اعطوني الحل

[مشكلتي]

ادخل في موضوع مباشرة
انا فتاة جامعية تعرفت على شخص منذ مدة ودائما اتكلم معه هو دائما يناديني باختي وانا اناديه باخي مع اني لا احب علاقات هذه اول علاقة لكن علاقة مابين حدود كلام عادي مهم اني احببته لدرجة لا تتصور تخيلو اني ادعي الله ليلا ونهارا بان يكون مكتوبي وبان لله يحفظه ويحميه الخ حتى اني يجب ان اراه ولو مرة في يوم كي اعرفه بخير والله حبه لي درجة لا تتوقع اني نخمم فيه دائما نقول ليوم لقيتو قاعد وحدو علاه هكذا درجة تخمامي ليه كل يوم حتى حتى اني انصحه دائما بلنوم واكل ويدف روحو اخر مرة مرة كان لابس تريكو عادي هو بردان زعفت عليه قتلو علاه مدفيش روحك الخ قالي علابالي رايحة تزعفي عليا يوم تكون ابنة اختو مريضة علابالكم ليل كامل وانا نسقسي عليها حتى اني نسقسي لافامي تاعي طبيبة كي تعطني دواء والله عظيم اني بلا بيه والو واني قاطعة وعدي على نفسي اذا كتب ربي وكمل معايا وتزوجت به سوف افعل ماتقولي ولا في حياتي ندير مشاكل مهما كان رايحة يكونو مشاكل في عائلة او اي شيء رايحة نسكت ونصبر ومانقولو ولا شيء مشكل حبيت نقولو بلي راني نبغيك وراني باغيا نكمل حياتي معاه حتى اني صلاة استخارة لكن ربي جامي بعدو عليا لانه رجل حقيقي ومثالي وان شاء الله نكون مراة مصثالية يارب والله والله مرات يقلي فتايات مثلك الان قليل منهم يقولي تربية واخلاق يشكر فيا وكذلك اني نحشم ونقادررو في شارع اني دايرتو في قلبي وكان زوجي حتى اني منرفدش راسي في راجل نغزر فيه او نضحك او اي جاست نقول راهو عندي شخص احبه لازم منخونوش ونحترمو والله اني دائما ادعلي الله انه يحفظو ويحميه ويصونك من كل شر والله مرات نقولي ياو راك شباب يقولي الله يسلمك دائما طلعلي مورال ونقولو اي شيء يصرالك ارواح نعاونك نعطيك راي نريح الخ
اعطوني رايكم وهذا كل حقيقة اني نحبو حب حقيقي لانو جامي بغيت راجل مثلو ولاول مرة اعطوني رايكم يا ايها الرجال هل نقولو اني نبغيك
راني نبات ليل وانا ندعيلك ونضلي نخمم فيك اذا كليت او لا او دخلت لدار واو لا
واعطوني رايكم اذا كنت مكان هذا شخص ماذا تفعلون
من فضلكم لا تجرحوني بكلام واعطوني الحل لكن متقولوش ابتعدي عنه احسن

[toulay]

السلام عليكم
صحا انت تحبوا وتموت عليه وهو ياترى هل يبادلك نفس الشعور
مين قريت واش كتبتي مالقيت حتى حاجة ولا كلام يبين بلي يحبك وناوي يخطبك بنتيلي غير انت لقاعدة تبني امال وتخطط وحدك
ننصحك مكلاه تصارحوا بالمشاعر تاعك لانو راح يحتقرك هو فالحقيقة على حسب الشخص بصح الاغلبية الساحقة هكذا
تاني نقولك حاول تجبد روحك شويا متبقاش طايحة عليه يقول واشبيها هاذي لصقة
خلي لقدر والاحترام بيناتكم وصدقني يا اختي اذا عينو فيك راح يدير الخطوة وحتى حاجة ماتوقف في طريقه يطيح وينوض باش يديك غير انت
استمر بالدعاء وقول يارب اذا فيه خير سهلنا و وفقنا واذا مفيهش خير بعدو عليا كيما بعدت السماء عن الارض وعوضني
بالتوفيق

[مراد سابقا10]

انا مفهمتش حاجة وحدة كيفاش تقولي انت فترة طويلة وانت تهدري معاه على اي ساس هذي علاقة محرمة من اصلها

شوفي انا ننصحك حتى متصارحيش بمشاعرك انسحبي بكل قوة ومترجعيش ليه الراجل كي يبغي وحدة يدير المستحيل من اجلها وهو لي يبادر يصارحها

هذا مصارحك ما والوا يعني لست في باله .

