شجع شجع مصر....دى مصر حبيبتى

اختكم فى الله · 2009-12-04, 20:50

السلام عليكم ورحمة الله وبركاته

ازيكوا يا جماعه يارب الكل بخير وصحه تمام....كله طالع من العيد كل سنه وانت طيبين جايه متاخر واكلين لحمه يعنى متغذيين كويس

طبعا العنوان مش مكانه هنا خالص صح

بصوا انا حتكلم على حريتى من اول ما سجلت فى المنتدى ده وحتى هذه اللحظه وحتكلم على وجهتين نظر من الجانبين
على فكره انا فى اسلوبى سخريه او تريقه مش على الناس انما على الواقع مش اكتر

اول ما سجلت فى المنتدى بجد فرحت جدا لانى بحب اتعرف على مجتمعات تانيه لانى كل اللى اعرفه هى مصر اقصد انا كجيل(الشباب حاليا) معندهوش اغلبيته ثقافه عن تاريخه ووطنه ومشاكله ولا حتى بيفكر فى مستقبله محدش يقولى اتكلمى عن نفسك انا بتكلم عن صوره عامه عن حال شباب عربى مسلم كأغلبيه الا من رحم ربى والا يعنى الخيبه اللى احنا فيها دى ايه مش جايه من بره احنا اللى السبب فيها ذل وهوان وضعف وتاخر اخلاقيا قبل ما نكون متاخرين فى الصناعه والزراعه وكل شىء (اتمنى حد يذكرلى شىء واحد العرب او المسلمين متقدمين فيه عن كل دول العالم )

المهم خلينا فى موضوعنا اصل الكلام فى وضعنا بيثير الحسره والاستغراب

يعنى انا مش بايدى اسافر واتعرف على كل بلد واتعرف على حياه الناس فيه ولا اخلاقهم ولا عاداتهم واعتقد ده حال اغلبنا وبما اننا الحمد لله ربنا كرمنا بشىء اسمه النت وحاجه اسمها المنتديات قدرنا نعرف ونتكلم مع بعض باختلاف الدين والبلد والتفكير والسن

ربما كانت فرصه للتقريب بين البعض وممكن فرصه تانيه لزياده الخلافات والفرقه وده للاسف جانب سىء للنت او احنا اللى خلناه وحش وضرنا اكتر من ما نفعنا

حصل طبعا بعد ما سجلت معاكوا احداث مصر الجزائر (اوعوا حد يقولى اقدام بقى)

اساسا مكنتش فى دماغى حاجه من اللى بيتقال اهو ماتش وخلاص وحيعدى بطلت اشجع كوره بس مازالت زمالكاوية حد هنا اهلاوى

لغايه ما يوم سمعت عن اتوبيس المنتخب الجزائرى انضرب بالطوب واتعور لاعبيين ودول يقول محصلش والجانب التانى يقولك حصل وده بقولك دى خطه مرسومه عشان ميلعوبش والفيفا تحسبلهم الماتش والتانيين يقولولك لا دول طلعوا فردة جسمه وحركوها ادام الناس فى الشارع فضربوهم بالطوب المهم كله ايه خلاص اتشحن ميه ميه ولازم نخفى العار وناخد الثأر

بعد كده جاه يوم لذيذ يوم الماتش بتاع القاهره ولا كان فى دماغى غير البلد ظهر فيها اعلام فيه ايه قالوا متش مصر مع الجزائر بصراحه مش فاضيه ومش مهتمه وبعدين اللهم اجعله خير صحيت لقيت جارتى وعيالها و الناس بتصرخ دخل اول جون والناس اتهبلت بعدها خلاص المباراه حتخلص وكله حط فى دماغه انهم حيخسروا ومبروك للجزائر يحصل ال ايه جون تانى يالهوى يارب ما كان جه وارتحنا وعلى اللى حصل البلد خلاص اتهبلت تقولش حررنا فلسطين يا ناس وكله يصرخ ويهتف ويجروا وبدات نكسه 67 ويا قلبى لا تحزن رايحين السودان البلد الشقيق

