#تقدرلــــــــــهـــــــــا

[ريتال2]

السلامــ عليكــمـ و رحمـــة اللهــ تعالـــــــى و بركــــــاتـــــهـ
نشالله تكونوا كامل غاااااية لغااااية و تكون نفسيتكمــ متأملهـ لغد افضــل
فتحتـ هاذ لموضوع متأكدة 100%قليل لي راح يحاول يدخلو لا بأس تلبية لطلبــ الاخت الغالية }}}أيمــــــــــانــ~
علابالي رانا قاع كيفكيف تا انا هردتها فلهاد الفصل نقاط كارثية و زادوا الوالدين الكريمين كملوا علينــــا بالتعليقات المحبطة و السلبية لي مدوهانا (راح لافونير St راها تستنا حلم طفولة بح و و و و ) اولا امتحانات لي جوزناها كانت فريمو صعيبة مش لديك الدرجة مي مقارنة بالبكالوريا ديجا لبروف و قاتنا و شي لي قاتو بروف تاعنا اي وااحد أدااا 9 فما فوق راه مليح مالغري مكانش نتائج شابين غي 13 و 14 ونا 13 لي ماراح يحققلي حتى حلم يصرالكـ تحطيم المعنوياتــ ولله تقعد غي تستنا ضرك يجي لي يطلعلي المورال دروك يجي واحد يمدلي شوي ايجابية لازم Il faut نفهموا حاجة اي انسان يطيحلك من المعنويات ولا يحبطكــ باي جاست كان يعتبر انسانــ فاشلــ و ماعندنا علاه نسمعوا لشكيييل حنا بينا الباك يااه شتا لفايدة ايلا تحصلنا على 16 و 17 ضرك و فباك نطيحوا واش لفايدة ولله نجيبوا غي العين لرواحنا باطل انا بور موا من الافضل يواصلوا تصعيب المواضيع علاه؟! باش فلباك يبان لينا سيجي ساهل ويلا صعبونا الدعوة أرانا موالفين كنصيحة بلاما نطول انا قررت نعوض و نريكيبيري قاع واش ضيعت فهاد الفصل فهاد العطلة لي مدوهالنا حيث اني شارجيت و كثفت فريمو كثفت البروقرام تاعي وظفت فيه قاع المواد و ركزت على المواد الاساسية تان حيث اني راح ندير مراجعة لكل وحدة و حلل اكبر عدد من التمارين حولها و ربي معايا نشالله نتمنا انكم ما تهفوش رواحكم ندي سمانة لولا راحة و ابري نبدا سيريو ياااو كون سيريو غير خطرة معا روحك شوف لحالة لوقت يمشي ما يحبسش ماراحش يحبسلك الزمن باش يرضيك اااابنت ناس تخيلوا نهار لباك وحق ربي نندموا على دقيقة لي راني نكتب فيها فهاد موضوع وتندم لي ضيعت وقتك فقراية هاد الموضوع و حينها ((((((ياريت )))))ماغادي تنفع لوالو حتى حاجةما تجي بالساهل لازم تعب تعب تعب تاع بصح
فلافان بالرغم اني بحاجة لهااد تحفيز اكثر من اي شخص كان مي تلبية لكـ ايمانو و قلت بلاك كيف ماني بحاجة لتحفيز كاين اوتخ تان مستخص واحديحفزوا
نتمنى و ندعي ربي من قلبي انو ينجحنا و يوفقنا و يعينا ثقوا بالله كون تشوفوا شاراه ربي مكتبوا ليكم لاستحييتم فثقوا بربكم و بنفسكم و قووا ايمانكم بالله عزوجل
بالمناسبة بغيت نفيدكم بواحد القناة صتها هاايلة فلفيزيك https://www.dztu.be/channel/UCnPvSbjUQuaKs34N4qTuZkg
هايلة راني كي لقيتها و موفقين
#تقدرلـــــــهـــــا
#أمينــهــــ_دعواتكمـــــ