السلام عليكم و رحمة الله وبركاته
اليوم جيت نحكي وحد الموضوع اللي مانيش عارفه الا انا معقده ولا صح كلامي انا الوالد انتاعي اتوفى ربي يرحمو عندو عامين تقريبا وبعد وفاته بشهور غيرنا المنطقه كيما نقولو حنا كنت نسكن ف لافيل وبدلنا ل لافيل وحدخرا المهم بعد م اشتقرينا وفترة صعبه والحمد الله والموت حق وخلاص يعني بداية جديده الام نتاعي عندها مشكله انها تحكي كل شيئ اسرار البيت للناس وخصوصا الغرباء اما الاقارب م يهموش طبعا اقارب الام اما اقارب الاب منعتنا منهم وهاذ الشيئ مش راضية عنه لكن م نقدرش نهدر لانو امي راح تعتبرني اني ضدها م يهمش انا عندي اخت اكبر مني ب 3 سنوات وانا وامي طبعا عايشين لوحدنا ف بيت والمنطقه الجديده اللي نسكنو فيها جينا لها باسكو اقارب الام يسكنو فيها شغل قربنا لهم المهم امي اذا راحت لاي مكان عمومي او عند طبيب خاص وتلقا النساء تم تقعد تحكي زوجي متوفى عندي اولاد وعندي الربة وراجلي واش خلالي من خلصة تحكي كل شيئ واما خالاتي تحكيلهم حتى شحال تدوش ف السيمانة حاشاكم القلب يغموه ايا قلتلكم كرهتلي حياتي وحق الرب دوكا نقعد نوصي ونهدر شغل راني نطبطب في الحيط وكي نهدر معاها تدبزاني لعام اللي فات كنت نخرج معاها ندور ولا عند طبيب ايا كنت نلاحضها وكي نروح للدار نفهمها وم تعايرني شغل انا الغالطه ايا فات العام واللي هو اليوم كنا مجمعيين وماما راحت عند فارماسي كيما نقولو حنا وتعرفها هادي من لعام لي فات وحاكيه لها كل شيئ انا نقول لها م تحكيش وين نسكنو قادر نطيحو ف ولد حرام اللي يحقرنا ولا باسكو رانا غير وحدنا مي م تفهمش المهم ليوم كي كانت عند فارماسي م كنتش معاها مي نعرفها بلي تحكي كي جات للدار كنا مجمعيين جاتني ف راسي قلتلها هادي تعرف وين رانا ساكنيين قاتلي واه قتلها في شحال ايا نضت ف هدره وزدنا فيها قاتلي غير ل اللي مشي مربيين وخارجيين طريق اللي يخافو على رواحهم غاضتني ذي الكلمه ماما عفويه شوي وكلامها م تقصدش ونتفهم دا الشيئ ولكن كلام فالمعقول شوي وشوي احترام اناصغيره 20 عام ومزال م قفلتهاش مي عقلي يوزن بلاد وماما هيا المفروض اللي توصينا م تحكوش صوالحكم الخ الخ الخ وهيا اللي تدير عكس وكاين بزاف امور اللي تضايقني الصح خصوصا حياتنا تبدلت قبل م يتوفى الوالد وبعد وم قدرتش نتاقلم مع الحياة دي بالنسبه اللي اختي الكبيره هيا انها م تهمتش للامور دي وم تدخلش روحها ونجي معاها باسكو ماما مشي ساهله وكي تنوض م تسكتش والله والانسان عيا يهدر يهدر فهمتها قتللها قادر تكوني تحكي كاش وحده تسمعك تكون دعوة شر ولا ولدها تحكيله يحقرك نورمال وعلاه بيك علاه م تحفضيش نفسك ولسانك ومرات نندم اللي هدرت باسكو وقتنا هادا اللي يحكي الصح يجو ضده نعيا نعيا والله تعبت نفسيا ماقدرتش كيفاه نحلها مكانش اللي يهتم وحتى الاقارب مراتت يعيطو عليها على دا الشيئ ولكن م يهتموش مشي لديك الدرجة لانو اذا ضرت غادي تضر غي روحها نعرف بلي حنا النساء لسانا طويل ونحكو كل شيئ مي بزاف والله المهم انصحوني وم تقولوليش خبري واحد كبير باسكو هوما اصللاا يجو عندنا بزاف وينتبهولها .
( تقرير عن مشاركة سيئة )، و الموجودة أسفل كل مشاركة .
2020-02-15, 20:36
انا في حيره
العرض العادي