محش يرد غير لما يقرا الموضوع كله لسه حنزله على اكتر من مره اهدوا اتقلوا كده

اختكم فى الله · 2009-12-04, 20:54

ماما بقى دعت دعوى حلوى اليوم ده يارب ما نكسب لو كان ده شر لنا ده والحمد لله خسرنا هههههههههه ويالهوى جت بقى حرب 73 ماشاء والجزائر انتصرت اه نسيت صحيح ال ايه قبل بقى حرب 73 الجديده مش القديمه اتقال الحقوا اتقتل جزائريين فى القاهره ووصلوا المطار فى صناديق يالهوى ووالله العظيم ده محصلش اساسا اه حصل فعلا خناقات بين بعض المشجعين وده عادى يالهوى ده عندكوا من غير شىء اتقتل 14 واحد فى حوادث سير ده غير المصابين وانتوا بتستقبلوا الفريق فى المطار وولو كان يا جماعه اتقتل بالعقل كده مواطنين جزائريين فى مصر فين الجثث محدش يقولى شفناهم والفيديو واليوتيوب والافلام الهندى دى يا سلام وهى الصحف حتغلب مع الفتو شوب ولا تركيب افلام ده طبعا لان فى ناس قذره ده اقل ما يقال فيها كان لها هدف ده يحصل بين دولتين مسلمه فطبعا لازم ينزلوا كام فيلم اكشن لزوم الشعلله وطبعا ضعاف النفوس جروا صدقوا علطول قتلى القاهره انا عايزه اقولكم حاجه انتوا متعرفوهاش عن الامن المصرى وربنا ما يوقعكوا تحت ايديه لانه بيبطش بقوه وعنف ولا يفرق مصلحه البلد وتامين المشجعيين من دوله اخرى مهم للبلد وامنها ومصالحها واستقرار وعشان الدنيا مش تبوظ اه حصل ضرب وخناق مع بعض المشجعيين بس استحاله الامن حيسكت على قتل جزائريين ولو كان فيه فعلا فين جنائز الناس دى ليه مطلعوش رسمى على التليفزيون وليه الحكومه الجزائرية مطلعتش تندد وتشجب وتطالب بحقهم وفين اسرهم مطلعوش ليه على وسائل الاعلام واتكلمت وطالبت بحقوق ولادهم هو كلام يتقال ولمجرد شوية مشاعر هائجه تبوظ الدنيا ويتصدق اى كلام

المهم بعد كده على الجانب المصرى بقى يالهوى الحقوا ايه حصل الرعايا المصرية فى الجزائر تهدد بالقتل ويجب ترحيلهم والشركات المصرية المستثمره فى الجزائز اتولعت فيها وكمان كسروا مصر للطيران واوراسكوم وشركه تقريبا خاصه بالمقاولات وبعدين استضافوا ناس كانت شغاله فى الجزائر ولسه راجعه وقعدوا يتكلموا على التهديدات بس على فكره الناس دى من نفس وسائل الاعلام اللى هاجمت الجزائر لما سالوا المصريين عن شىء ان ازاى كانت معامله الجزائريين لهم كمصريين قبل الاحداث والمباراه قالوا شىء استغربت ليه قالوا كانوا لطاف وكويسين وبيعملونا احسن معامله وكونوا صحاب منهم يعنى الحياه بينا كان ماشاء الله كويسه وحلوه واخدين بالكوا

استنوا انا لسه بكمل كل ده لسه موصلناش لحرب 73 وتداعياتها كله ده بنحكى فى نكسه 67وياقلبى لا تحزن

وبعد كده لسه بكمل الحدوته شكلى حنسى الاحداث بترتيبها محدش يسالنى عن ما قبل ماتش القاهره عشان انا مكنتش متابعه غير لو مره بقلب فى التليفزيون القط كلمتين واقلب ومفكرش اهتم مليش اساسا فى الكوره

انا بجد نسايه جدا طبعا الجانبين مشعللين ميه ميه وكل واحد حالف ياخد تاره من التانى وده نازل شتيمه فى ده والتانى نازل شتيمه فيه خد عدك بقى شتيمه فى اعراض النساء من كلا الجانبين على شويه شتيمه على العروبه والاسلامه والخيانه على شويه شتيمه على التاريخ وعلى الغرور على شويه شتيمه بقى منوعه ماشاء الله خايفه نحسد على قمة الرقى اللى وصلنا لها

عُضو مُحترم · 2009-12-04, 20:59

اقتباس:

