ربي يوفقنا و يحققلنا حلمنا ان شاء الله (bac 2020 yes we can )

[Malak 2019]

سلام واش راكم لاباس
فتحت هذا الموضوع باش نحفزو بعاضانا شوية و تقدرو تقولو نافسو بعضانا
طلاب بكالوريا 2020
كل واحد يقول واشنو هو حلمو
و واش حاب يدير باش نحفزو بعضانا و ان شاء الله كل واحد يحقق الحلم تاعو
:d
و كل واح تاني يقوللنا واش درتو لي كور و لا مزال و بديتو تقراو و لا نن

[meroem]

سلام
انا عن نفسي منيش رايحة ندير ليكور ..
رايحة تثرا للجامعة و الباك في نفس الوقت و انشاء الله نحقق حلمي طب الاسنان للأسف ذهب حماس العام الماضي ..........
لا استطيع التحفيز و لا حتى ان احفز نفسي...................

[Malak 2019]

سلام
انا عن نفسي منيش رايحة ندير ليكور ..
رايحة تثرا للجامعة و الباك في نفس الوقت و انشاء الله نحقق حلمي طب الاسنان للأسف ذهب حماس العام الماضي ..........
لا استطيع التحفيز و لا حتى ان احفز نفسي...................
ماتقوليش هكا اختي تزيدي تهبطي المورال لروحك شوفي نصيحة من عند اخت ديري ربي في بالك و توكلي عليه و فوضي امرك ليه و ضاعفي مجهوداتك و ديما كي تفشلي حطي حلمك بين عينيك و تخيلي اللحظة لي تجيبي فيها الباك و تحقي حلمك ديما في بالك هاذي و ان شاء الله ما يكون غير لي في بالك و ديما كي تصلي ادعي ربي و اقراي من قلبك باسكو يكذب عليك لي يقلك خليك و لا الباك واعر انساي كلش و ركزي على قرايتك برك برك لا حب لا خرطي هذالك نهار تحقي حلمك ديري واش تحبي المفيد و المهم تحقي حلمك صدقيني غير كون بعيد الشر ما تحقيش حلمك تبقالك حرقة في قلبك و حاجة وحدة اخرى تاني الناس لي تكرهك و ماهيش حابتك تنجحي تفكريهم لازم تحاربي كلشي على جال حلمك ضحي بكلش و ربي يوفقك ان شاء الله و ربي مافيه غير الخير ان شاء الله