انا في حيرة من امري

[مشكلتي]

السلام عليكم
انا فتاة ابلغ من العمر 23 سنة ادرس سنة 3جامعي تعرغت عللا شاب غي نوفمبر الفارط عبر الفايسبوك يبلغ منالعمر 35 سنة عسكري ومن نفس مدينتي وكانت نيتا الحلال بقينا نتكلم لمدة حتى اتى في جافني تعرفنا جيدا والحمد وفى بوعده لكن كاين مشكلة واحدة هي بعد مت طبقو قانون ان ااخدمة العسكرية تصبح 19 يعني بقاتله 3 سنوات ويكمل يعني هو كي يرجع للخدمة انا نقعد عند امه خاطر منقدرش نقعد وحدي في الدار ومين داك نروح لدارنا نبات انا قبلت بالشرط هذا. بصح ماما وختي ديما يقولولي مكلاه تقلبي خاطر راح يديك تخدمي فرات وزيد دار العايلة حتى العرايس كي يجو تخدمي نتي وديري كلش درك انا معرغتش اذا نكمل معاه ولالا وزيد قالي في مارس نديرو الفاتحة وواوت العرس 6 اشهر فقط ؟؟؟؟؟

مع العلم كي سقسى عليه بابا قالولو كامل ناس ملاح خاطيهم المشاكل ميتكيفوش بالاخص لي جا يخطب بنت قالو مدها وعلى ضمانتي.
نحتاج نصيحة من الناس لي تعرف صح اذا انا مستقبلي راح يتحطم ولالا ؟

[toulay]

وعليكم السلام ورحمة الله وبركاته
انت المعنية بالامر وانت الادرى وربي سبحانه مدلك عقل باش تميز بيه معناها شوف واش يخرج عليك انت
ادرس الامر من جميع جوانبه بلا ماننسى صلاة الاستخارة طبعا وان شاء الله خير
بالتوفيق

[zahra1999]

هذ المواضيع مالازمش تتحط فالمنتدى .
موضوع نقبل ولا منقبلش هو موضوع شخصي بالدرجة الاولى .يحتاج الى مساعدة العائلة على الأكثر .
أما أعضاء المنتدى فكل سينصح حسب حالته وما يناسبه

مثلا وحدة عاشت الاضطهاد مع اهل زوجها راح تقولك حذاري حذاري تقبلي

في المقابل تجي وحدة عزباء خطبها عسكري قديما ورفضاتو وراهي تعاني ضرك من حقرة وظلم زوجة اخيها واهلها .هذي رايحة تقولك اقبلي اقبلي سينو تندمي

وعليه اختي .القرار يرجع ليك .انتي تعرفي مؤهلاتك للزواج .

عذرا لا أستطيع التفصيل اكثر حتى لا نؤذي مشاعر الآخرين

وفقك الله

[مراد سابقا10]

انا لوكان تسمعي لهدرتي اخطيك من الزاوج بالعسكر والأسلاك ألأمنية .

[zahra1999]

الاخذ بنصائح الاعضاء لن تتحمل تبعاته الا صاحبة الموضوع .لذلك انصح الاعضاء في مثل هذه المواضيع ان يبينو لصاحب المشكلة سلبيات ومساوء هذا الزواج ومحاسنه ايضا ويتركن القرار الاخير للشخص بحد ذاته

[نجاة^^]

بقاتلك الإستخارة .

[Amir ami]

اذا امه وحدها في البيت نقلك اقعدي معاها بصح اذا كاين الاخوة ذكور وبنات غير اخطيك غير المشاكل

[بـــيِسَة]

سلآمـ

أمك و أختك راهم كيما ردود الاعضاء على الموضوع
الي قلك أخطيك منو لاه هو الي راح يتزوج بيه
و الي قلك صلي الاستخارة و عندك عقل و ميزي عنده الحق بيسك حاجة كيما هادي ندامة لك او سلامة لك
الي قلك العسكر خليك منهم لاه راهم ياكلوا فينا و العسكر يبقاو بلا زواج
و الي قلك اقعدي مع امو بدون دكور او اناث يعني اخوته لاه راهم زعما يستناو غير فيك انت و تجي تخدمي اعليهم
انعلوا ابليس يا ناس و خمو على الناس قبل على ارواحكم
ربي يهديكم و ناا نقلك دبري راسك عندك عقل و كاين صلاة الاستخارة و الا كنت تحبيه سي نورمال تقبلي بيه بكل فخر
ربي يهنيك

[sohaibdz]

اعرف فتاة تزوجت بعسكري هو صالح جدا و طيب لكن بطبيعة الحال هي تعيش مع اهله ... هي الان في جحيم

[محمد محمد.]

لا أختي لا تسمع لكلام أي أحد ، فلا أحد يستطيع أن يختار في مكانك

شوفي أنت بماذا أنت مقتنعة وصلي صلاة الاستخارة

مع العلم أن محادثتكم هذه قبل الزواج غير جائزة

[ياسر1992]

أنصحك بصلاة ألأستخارة مرارا وتكرارا وفي الأخير القرار قرارك لكن نصيحة مني إذا لقيتي شوية شك في قلبك نقولك أخطيك ويقولك تبعي رأي الوالدين إذا ماربحتش تسلك بخير وربي يوفق