المشاركة الأصلية كتبت بواسطة اختكم فى الله

ماما بقى دعت دعوى حلوى اليوم ده يارب ما نكسب لو كان ده شر لنا ده والحمد لله خسرنا هههههههههه ويالهوى جت بقى حرب 73 ماشاء والجزائر انتصرت اه نسيت صحيح ال ايه قبل بقى حرب 73 الجديده مش القديمه اتقال الحقوا اتقتل جزائريين فى القاهره ووصلوا المطار فى صناديق يالهوى ووالله العظيم ده محصلش اساسا اه حصل فعلا خناقات بين بعض المشجعين وده عادى يالهوى ده عندكوا من غير شىء اتقتل 14 واحد فى حوادث سير ده غير المصابين وانتوا بتستقبلوا الفريق فى المطار وولو كان يا جماعه اتقتل بالعقل كده مواطنين جزائريين فى مصر فين الجثث محدش يقولى شفناهم والفيديو واليوتيوب والافلام الهندى دى يا سلام وهى الصحف حتغلب مع الفتو شوب ولا تركيب افلام ده طبعا لان فى ناس قذره ده اقل ما يقال فيها كان لها هدف ده يحصل بين دولتين مسلمه فطبعا لازم ينزلوا كام فيلم اكشن لزوم الشعلله وطبعا ضعاف النفوس جروا صدقوا علطول قتلى القاهره انا عايزه اقولكم حاجه انتوا متعرفوهاش عن الامن المصرى وربنا ما يوقعكوا تحت ايديه لانه بيبطش بقوه وعنف ولا يفرق مصلحه البلد وتامين المشجعيين من دوله اخرى مهم للبلد وامنها ومصالحها واستقرار وعشان الدنيا مش تبوظ اه حصل ضرب وخناق مع بعض المشجعيين بس استحاله الامن حيسكت على قتل جزائريين ولو كان فيه فعلا فين جنائز الناس دى ليه مطلعوش رسمى على التليفزيون وليه الحكومه الجزائرية مطلعتش تندد وتشجب وتطالب بحقهم وفين اسرهم مطلعوش ليه على وسائل الاعلام واتكلمت وطالبت بحقوق ولادهم هو كلام يتقال ولمجرد شوية مشاعر هائجه تبوظ الدنيا ويتصدق اى كلام

المهم بعد كده على الجانب المصرى بقى يالهوى الحقوا ايه حصل الرعايا المصرية فى الجزائر تهدد بالقتل ويجب ترحيلهم والشركات المصرية المستثمره فى الجزائز اتولعت فيها وكمان كسروا مصر للطيران واوراسكوم وشركه تقريبا خاصه بالمقاولات وبعدين استضافوا ناس كانت شغاله فى الجزائر ولسه راجعه وقعدوا يتكلموا على التهديدات بس على فكره الناس دى من نفس وسائل الاعلام اللى هاجمت الجزائر لما سالوا المصريين عن شىء ان ازاى كانت معامله الجزائريين لهم كمصريين قبل الاحداث والمباراه قالوا شىء استغربت ليه قالوا كانوا لطاف وكويسين وبيعملونا احسن معامله وكونوا صحاب منهم يعنى الحياه بينا كان ماشاء الله كويسه وحلوه واخدين بالكوا

استنوا انا لسه بكمل كل ده لسه موصلناش لحرب 73 وتداعياتها كله ده بنحكى فى نكسه 67وياقلبى لا تحزن

وبعد كده لسه بكمل الحدوته شكلى حنسى الاحداث بترتيبها محدش يسالنى عن ما قبل ماتش القاهره عشان انا مكنتش متابعه غير لو مره بقلب فى التليفزيون القط كلمتين واقلب ومفكرش اهتم مليش اساسا فى الكوره

انا بجد نسايه جدا طبعا الجانبين مشعللين ميه ميه وكل واحد حالف ياخد تاره من التانى وده نازل شتيمه فى ده والتانى نازل شتيمه فيه خد عدك بقى شتيمه فى اعراض النساء من كلا الجانبين على شويه شتيمه على العروبه والاسلامه والخيانه على شويه شتيمه على التاريخ وعلى الغرور على شويه شتيمه بقى منوعه ماشاء الله خايفه نحسد على قمة الرقى اللى وصلنا لها

