او مادا قد يكون
أ صايي علما مين نسقسو خطيب اختي يقلها قالي كي يوصل الوقت ساهل راني عارف واش راني اندير
قولولي هل انتظره و أصبر ؟
صحا سحوركم

[zahra1999]

السلام عليكم اختي
في هذ الحالة ملازمش تسقسو عليه
أي واحد يشوفكم تسقسو عليه راح يفهم بلي راكم معلقين آمالكم عليه وهذا راه انتقاص من قيمتكم......فحذاري.

عزيزتي؛

مايجب فعله الآن هو معاملة الوضع وكأن شيئا لم يحدث
عيشي حياتك عادي ومتخميش فيه كامل

حتى واذا خطبك وحد آخر متخربطيش الحكاية وتدخليه فلوسط ؟!!

الشي لي صرا معندو حتى حكاية ولا وزن .
مادام متقدمش لوالديك بصفة رسمية *
وهدر مع خطيب اختك مش حتى مع خوك*

-الاحتمال الاكبر انو يكون تراجع في قرارو

لذا متخميش فيه حتى انتي مزالك صغيرة وعندك ألف فرصة

-حتى ويلا رجع مرحبا بيه!

واذا ماولاش ربي يهنيه ان شاء الله مع بنت الحلال
وربي يرزقك بزوج صالح ان شاء الله

[محمد محمد.]

وعليكم السلام ورحمة الله وبركاته .

في الحقيقة أيتها الأخت سؤالك غريب نوعا ما ، فعندما تقولين : هل انتظره و أصبر ؟

فسؤالك يدل على أنّ هناك خاطب آخر يريد أن يتقدّم إليك وإلاّ على ماذا تصبرين ؟؟

هذا الشخص مادام أنّه لم يتقدّم إليك بشكل رسمي ، فإستمر في حياتك بشكل طبيعي .

ومن ناحية السؤال عنه فنعم هذا واجب ولكن بعد أن يتقدّم إليك .

وهناك نصيحة غالية جدا أيتها الأخت وهي : أن الزواج هو ميثاق غليظ وعلى الإنسان أن يخلص نيته لله وأن يصفي قلبه من سوء الظنّ والحقد والضغائن ، فلا تستعمل كلمة قيمتي ولن أعطي غيري قيمة ووو-.......؛ إلخ من هذه الأمراض التي أبتلينا بها .

عليك أن تكون طاهرة القلب تحبين لغيرك ما تحبين لنفسك و وتضعي في بالك أنك ستتزوجين على سنة الله ورسوله وأنّه إن كان من المقدّر لك الزواج من هذا الشخص فإعلم أنه سيكون زوجك وستكونون عائلة واحدة وستكون رابطتكما أقوى من كل الروابط ، فلا تستعمل عبارات توحي وكأنك ستدخلين معركة أو في خصام ، فقيمتك هي قيمته وقيمته هي قيمتك .

وأريد أن أنبّهك أيضا أن فرص الزواج مقدّرة من عند الله ولا علاقة لها بالسنّ فقد يأتيك خاطب اليوم ولا يأتيك بعدها أحد أبدا ، ولهذا إن تقدّم لك شخص لا تعيبين عليه شيئا في دينه وخلقه فاقبل مباشرة .

أسأل الله أن يرزقك بما تقرّ به عينك .

[بـــيِسَة]

و الله مشكلتك يآ أخي حساسة قليلا
أنصحك بالابتعاد عن التفكير به
فان كان سياتي كان اتى

[Dhiaeddine Ben]

*أنا ضد الزواج المبكر جملة وتفصيلا ... تحمل المسؤولية في سن صغير مرهق*

[toulay]

وعليكم السلام ورحمة الله وبركاته
مفهمتش علاش والديك ميخلوكش تكمل لقرايا مين عادت هكذا علاش دخلوك للمدرسة اصلا يعني خطرات نسقسي روحي هل مزال فالجزائر عقلية هكذا المهم لاعلينا ليس هذا موضوعنا حبيت برك نفتح قوسين
17 سنة مزالتي صغيرة ولكن اذا قادرة تتحمل المسؤولية وتولي ربة منزل بامتياز اتزوج واحكم دارك بما انو قابلة متقراش عادي ان شاء الله برك اولادك تخليهم يقراو وينجحوا
مفهمتش واش يقصد كي يوصل الوقت ساهل
شوف يا اختي نصيحة اعتبرها وكانها مصراتش لحكاية هاذي عيش نورمال لانو مكانش حاجة رسمية غير هدرة برك ومتبقاش تستنى فيه غير هو
بالتوفيق