وزيد نقولك حاجة لو تصارحيه قادر يتلاعب بيك وقادر حتى ينهشك ويرميك عظما قادر يطلب منك النقود قادر الشرف قادر اي حاجة احذري انسحبي

مادام موصلتش الأمور للدرجة هذي.

[ع.عيسى]

عن تجربة ننصحك ، لا تحبي شخصا ماهوش من مكتوبك ، لانك رايحة تحطمي نفسك ...اما انه يخطبك ويعقد عليك ساعتها ربي يوفقك ، ااو انك تستفيقي من هاذا الوهم

[sihem8193]

تعرفي المشكل فاين راه؟
المشكل أنو ملي وعينا للدنيا وحنا نقراو قصص الموضوع تاعها أمير وأميرة والشرير لي يفرق بيناتهم، والنهاية السعيدة هي الزواج
وعينا وحنا نتفرجو مسلسلات وأفلام بطل وبطلة وكي العادة الشرير، والحلقة الأخيرة هي الزواج
فهمنا بلي هذا هو محور الحياة، وكل الأمور الأخرى ماعندهاش أهمية، المهم لازم نكون بطلة ونلقى بطل وفي الحلقة الأخيرة نتزوجو
لا يا أختي، الحياة هي أهداف تسعاي لتحقيقها، سواء كانت دراسة، علم، دين، اتقان حرفة....
أما الزواج فمكتوب، يلا ربي كتبلك تتزوجي راح تتزوجي، ويلا ماكتبلك الزواج فهذا لا يعني أنو محور الحياة تاعك ضاع و ماعندكش النهاية السعيدة كيما المسلسلات
حددي أهداف لروحك، وطوري نفسك، ونهار يجي مكتوبك يلقاك مرا وعليها لكلام

[ing.Youcef]

أنت فتحت على نفسك باب فتنة أرجو لك النجاة منه.
العلاقة بين الرجل والمرأة إذا لم تبدأ بالزواج فهي علاقة آثمة.
الإمام مالك رحمه الله منع حتى السلام على المرأة الشابة، لما فيه من مظنة الفتنة.. فكيف بما هو أكثر من السلام!
ما أنت فيه خطأ، لا يرضي الله، ولا يرضي والديك. إنتبهي واتعظي من غيرك.
الله يجعل لك فرجا ومخرجا.

[Elwawy]

عجبك و أحببته أزوجيه, الأن, الحب مفيد للعيش.

[briss ali]

ولاهي اختي تصارحيله خير بالنسبة لي انا لانه راح ايخمم فيكي يتقدم خطوة للامام وحتى هو يصارحك بالاك هو متحشم كيفك تقدمي خطوة اختي ما تخافيش راني على تجربة ربي ايوفقك اختي ويحققلك احلامك وتزوجي بيه

[هـــدوء]

عزيزتي,

راه باين بلي الفراغ قتلك و من كثرة ما عندك وقت زايد بزاف وليتي تعمري فيه بلي جات.
على هذا روحي اجري على روحك شوي و القاي حاجة تشغلي بيها وقتك: اقراي’ اخدمي و لا تعلمي كش حرفة تفيدك.
و السيد كيما راكي تحكي ماهوش ماديها فيك بكل, راه غير يجامل فيك و يفوت في الوقت كي شافك لاصقة و اسمحيلي على المصطلح.
و عليه هزي بعضاك و ديري شوي نيف و كرامة و شوفي كيفاش تطوري نفسك.

[ابو سليمان10]

عادي الاختلاط ز مشتقاته تؤدي الى هذا
كلا لدينا مشاعر كل بقدر مختلف لاكن النساء لديهن الكثير من المشاعر عكس الرجال
الاخت كانت لديكي القابلية و الاستعداد للوقوع في حب شخص ما و الصدفة اوقعتك على هذا الشخص ..قد لا يبادلكي نفس الشعور و قد لايكن الزواج من اولوياته لذى لاتبني حباتكي على الوهم...و حتى لو كتب ربي و تزوجك فان الحياة ليست كالنعيم الذي تتخيلينه