حاولت أن افهم
و لكني لم أفهم

اختكم فى الله · 2009-12-04, 20:59

الى ان جاء اليوم الموعود وعدى النهار وطلعت شعارات شجع شجع مصر مصر بتلعب مصر وشعار ون تو ثرى فيفا لاجيرى بس على فكره الشعارين حلوين كنت بقولهم عادى مع اصحابى وجيرانى محدش فارقه كتير معاه كله حابب بلده تكسب بس مش مسائله يعنى مهمه ونموت نفسنا عشانها اهو ماتش وخلاص

وبدات الحرب ودخل اول جوووووووووون والجزائر هيه هيه هيه ون تو ثرى فيفا لاجيرى صح شجعتوا كده ومعاك يالخضرا وسعدان والله حفظت التعليقات ههههههههه من كتر ما بشوفها المهم ربنا يهنى سعيد بسعيده على راى المثل

وخلص الماتش اقصد حرب 73 خلصت بعد كده بقى حصل مفاوضات العراك مش السلام واخدين بالكوا يالهوى الحقونا ايه اللى حصل المصريين بينضربوا فى السودان الحقوا المشجعيين الجزائريين رافعين عليهم سلاح وكسروا اتوبيساتهم وده يصرخ وده يصوت وانا مرحتش السودان بس بفكر فعليا ان ازورها يوم بس ربنا يسهلها وابقى سيده اعمال مسلمه ناجحه كده وحلف العالم بس انتوا ادعوا ادعولى بجد ابقى كده عشان ده حلمى

المهم خلينى مركزه رجعوا الناس الى مصر وبداؤا يتكلموا على اللى حصل واتقال الرئيس الجزائرى بعت 5000 مشجع على حسابه والباقى تكفل بيه رجال اعمال او اهو طلعوا وخلاص اللذيذ اللى اتقال انهم من رجال الجيش الجزائرى يا سلام وكمان شوية صيع وبلطجيه خارجيين من السجن وده الالطف والالذ واتنقلوا على طيران حربى يعنى الجيش اللى بيتمول للحرب طلع متش كوره ترفيه بقى

وبعدين نزلوا السودان اخدوا تقريبا كل الفنادق وشطبوا واشتروا كل الاسلحه الخفيفه فى الخرطوم ماشاء الله يعنى وبقى توعدوا المصريين حيظبطوهم

احب اوضحلكوا شىء ان المشجعيين المصريين اللى راحوا مش بقوه المشجعيين الجزائريين لان احنا بعتنا ناس فافى خالص ببدل وكرافته وشويه ممثليين على حبه من اعضاء مجلس الشعب على ولاد الرئيس على شويه طلبه جامعه امريكيه ناس لطيفه ملهاش فى الخناق مسالمه او حتى لو اتخانقت مش حيكسروا فطبعا فى فرق فى القوى

على فكره انا مش مشكلتى ان فيه خناق بين مشجعيين عادى ما كل الناس بتتخانق فى كل العالم سواء على كوره او على اى شىء حتى بين الانديه المحليه بيتخانقوا المشجعين ودى ظاهره عاديه بس لو جيتوا من ناحيه الدين ده حراااااااااااااااااااااااام ان لعبه تسبب خناق وعراك بين مسلمين انا مش بس بتكلم عن موضوع متش مصر والجزائر انا بتكلم عامه والفتاوى كتير عن الموضوع ده واللى يدور حيلاقى

نسيت بقى اقولكوا ان كان فيه حرب من نوع تانى دايره بين البلدين اقصد الشعبين المسلم كل واحد يخون التانى ويشكك فى عروبته وتاريخه وده يهين ده يقوم الطرف التانى يتحمق يا سلام احنا حنسكت لا حنوريهم وخد عندك بقى شتيمه وسخرية وكلام يشرح القلب كده حاجه تفرح الحمد لله يارب

طبعا مش حتتطرق للشتيمه اللى اتقالت لانها هبل وكل واحد من غيظه من التانى يحرقله دمه ويقوله كلام بالعكس يفرسه بيه والحمد لله كله نجح بس يارب ننجح فى الاخره ولا حتى نعمل ربع اللى بنعمله فى بعض مع اعدائنا كلامى للكل واللى اتحمق اوى ورفع سيفه وحيدافع عن بلده لكل الجنسيات العربيه اللى كل ما حد يزعل ولا يتخانق او يختلف فى راى مع اخ ليه يقوم سابب بلده ويلعن وماشاء الله كلوا بيشوف الفضايح اللذيذه

