المكياج و الزواج و رضا ربي معادلة صعبة

[مشكلتي]

انا فتاة جامعية لدي شيئ محيرني من فضلكم انيروني

نعلم جميعا ان حكم وضع كريم الاساس و الزينة بصيفة عامة محرم شرعا عند الخروج من المنزل و امام الاجانب

و لكني دائما ارى الفتيات في الجامعات يضعن الماكياج و لي ما ديرش تحط كريم الاساس فقط و انا بصراحة محتارة

اعلم بانه حرام و لكني احس نفسي غريبة و غير جميلة امامهن على الرغم من اني يعني متوسطة الجمال و اجد نفسي اجمل بالمساحيق الا اني لا اضع الا كريم الاساس من دون مساحيق اخرى مثل الغوسيل ... كما اني اشعر بتانيب الضمير و اقول يعني ربي حرم علينا هاذ الشي و علاش راني ندير هاكا تعبت نفسيتي بين ارضاء ربي لي خلقني و ارضاء نفسي و الناس حولي

علما انو بشرتي مش صافية يعني فيها آثار حبوب و غيرها و لكنها مش واضحة كثيرا و انا اخاف ا لا يراني الناس جميلة و ينتقدوني خاصة اني في سن الزواج نخاف ما نعجبش الناس اعلم ان كل شيء بيد ربي سبحانو و كي كتبلي نتزوج نتزوج بمساحيق و لا بلا بيها بصح تعبت ما عرفتش خاصة عندما ارى زميلاتي اقل مني جمالا في الحقيقة لكن بالمكياج اجمل مني

و ايضا احس اني اقل جمالا و لا اشعر بالثقة في الجامعة و لا التركيز في دروسي

كلها وساوس شيطان و هوى نفس واش ندير دبروا عليا من فضلكم انقذوني اخاف من عقاب الله اخاف من غضب الله و مرات نعزم و نقول خلاص نحبس لكن نرجع عاونوني خاوتي ربي يحفظكم

و عندي سؤال يعني لما رجل مهما كان ملتزم و اي غير ملتزم يشوف طفلة بالمكياج تعجبو و لا لا و حاجة اخرى لما تكون بلا مكياج عادي يعني ما تحسهاش غريبة و لا غير جميلة مثل باقي البنات و هل مستعد تتزوج وحدة تخرج بكريم الاساس

ما تقولوليش المشكلة مش في المكياج و اللبسة نتاع البنات..... لاني متحجبة و الحمد لله

اتمنى ما تخرجوش من الموضوع و تنصحوني و جزاكم الله عني كل خير