بماذا تنصحوني .في هاته الخطبة ؟

[مشكلتي]

السلام عليكم ورحمة الله وبركاته

تقدمت لخطبة فتاة ، فكان جوابهم : اصبر حتان تبان نتيجة البكلوريا في حالة ربحت الباك راها تكمل قرايتها وما تتزوجش ، في حالة ما ربحتش الباك نمدوهالك ، مع العلم انا شاب الحمد لله خدام خدمة محترمة عندي سيارة عندي سكن ، سمعتي جيدة ، عايلة طيبة ، رايت ان جوابهم استفزازي بشكل كبير بمعنى يديها يا أنا يا الباك ؟؟ في حين الوالدة قاتلي نصبروا حتان تبان النتيجة ، والادهى من ذلك اني لم اقم بالرؤية الشرعية ، ولم يوافقوا على الرؤية حتى تبان نتيجة الباك حيث اذا ما ربحتش .ساعتها سيكون مسموح لي بالرؤية الشرعية ..رأيت ان جوابهم فيه اهانة ليا بشكل كبير .والوالدة نتاعي عاجبتها الفتاة وغير تطاوع فيهم وتقولهم ايه ..انتم واش رأيكم وبماذا تنصحوني

[زبدة ذايبة]

أطلق الريح لرجليك.

خليلهم بنتهم

ماعندك مادير بيها.

لبنات على راسهم

وألف وحدة تتمناك.

من النهار الاول بداو يمشو فيك على رايهم.

وبالطريقة اللي تخرج عليهم.



هذا حتى ما شفتهاش يعلم الله إذا توافق عليها ام لا.

الحمد لله أمورك مستقرة ومضبوطة ماشاء الله تبارك الله.

وش اللي يخليك تستنى نتاىج الباك

مثلك مثل أي مراهق.

إذا خسرت الباك ولات ماتسواش يزوجوهالك.

وإذا ربحت الباك ولات تغلى وتسوى مايزوجوهالكش!!!!!!!!.

علاه عليك هذ الشروط.

تربح ولا الله لا ربحت.

خليهم يشدوها عندهم.

ولينا في زمن ابتزاز الرجال.

كي تفرح هي بالنجاح تبكي انت على الخسارة.

وكي تبكي هي على الخسارة تقرح انت بالنجاح.!!!!!!!°

أمور لا تستقيم لعاقل.

واللي يحترم نفسه مايحطهاش في مساومة مثل هذه.

الامور تبنى على البدايات والمقدمات خاصة الزواج. نجاحه تحدده بنسبة كبيرة جدا بدايته.

الأمر مايستاهلش تبقى تحت الانتظار وتستنى نتائج الباك. وكأنك طالب في الثانوية.

خيرها في غيرها.

في انتظار ردود باقي الأعضاء.

أتمنى لك التوفيق والسداد والرشاد.

[ابو سليمان10]

قول لهم انك لاتقبل من لا تتمكن من الحصول على البكالوريا

[ع.عيسى]

الاخت زبدة كفت ووفت .خذ بالنصيحة وتكل على ربي

[مراد سابقا10]

انت رايح تشري الحوت في البحر

مفهمتش كلامك كي قلت مازال مشفتش الرؤية الشرعية يعني انت مازال مشفتش الفتاة من قبل ورايح تخطبها

الأمر غير منطقي.

زيد بزيادة هذي مشكلة نرومالموا متكتبهاش الإجابة واضحة نورمالموا كي قالولولك هكذا تقول ربي يسهل مكتبش المكتوب .

[زايدي أمحمد]

اقول لك رايي وليس شرط تكون صحيحة اتركها وشوف غيرهاا انا تاني كي قريت موضوعك شعرت بااستفزاز

[هشام 12]

تاع لباك صغار ما يصلحوش للزواج شوف وحدة أكبر وانضج
وزيد ما تبعش رأي النساء أخطب لي تعجبك انت مش تروح ع العمياني