بنت الحجاج · 2009-12-04, 21:02

و الله يا اختي العزيزة ... انا تعودت اني اقرا المواضيع بلهجتنا ... فموضوعك كانت نوعا ما صعب بالنسبة لي .. ولما فهمت اللهجة ..جا مشكل اخر ..ما فهمتش ماذا تقصديييييييين ... عفوا يا اختي .. ساعيد القراءة مرة ثانية ... على العموم بارك الله فيك على تواصلك معانا ..و ربي يوفقك ...

اختكم فى الله · 2009-12-04, 21:09

ثوانى انا عايزاكم بس تستنوا لغايه ما اخلص الموضوع بس انا بنقلكم وجه نظر المصريين شايفينها ازاى ووجهة نظر الجزائريين شايفينها ازاى مع الاحداث اللى انا شفتها وسمعتها بدون الدخول فى الغلط بعد كده فهمتوتى ومعلش لانى بتكلم بالعاميه ولما يكمل الموضوع كله اعتقد وجهة نظرى حتول للكل

اختكم فى الله · 2009-12-04, 21:13

دماغى وجعتنى كل ما بفتكر اللى حصل

خد بقى عندك ده يستدعى سفيره وده يبعت ويشجب ويعترض لسفير التانى

ملايكه يا ناس محدش غلط فى التانى خالص كل واحد مظلوم منهم لله ولاد الحرام اللى عملوا كده

على نطاق النت فضايح الاول ناس تهدى وناش تشعلل وبعد كده ده يقولك مش عايزين جزائريين معانا وده يقولك مش عايزيين مصريين معانا وجت فتره كله ولع فى بعضه مش طايقين حاجه انا كنت بدخل اتفرج تسليه ناس لذيذه

ودلوقتى خلصت الحروب لسه مخلصتش قله الادب ولا الفضايح طبعا كل واحد شايف التانى غلط بس انا حابه اوضح حبه نقط يعنى لو تخيل كل واحد ان حد غلط فيه نبص لنفسنا الكلام اللى اتقال من كل طرف للتانى كان متوقع حيترد عليه ازاى الغلط حيتقابل بغلط انا مش عارفه مين اللى بدا ومحدش يقولى مين اللى بدا عشان الطرفين هما السبب

حاجه تانيه لما حد بيجى يهدى يقولك لا دول كذا وولاد كذا وهاتك يا شتيمه فين يا جماعه يللى كل طرف بيدعى الاسلام وحسن الخلق فين دينك وتنفيذك لاوامره محدش سمع عن الايه دى اللى بتقول
(((({خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ }الأعراف199))))

(خذ العفو) اليسر من أخلاق الناس ولا تبحث عنها (وأمر بالعرف) بالمعروف (وأعرض عن الجاهلين) فلا تقابلهم بسفههم .....تفسير الجلالين

وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ }النور22

ومحدش سمع الحب والقوه دى ليه لما اتهان النبى عليه الصلاة والسلام من الغرب ومحدش ليه لسانه طويل وقوى كده على غرف البالتوك والنت اللى بيسب فيها الاسلام والنبى عليه الصلاة والسلام ومحدش بيتكلم ليه ويرفع صوته على حبكم للوطن على المسلمات اللى بتهان ويخلع حجابها فى الغرب ليه ولا يهتك عرضها ولا تقتل وقتلى المسلمين فى افغنستان فين اصواتكم ولا بتتكلموا عن العراق المدبوح

عُضو مُحترم · 2009-12-04, 21:15

اذا كان كلامك حول المصرييين و كلامهم عن المبارة

أنا اسحب مشاركتي السابقة

كنت أظن ان للموضوع أهمية قصوى
و لكن

جعجعة بلا طحين

لا توجد جعجعة أصلا

هبة الله مروى · 2009-12-04, 21:17

*=== (( ما يلفظ من قول إلا لديه رقيب عتيد )) ===*

اختكم فى الله · 2009-12-04, 21:20

ايه يا جماعه اللى بيحصل والتعصب الشديد ده وده يقولك لا احنا مش اخوه لا احنا نقاطعهم

