السلام عليكم
انا امراه متزوجه وعندي اولاد والحمد لله. قبل أن اطرح مشكلتي حبيت نقول بلي ماشي كل نتمناوه في هذه الدنيا نصيبوه.والدنيا ماشي مثاليه تعطيك اشياء وتنقصلك من اشياء اخرى .
مشكلتي هي للدراسه فأنا لم يكتب لي الله ان انجح واستمر في دراستي .مع انني مهوووسه بالعلم وما يخص العلم.وهءا بفضل استاذي المحترم في المدرسة.اللي اغرس فينا حب التعلم والكثير من الاخلاق اللي ماعلمونيش إياها اساتذه اخرين بل وحتى والديا.كان قدوتي الكبيرة.
ملي كنت فالمدرسه كنت من الاواىل وندي حتى الجواىز في المسجد او المدرسه او في السنوات الاولى في المتوسطه.وكانو والديا يفتخرو بيا بزاف.
الى ان بديت نتراجع في علاماتي وجبت شهاده المتوسط بمعدل متوسط.وحسيت فهديك المرحله باكتىاب شديد مع انني كنت صغيره فااسن وملقيتش اللي يفهمني.ولكنني ابقيت بهديك الهمه فالثانوي.
ولكن للأسف الهمه ما تكفيش بديت فالرسوب كل عام .ولكن ما افشلتش قلت خير ما ننتقل وانا فاشله المهم انعاود ونطلع بمستوى.وللاسف ما انجحتش.حاولت اسهرت ونضت بكري وناقشت الاساتذه وتعبت باش جبت الكتب المفيده لحل التمارين ولكن دايما نلقى الوقت يداهمني.بديت نقرى فالدروس الخصوصيه ولكن بدون جدوى لانهم عند نفس الاساتذة اللي فالموسسه .وكنت تقريبا ما نفهمش عندهم.
درست عند اساتذه اخرين في اماكن بعيده عن سكني فادوني وبديت نفعم عندهم.ولكن الظروف ماخلاتنيش نكمل اونركز في دروسي بحكم انا فتاه وماكاش اللي يوصلني فنروح وكأنني نتحدى المجتمع اللي عايشه فيه .وفي نفس الوقت التركيز يطير مالتخمام.
علابالي اتقولولي على الأقل سمحولك باش تديري دروس خصوصيه انقول نعم ولكن كنت محتاجه دعمهم اكتر.بل ابداو يلوموني على عدم نجاحي.وزيد الدروس الخصوصيه اتعب بزاف انجي دايما نرقد ونتعب بزاف باش نراجع دروسي.منبغد ابديت نجبد دروس من الانترنت وتمارين صبتهم مفيدين ولكن ايضا تعبوني بزاف نسهر بزاف مع الكمبيوتر فأنا من جهه لازم نتعلمو ومن جهه نستنى الدروس باش يطلعو والانترنت ضعيفه بزاف.
راني نحكي هدو التفاصيل باش نحب مشكلتي ليس للشكوى.بل لايجاد الحل فقط.حبيت نضيف شيء أمي كانت تساندني بالكلام والتشجبع اما ابي فكان يقولي راكي تضغطي على نفسك بزاف أحيانا يمنعني من السهر والذهاب الدروس الخصوصيه .ومايجيش يفقدني فالموسسه غير في نهايه السنه.مانكدبش كنت نغير بزاف من التلاميذ اللي يوصلوهم للموسسه ويوجهوهم في طريقه للدراسه ويساندوهم.مانيش نلوم في والديا لانهم دارو واش يقدرو وعلى حساب مفعومهم.ولكن الابن اوالتلميذ يحتاج ليهم بزاف.
بعدها اتزوجت وجاتني ظروف صعبه ماخلاتنيش انكمل الدراسة . ومشكلتي الان واللي تهمني دوكا انو هدي العقده تأثر عليا في تعليم اولادي.
فأنا كلما تفتح كتاب او المس أي شيء يتعلق بالدراسة تاتيني روابط مخيفه نتفكر المشاكل اللي صراتلي بسبب الدراسة .وفي نفس الوقت مالازمش نستسلم بل نواجه ونعاود نتعلم في خاطر اولادي.لانهم املي الوحيد
فارجوكم ساعدوني لانو في قلبي مازال هذاك الطموح.ولكن الظروف اتغيرت.
كيفاش نقدر نتعلم في بيتي (بدون الخروج من المنزل) علماء انو عندي الانترنت وماعرفتش امنين نبدا او وشمن مصادر انتبعهم .وهل انعاود الدروس من المتوسط او ماذا تنصحوني .
وحبيت تانيك نعرف أسرار الناجحين فأنا ملي كنت صغيره نحاول نعرف أسرار نجاحهم وماعرفتش.
( تقرير عن مشاركة سيئة )، و الموجودة أسفل كل مشاركة .
2020-02-18, 10:31
عقده الدراسه
العرض العادي
