مجرد سؤال _ لا يغرنك العنوان ههه _

[ايمانو الجزائرية 01]

السلام عليكم و رحمة الله تعالى و بركاته


وش راكم زكلائي زميلاتي صديقاتي ؟؟


و الله غير بغيت نسقسيكم



و ان كنت جيت نفرغ قلبي

معلاباليش ضكا الا المشكل فيا ولا حنا رانا نزربوا و لااا


شوفو كنت نراجع بالكثرة الرياضيات سكنت فالدوال العددية كنت منعرفش كااااامل حالات عدم التعيين ولا الازالة ولا كيفاش نخدم مع الجذور مي ضكا الحمد لله فهذاك الوقت حنا كتنا كملنا الاسية الله يبارك

بديتها و قعدت معاها مدة لاباس فهمتخا شوي الحمد لله حليت شوية تمارين تع المغني _ شوية ماشي حاجة كامل _



و حنا كنا دخلنا فذاك الوقت اللوغاريتم و اللوغاريتم العشري و النهايات و كملناهم

فالعطيلة تع نوفمبر شت شوية اللوغاريتم مي افففف فيه بزاف افكار كثر من ما توقعت و حاجات مدرناهمش فالقسم معاليناش

الفيزيك كنت مرة على مرة نراجع الوحدة الاولى مفيهاش حاجات جدد بزاف من غير هذوك السرعات و الباقي غير قوانين

حليت شوية تع بن شنايت جاني لاباس شوي و شوية تع قزوري معمممرين بالافكار بصح حليت غير تع هذا العام

العلوم المنهجية حدث و لا حرج منعرفهاش كامل و ملقيتش لي يوجهني للاسف

مواد الحفظ و الغات مزال مفتحت الكراس فحتى وحدة فيهم
راني روطار ؟؟؟


و ثاني و الله حبيت نسقسيكم

قلتو تمرين لكتاب تع الرياضيات ملاح تعيشو وسمو كتاب الحلول و شحال يدير ؟؟؟

نحب نحل التماارين تع ليكور كيما كان خويا يقرا و المواضيع لي عطاوهملي و كلش مي عندي مشكل لازم كبل سؤال نجاوب عليه نشوف الحل تعاعو منبعد نكمل كيفاش نتخلص من هذي المشكلة ؟؟ و وقتاش نقدر نحل هذوك التمارين و تع سلسلة الرائد بما انها دون حل ؟؟ و البكالوريات السابقة ؟؟؟


فالفيزياء نفس الشي بزاف مواضيع دون حل خفت نقرب ليهم

و نحس معنديش لوقت نحل التمارين هذوك كامل كيما تع شيريفي و نقلب على تع قزوري تع لعوام الي فاتوا و باش نحل كامل تع المغني و تتع نايت و تع لكتاب ديجا كي نقولهم هكا يبانوا الله الله

وش رايكم ؟؟

و النووي هذاك محملتوووووووش معلاباليش علاه مي محبيتوش منرف علاه مي شغل نحسو حفاظة كثر من لفهامة لالا ؟؟



و المشكل الاككككككككككككبر



فالدار نحل التمارين نوورمال نلقا افكار جدد نعنجق فيهم بدون مشكل بصح فالفرض ولا الا لقيةت فكرة جديدة نستريسي بزااف و نبدا نطرش برك متفرى نحاول فالمسودة متفرا نخمم متفرة=ى نجاوب على الباقي و علابالكم الستراس يدي للغلطات



كيفاش نفريها بلييز عاونوني الله يعطيكم ما تتمناو

[*آمنة*]

سلام ايمان
ان شاء الله راكي لباس
واش نقلك ونقلك
نحكي على روحي قبل
اليوم درنا فرض مات ...درنا فيه تمرين على الاسية ....بعد شهرين من حل كمية لابأس بها من تمارين الاسية ...نغلط واحد الغلطة تااااااااافهة جدا
قولي واش هي ؟
قولي واش هي ؟
كي خرجت اسية الاكس نسيت مخليتش الواحد
ورااااااااح التمرين
.
.
.
شوفي ختي صدقيني غير انا تاااني متأخرة يااااسر بالاخص في الفيزيا
معلباليش علاه هذا العام قاع مش نقرا فيها ....حاستها جايتني صعيبة
المهم ربي يسهلنا
اسمحلي والله ما عرفت واش نقلك

[jë suîs comçà]

سلالالالالالالالام اختي...
شوفي متقلقيش gاع روحك .....
كل هذه اللحظات مررنا بها و عشناها بكل ثانية

شوفي نقولك
في الرياضيات علة واش اعتمدت و جبت 20 في الباك : سلاسل مصطفاي من التمرين الاول الى الاخير + بكالوريات الشعب العلمية (رياضيات و تقني و علوم) شوفي نوريلك الطريقة كيفاش

كي تبداي تحلي الاسئلة البسيطة(كيما مبرهنه القيم المتوسطة مكله تظلي تعاودي فيها و تحسبي كي تلحقيها اكتبي مبرهنة القيم المتوسطه و جوزي للسؤال الي بعدوا) اقرايها بجد موش تعياي من اول ضربة اوك؟؟؟؟؟؟؟؟؟؟ حل 3 تمارين في اليوم تكفي

فيزياء : تقريب نحل بكالوريات لا اكثر للشعب العلمية كذلك جبت 18
علوم : ننصحك بالاستاذ مسعود قاسم بزاف هااايل

اللغات و الحفاظة نظمييييلهم وقت برك *-*
بالتووووووووووووفيق

[اصرار بلا عنان]

يا ايمان مفييييكش لامان

ههههههه مجرد سؤال اه ؟!! ذ


معليش ختيتي كوراح كوراج هذي سي جيست البداية ان شاء الله
دبري راسد كيفاش تتحفزي باش نتفاهمو التحفيز تع الصح هو لي يخرج من عن
ك ياك مالفة بشبش تقولهالنا

سي بون راحلك الستراس ؟؟ نهار الاحد ان شاء الله جيبيلي المواضيع هذوك ندير عليهم فوكوطوبي ياك فهمتي بلي فوكوكوبي نعرفك مزنزنة