اه انا متفقه معاكم فى شىء قاطعوا السينما والمسلسلات والافلام المصرية اخدنا ايه يعنى من الفن غير خيبه قويه ولا اتقدمنا ولا كان بيحل مشاكل اهو ناس بتتغنى على افه الشعب وخلاص ويارب الكل يقاطع كل الحاجات دى

وبعدين كوره ايه اللى حنموت عليها ده سؤال يعنى لاعيب الكوره ده حاجه امله نموذج مشرف مثلا للمسلم الملتزم اللى بينصر دينه شوف لاعيبة الكوره دول اجرهم كام شفت منهم حاجه ملايين لكن بيعملوا حاجه للشعب

يا جماعه مش الكوره ولا الفن ولا السياسه حتعيد مجدنا ولا حننصر نفسنا ومقداستنا ونحرر بلادنا ولاى اى حاجه النصر برجوعنا لدينا وتبقى حياتنا زى حياه الرسول عليه الصلاة والسلام والسلف الصالح

عندنا مثل بحبه اوى بيقولك لا تعايرنى ولا اعايرك ده الهم طايلنى وطايلك لما بلد مسلم ولا حتى مسلم واحد يتهان يبقى كلنا اتهانا كرامتنا وقوتنا من كرامه وقوة بعض مصلحتنا واحده مش شعارات والله اللى حيقرى تاريخ العربى والاسلامى حيعرف كده صدام حسين لما اتحالفوا الكل عليه ووقع العراق بقت كل الحكام العرب خايفه على كراسيها بغض النظر عن حكم صدام او شخصيته انا بتكلم على نموذج دوله عربيه مسلمه قوية زى العراق بتاريخه وحضارته وثرواته وقوته فى الامكانيات

محدش يفتكر ان كرامته ومركزه حيحافظ عليه بالغلط بل بالعكس تبقى راقى ومحترم لما تهزم نفسك الاماره بالسوء وتنصر ضميرك وفطرتك السليمه وتتعامل بالصح والخير مع اللى حواليك كده يبقى انت اتنصرت لنفسك لما كرمتها انما لو الانسان انساق وراء الحقد والانتقام واخد حقى بالغلط مش بالاساليب المحترمه من غير خصام من غير شر من غير ما نظلم مسلم او اى انسان تانى لان رابط الاسلام اعلى واقوى من اى رابط تانى

اللى بيبدا بالصلح الرسول عليه الصلاة والسلام قال عنه ايه يا مسلمين قال خيركم من يبدا بالسلام
تخيل لو اتنين مسلمين اتقاتلوا الاتنين فى النار وده فى حديث عن الرسول عليه الصلاة والسلام اللى اتقتل والقاتل لان اللى اتقتل لو جاتله الفرصه كان حيقتل التانى فهما فى النار

وفيه حديث تانى عن الرسول عليه الصلاة والسلام مش حافظه نصه بس معناه ان ممكن بكلمه منك تخلدك فى جهنم وانت لا مهتم ولا واخد بالك من الكلمه اللى قولتها

بلاش يبقى مخنا قفل صعيدى ونشد على بعض لو كل واحد ربع اللى بيعمله مع اخوه المسلم المصرى والجزائرى عمله لما اتهان النبى وراح دافع وعلى صوته كان الامر اتغير بلاش ينطبق علينا المثل المصرى الحلو بيقولك مقدرش على الحمار اتشطر على البردعه

بلاش نبقى بنغرس سهم فى الامه الاسلامية انا عارفه فى اصوات عاقله موجوده هنا وهناك برضه ولان الرابط اقوى هو رايه التوحيد ولا حد شايف ان بكده بالفرقه والشتيمه والغلط والسخريه دى رجوله وكده بنرد الكرامه يكمل وثوابه عند ربنا

الاكيد ان اللى حصل بينا ده خير لانه حيجمعنا ويقوينا اكتر من الاول كل امر المؤمن خير له وربنا انعم علينا بالنسان
واللى بيتكلم عن الاخلاق والاخوه وكل ده مينساش الكلمه الطيبه صدقه وبلاش نشحن نفوسنا بالكره والحقد والظلم

