ما هو اتجاه الترجمة و الاستنساخ

[Mr.R]

اهلا اخوتي

هذي دائما تتخلطلي

في اتجاه النسخ و اتجاه الترجمة ديفوا نشوف من 5' الى 3' و ديفوا العكس

وينها اللي نيشان + لي عنده رسم فيه 5' و 3' في عملية اسنتساخ / زعما باش نعرف وين نعينهم على سلسلة ناسخة - مستنسخة و قطعة arn /

اللي يقدر يفهملي هذا و اكون له شاكر , تتخلطلي بزاف هذي بسكو فمراجع كل واحد وكيفاه

[طالبة لها هدف]

السلام عليكم عزو
انا والله ما راني متاكدة مي سقسيت استاذ ليكور و قالي بلي مهيش طريقة باش تحكمي على الاتجاه
نحكموا على الاتجاه حسب تطاول السلسلة الناتجة
مثلا سلسة ال arnm جيهة زيادة طول السلسة هو اتجاه النسخ

[jieona]

على حسب علمي اتجاه الاستنساخ من 3' الى 5'
اما اتجاه الترجمة فلست متاكذة منه - نسيتو - لكن اظن العكس

[الملآذ]

السلام عليكم
اتجاه النسخ على حساب تطاول سلسة ARN بصح الترجمة هاو يمدلك الاحماض الامينية وMet يبين
والله أعلم

[~ هبة الله ~]

شوف أخي أنا الاتجاه جامي درت على هاد الأرقام و مانديرش عليها
بالنسبة للنسخ على حساب طول سلسلة ال arn وين قصير البداية و وين تطوال النهاية
أنا الترجمة على حساب رامزة البدء أو حمض met

[rania17]

نفس اجابة ~ هبة الله ~

[ورد الاوليف]

السلام عليكم اخي نوريلك كيفاه انا فهمتها شوف ياك في تركيب البروتين تبدا الاستنساخ وبعدها الترجمة على هذيك نبدو بالاستساخ هو الصغير يبدا ب 3 يعني اتجاه النسخ 5'-------3' اي 3' سهم 5' وتكوينيا يستطيل ال arnm (اي عملية النسخ) كلما اتجهنا نحو نهاية المورثة
اما الترجمة فعكسها بما انها الثانية رح تحي لكبيرة يعني 5 فاتجاهها من 5' الى 3' وتكوينيا تستطيل السلسلة البيبتيدية (اي عملية الترجمة هنا) كلما اتجهنا نحو نهاية ال arnm
ان شاء الله تكوني فهمت بطريقتي البسيطة وربي يوفقكم جميعا ^^

[الملآذ]

سلام بعد البحث وجدت علاقة 3’ و5’ في أول معلومة دونتها في نهاية الكراس
بالإضافة الى المعلومة الأولى الواردة أضيف
إتجاه إستنساخ adn من 3الى 5
واتجاه نسخ arn من 5 الى 3
والله أعلم

[Mr.R]

سؤال آخر اخوتي
هذي 3' الى 5' تع استنساخ خاصة بسلسلة adn الناسخة و ال arn و السلسلة الغير مستنسخة يكونوا عكس تاعها
هل هذا صحيح

[المُعادلة الصّعبة]

عز الدين عندك حلول الانشطة تاع الوحدات تاع العلوم تاعنا ؟؟؟

محتاجتهم اذا عندك حطهملي تعيش والله ما تتصورش قداش محتاجتهم
اذا تحطهملي تدير فيا اكبر مزية
العلوم هي عقدتي

[ورد الاوليف]

المشاركة الأصلية كتبت بواسطة المُعادلة الصّعبة

عز الدين عندك حلول الانشطة تاع الوحدات تاع العلوم تاعنا ؟؟؟

محتاجتهم اذا عندك حطهملي تعيش والله ما تتصورش قداش محتاجتهم
اذا تحطهملي تدير فيا اكبر مزية
العلوم هي عقدتي

شوفي ملفات فراح عيسى

[المُعادلة الصّعبة]

شكرا اوليفة
ماعجبونيش ياسر

[abir sweet]

قداه من مرة نسال الاستاذ هذا السؤال قالي متخلطيش روحك بيه ميهمكمش

[Aya Ya]

نجاوبك كيما كتبنا + كيما لقيت في المراجع التي اعتمد عليهاا

الاستنساخ ..لما يتعرف انزيم ال ARN polymérase بوليميراز على بداية المورثة ثم يكسر الروابط الهيدروجينية بين روابط الADN يبدأ بقراءة السلسلة المستنسخة في الاتجاه من 3' الى 5' مراعيا التكامل بين النكليوتيدات الريبية والديزوكسي ريبية وهكذا تستطيل سلسلة ال ARNm.....

__ الترجمة ..في مرحلة الانطلاق تتثبت تحت الوحدة الصغرى للريبوزوم على جزيئة الARNm في الطرف 5 ' وبالضبط على رامزة الانطلاق... /اذا الاتجاه يكون من 5' نحو3 '

...عندي رسومات غدوة نصورلك __ ان شاء الله __

[Mr.R]

اوك شكرا لكم جميعا
ريان معنديش آسف
آية لو تصوريهم اليوم