يارب لطفك

[مشكلتي]

سلام
رانا في حالة والله صرا مشكل فدارنا من قبيل كانت ختي الكبيرة ضيفة عندنا وقاعدة تقصر مع خويا (متزوج ومستقل بمطبخه الخاص) اختي سقسات خويا اذا مزال عندو كريدي قاللها مبقاش بزاف قاتلو(زير)بلمعنى اقتصد فلمصروف
سمعتها مرت خويا وثارت واعتبرتها راها تحرش في خويا عليها وكبرت الحالة وراحت لأمي قاتلها شوفي بنتك معندها مدخلها فينا يوكلني راجلي اللحم ويفششني ومعندها مادخلها ووووو
خويا تقلق وضرب مرته وراحت لدارهم وراها الحالة ماتشكرش
راني خايفة والله نكره هذ المشاكل نحتاج تطمنوني برك وتقولولي هل صح الهدرة تع اختي تحتاج كل هذالفوضى ولا مرت خويا تع مشاكل ومهيش واعية واش راها تدير

[nadir_telecom]

ربي يصلح الأحوال + مشكل عادي كيما كامل المشاكل الجزجائرية الحساسية بين الكنة و السلفة لأسف

[ع.عيسى]

خلوها زعفانة في دارها ،حتان تتفش

[Elwawy]

نعم كلام أختك يحتاج كل هذه الفوضى, و لا دخل لها في أي شيء.

أفهموها يا ناس يا نساء عندما يتزوج البنادم فلن يبقى متاح لكم, و لا دخل لكم في حياته أو كيف تتحكم فيه زوجته, لهذا لابد أن لا تجتمع أنثتين أمام رجل, ستحدث الحرب تلقائيا بسبب أو بدونه.

[حورية تو]

لست أدري لما الكنة والحماة وبناتها لما يلتقين يصبحو *كفتيل قنبلة تنفجر في أية لحظة*
لازم فورماطاج لهذه العقلية*

[قدور بن عاشور]

باينة زوجة خوك تاع مشاكل و لسانها طويل و لاعقل لها، تحوس تاكل اللحم و زوجها مديون.

[خالد عنابي]

هي كون اختك حكمت فمها ماكانتش تصرى الحكاية ادي
اخوها متزوج ومستقل يدبر راسو مش محتاج انها تنصحو ولا تدبر عليه

[Amir ami]

من الكلمات مااشعل الحروب

[محمد جديدي التبسي]

عجيب والله هذي مش مراة اصلا اختك تهدر عادي مع خوها وش دخل مرتو فالموضوع ربي يهدي

[NIGHTINGALE]

لما تريد الجماعة الاتفاق هناك طرق للاتفاق
اما عندما تريد الفرقة فيحصل الذي حصل في بيتكم
الحقيقة أن الزوجة أساءت الظن
وأعتقد أن أختك لم تكن تريد أن توصل الأمور إلى أين وصلت
وكلامها عن الديون كلام شخص عاقل
الإنسان لا ينبغي أن يستخف بالديون التي عليه

[سَامِيَة]

تلك الكلمة قلتها لأخي مرة واثنتين وثلاث وإن استدعى الأمر ساقولها مجددا..
إن كان قول مثل هاته الأمور يعتبر تدخلا وتحريضا فليس من حق الاخت على أخيها أن ينصحها في ما يخص علاقتها بزوجها !! ولن يبقى
من مفهوم الأسرة غير الدم الذي يسري في العروق دون أدنى مفعول !

ربما ما جعل الزوجة تستشيط غضبا هو تراكمات سابقة بينها وبين اختك استخلصت من خلالها أن اختك تقصدها .