ده مش كلام انشاء
لو احتسبتوا نيه واحده بس اننا حنتصالح وننسى عشان امتنا وعشان دينا اعتقد ده يكفى بجد لان دينا بجد عظيم ورائع لما بنعمل شىء ونحتسب ثوابه عند ربنا ربنا بيقوينا وبيساعدنا ويباركلنا ده مش عشان الموقف ده بس ده فى كل مواقف حياتنا بتمر علينا عشان لما نمر على الحوض ان شاء الله ونشرب كلنا من ايد الرسول عليه الصلاة والسلام ميقلناش ابعدوا احنا مالتزمناش بسنته من بعده ولا باخلاقه لا ده احنا كمان بنضعف بعض

على فكره كلامى مش ضعف ولا اى صفه مش كويسه ممكن يقولها عنى انا عندى برضه لسان وعيون واللى قدامى فيه اخطاء واقدر اتكلم واشتم واغلط واظلم واعمل كل حاجه بس فيه فرق انت حتختار ايه حتختار طريق مستقيم نهايته واحده ومضمونه ولا طرق معوجه ونهايته برضه معروفه

لو حد حيشوف مسلم بيقتل ولا بيهان ولا بيدمر املاكه ولا بيستبيح عرضه ومقداساته وشايف انك حتشمت وتفرح فيه يبقى انت او انتى مش شخص كويس

حقولكم قصه بسيطه اكيد سمعتوا عنها وزعلتوا هى قصه الصيدلانية المصرية مروة الشربينى اللى قتلها المجرم الالمانى هى والجنين اللى فى بطنها فى المحكمه لمجرد حجابها وعدائه للاسلام مش حخوض فى تفاصيل الحكايه ولكن انا عايزاكوا تنتبهوا لجملة اتقالت فيه وبعدها اعملوا اللى يريحكوا فى مرافعه محامى المجرم ده تخيلوا كان ايه مبرره لفعل القتل والاهانه لها كمسلمه قال للمحكمه موكلى خاف على نفسه من المسلمين لانهم ارهابيين وبيقتلوا بعض وبيفجروا بعض فى بلادهم وده فعلهم مع بعض فازاى حيتعاملوا معانا فدول خطر على امن اوروبا فعشان كده هو عمل كده معاها واللى عايز يتاكد من كلامى يدور فى النت على قصتها

وانا بكده حكون قولت اللى جوايا اللى يحب يسمعه هو حر واللى مش عاجبك برضه حر ......ما احنا فى زمن الحرية

املا · 2009-12-04, 21:22

write in arabic plz we don't understand egyptian well ok if u want us to get u write in arabic otherwise we cant

اختكم فى الله · 2009-12-04, 21:23

يا اخى مش جعجعه ولكن كل طرف فى دماغه شىء ومش فاهم التانى كل اللى قولته المصريين فكروا ازاى والجزائريين فكروا ازاى والكلام اللى سمعوه الاتنين كان ايه عشان يحصل ده

سبحان الله

يارب اشوف حد فهم قصدى

اختكم فى الله · 2009-12-04, 21:24

انا كاتبه عربى بس عاميه ومش شايفه انه صعب طب جربى تقريه مره هتانيه لعل وشى ممكن توصلك فكره الموضوع عامه وشكرا على ردك

س..ع..ي..د · 2009-12-04, 21:33

ممكن تقولينا المصريين شافين قرعة كاس العالم الزاي ؟؟؟؟؟؟وبذات مجموعة الجزائر...؟؟

سفيان · 2009-12-04, 21:38

اولا ارحب بكي في منتدانا الحبيب منتدى الجلفة للجزائريين و كل العرب

بارك الله فيك اختي الكريمة لاختيارك منبر الجلفة لتفرغي كل ما في داخلك و لتعبري عن رايك

وأؤيد كل حرف كتبتيه نتمنى ان يكون في غالبية الشعبين الشقيقين نفس الشعور

نحن شعب واحد ننتمي لدين واحد

دين الاسلام وللغة واحدة

جمعتنا كلمة التوحيد

يارب جمع شمل العرب والمسلمين

واجعلنا نرى شهابهم يضئ السماء من جديد

ووحد قلوبهم الى يوم الدين