#الجيولوجيا(العلوم)
راح نمد ولو فكرة عامة عليها
السنة بداولكم ببنية الكرة الارضية هي الوحدة 1
باه عرفوا بنية الارض من واش تتكون اعتمدوا على النموذج السيسمولوجي للكرة الارضية بالعامية تع الزلازل لانو مستحيل الانسان يحفر على اكتر بعد من واش لازملو لانو كل متتعمق راح تزيد الخرارة و الضغط في باطن الارض .
المفيد ، بعد ما دارو دراسات ، عرفوا ان الكرة الارضية تتكون من عدة اجزاء تختلف من الناحية الفيزيايية والكيميايية .
عندنا:من الاسفل للاعلى:
1-نواة: تنقسم بحد ذاتها الي قسمين:
*نواة داخلية تمتد من 5100كم الى العمق 6400كم
*نواة خارحية من 2900كم-5100كم
2-البرنس ولا الرداء ولا المعطف: ينقم لقسمين،،
*برنس سفلي: من 700كم -2900كم
*برنس علوي: من 30كم-700كم في القارات/ من 7الى 700كم في المحيطات يعني المنطق، هو بحد ذاته ينقسم لقسمين :
#جزء علوي للبرنس العلوي
#جزء سفلي للبرنس العلوي
3- قشرة ارضية:
قشرة قارية سمكها 30كم
قشرة محيطية 7كم
مصطلحات هدو شدوهم راح يلاقوكم منبعد:
القشرة الارضية= قشرة محيطية + قارية
الليتوسفير= قشرة ارضية + الحزء العلوي للبرنس العلوي
الاستينوسفير= الجزء السفلي للبرنس العلوي
( اشفاو على الرسم ديجا اني حطيتوا من قبل وكتقراو وكدتشوفوه توليو تفهموا بيان)
نولي لدرك نكمل كفاه عرفوا مليح واش كاين بين كل طبقة،
استعملوا الموحات الزلزالية PوS درسوا سرعة انتشارها بدلالة العمق في البرنس والنواة ، ايا كاينة حاجة لازم تعرفوها انو من خصايص الموجة P تنتشر في الوسط الصلب والسايل والهواء
اما الموحة S في اصلبة فقط .
ايا كراحو شافوا المنحنى ، لقاو مظهر والو في النواة الخارجية كدرسوا بتلموجة S ايا حنا قلنا تنتشر في الصلبة ، معناها النواة الخارجية طبيعتها الفيزيايية سايلة ، ظهرولنا تان انقطاعات 3:
1-انقطاع موهو على عمق 30كم، يفضل بين القشرة الارضية الصلبة والبرنس
2-غوتنبرغ 2900كم يفصل بين البرنس والنواة الخارجية
3- لهمان 5800كم ولا 5100كم كاين وين يقولو هاك ، يفصل بين النواة الخارجية والداخلية.
ذرك نروحو نشوفوا التركيب الكيميايي لصخور كل طبقة :
النواة فيها النيكل والحديد
البرنس فيه البيروديتيت ( مجموعة من المعادني ينصهر وفق كل شروط بالمعني ، مدام عندو مجموعة من المعادن تما كل معدن عندو شروطوا ، هدا نصيبوه شبب من اسباب البراكين كتتشكللنا غرفة مغماتية ، هذا نخليه منبعد نهدر عليه ، راح ندرسوا تجارب ووفهموا
قلنا بلي البرنس فيه البيرودتيت ، هدا الاخير يمر بحالات فيزيايية (صلبة، انتقالية، مطاطية) حسب ظروف الحرارة والضغط ، راح تدرسوا تجربة بين منحنى التدرج الحراري ومنحنى انثهار البيريدوتيت ركزوا فيه مليح لانو ممكن يجي السنة خاصة كبدلوا ترتيب الوحدات ، راح تلقاو كاين في البرنس منطقة انتقالية اكثر مطاطية تسمى LVZ المنطقة الفاصلة. بين الليتوسفير والاستينوسفير راجع لانصهار جزيي للبيرودتيت
راح تشوفو ايصا انو القشرة المحيطية تتكون من صخور البازلت ، اما اىقارية من الغرانيتويد، راح تشوفوا انوا البرنس يحتل نسبة كبيرة حوالي 83٪ من حجم الارض !
اقراوها بيان بالكتاب وركزوا مندع الدرس صدقوني ساهلة تفهموا برك الاساس خلاص، 
( تقرير عن مشاركة سيئة )، و الموجودة أسفل كل مشاركة .
2019-09-12, 19:58
شرح منهاج جيولوجيا 2020
العرض العادي
