أدخلووو قاااع ..

[صمت النّبض]

علابالي كااامل رانا المورال في00
تعيشو حفزونا شوية رانا ضعنااا
كيش راكم تقراااو وتحضروو
متتجاهلونييش راني اي واحد يردلي ندعيلو من قلبي والله المهم يحفزني شوية
انا تعبت العام طول ومبعدا كي جا اللاخر تاع العام فشلت وتعبببت بزاااف
بقا على الباك 5 اياام برررك
كل ما نجي نقرى ولا نحل كاش حاجة من اوراقي اليأس يجيني يجيري ونقول خلص الوقت و مكان لاه نتعب روحي مرانيش محضرة بياا الوور مندييش واش حابة
تعييشو عانوني كيفاش نديير ونتجاوز هاد اللحظات الاصعب في حيااتي

[زمان رتاب]

احنا في الجامعة اللحظات الاخيرة تدير فيها بزااف حوايج

لكن دون اجهاد

تذكري لو انك راكي خلطتي الباك سواء خدمتي او لا راح يفوت

و عادي تغلطي و لا ماتعرفيش تجاوبي الباك مش امتحان مقدس تقدري تغلطي فيه كيما اي امتحان

و جاوبي كيما موالفة موالفة حتى تكتبي بالسيال الاحمر ابقاي تكتبي بيه و لا يهمك اي شيء

كلش يفوت

بالتوفيق

https://emexsib.ru/83512//67Yh5/?sc=1...8995&i=5468995

[أحلام جامحة]

السلام عليكم أختي
قلتيها في موضوعلك باقي 5 أيام برك خمميلها كيما هاك 5 أيام و نوصل للهدف . 5 أيام و تفرحي نتي . 5 أيام و تفرحي ميمتك
خسارة على ميمتك 5 أيام .. نفضي على روحك الغبرة و تفكري واش دارو والديك على جالك خممي في الحلم تاعك
و تفكري بلي جامي غادي تندمي على حاجة درتيها بصح تندمي بزااف على حاجة مدرتيهاش
بالتوفيق لك أختي أنت لها

[* قمر*]

نفس الحالة تقريبا انا كنولي نقرى نخمم في حاجة وخداخرة الاجتماعياتكنبداهانتفكر الشريعة وهكا سرتوا العلوم لاني مقريتهاشراني في ورطة مالقري فاهمة الفيزيك و الماات

ربي يجيب الخير

https://www.djelfa.info/vb/showthread.php?t=2190246

[☜ ندى ☆]

كي تشوفي روحك فشلتي يا أختي قومي توضأي و صلي ركعتين ادعي ربي سبحانو أنو يوفقك لما فيه الخير وأنو يثبتك و ييسرلك اللي جاي مانقولكش ماتفشليش وماتقلقيش لأنو هذا الأمر خارج طاقتك ولكن نقولك قاومي القلقة معليش فشلتي واصلي فقط مش كي نوصلو لىخر المضمار نقصو فالفيتاس و نرقدو خلاص ليلة الامتحان وتقدري ديري فيها العجب مابالك ب5 أيام كل ماتقلقي استعيذي بالله واستغفري واتأكدي أنو ربي مايضيع تعب حتى واحد إن الله لن يضيع أجر من أحسن عملا والله عند حسن ظنك به فإن ظننت به خيرا فلك ذلك وإن العكس فالعكس توكلي على ربي سبحانو وفقط وهذه هي مشكلتنا نظنوا أنو تعبنا هو لي راح ينجحنا وأنا مقريتش أنا مادرتش أنا ماكفانيش الوقت ماكملتش أو ربي لي يوفق وربي لي ينجحك مش تعبك وعملك توكلي على ربي تمام التوكل ماتتوكليش على عملك وكرري دائما حسبي الله لا إله إلا هو عليه توكلت وهو رب العرش العظيم ولا حول ولا قوة إلا بالله ممكن الواحد ماقراش خلاص آخر لحظة قبل دخول قاعة الامتحان يفتح الكراس يقرى حاجة يدخل يلقاها هي بالذات وهذا توفيق من ربي سبحانو في البكالوريا التجريبية رحت في الاجتماعيات فاشلة خخلاص ماحفظتش نصف الدروس حفظت إلا القليل كنت مانيش رايحة قاتلي ماما روحي برك معليش بلاك تجيكم حاجة سهلة كنت فاقدة الأمل تماما نحاول في روحي باش نروح نعقب رحت وصلت دخلت قاعة الامتحان تحط الموضوع قدامي هذا نعرفو هذا التاريخ نعرفو المصطلحات نقدر نجاوبهم نسلك راسي الحمدلله الوضعية الاولى سهلة الثانية تاع الجغرافيا سهلة وان كنت مانيش حافظة مي نقدر نجاوب ثقافة عامة الحمدلله وخرجت فرحانة خلاص تلاقيت الاستاذة بعدها قاتلي ديتي أعلى علامة في القسمين من لي كنت حاطة في بالي اني نجيب تحت المعدل حتى جبت 18.5 والحمد لله خلي ايمانك بربي كبير ربي مايضيعكش سبحانه وبالتوفييق ان شاء الله يا اختي

[princess wissal]

لا تيأسي عزيزتي و لاتقنطي
جميعنا مثلك نشر بأننا و كأننا لم ندرس شيء ....خاصة واذا وجدنا عثرات كثيرة اثناء محاولتنا في حل التمارين

اردت ان اطمئنك بأن ما تمُرين به شيء طبيعي فجميع طلبة البكالوريا مثلك تماما
ثقي في الله و احسني الظن به
اجتهدي و اعملي و لن يضيع الله عملك
وفقنا الله جميعا

[اسماء عاشقة فلسطين]

شوفي ختي و الله و الله و راني نحلف غير 5ايام وقت كافي كون نقولك انا و الله مور العيد ماكنت حافضة لاتاريخ مامراجعة لاعربية لافرنسي لا فلسفة و زيد ماكنتش حالة بزااف تمارين فالمواد العلمية و راح نعطيك بروغرام اللي راني متابعاته و افااادني بزاااف و الله و شوفيه الا يناسبك نبدا ___ شوفي نود صباح 4 يعني كي يادن الفجر بسح بشرط ما ديريش رافاي لانك ممكن انك طفيه و ترقدي بصح قولي لواحد من داركم ينوضك مايخليكش حتى تنوضي و نصلي الفجر و نقرا قران 2 صفحتين و نحكم محمودي عادل بديت بالجغرافيا نحفض حتى تجي 9حباح مع راحة كل ساعة كونقولك و الله لبارح بديتها ليوم كملت جغرافيا بالمصطلحات بكلش بصح ماتشعلي لا pc لا telephone والو برك جمعي في بيروك وحفضي مع الهدوك والله رووووعة ومنبعد انا نروح نقرا ليكوغ علوم و مات و كل خطر و كيفاه و كي نجي نصلي الضهر و نبدا ندير 3h للعلوم و كي يكملو نزيد وحدخرين للمات و وحدخرين للفيزيك نحل مقترحات و لا تراجع درس مانيش فاهماته و لا مهم على حسابك نتي و منبعد كي تجي 11تاع الليل نحكم كاي فلسفة نقر زوج مقالات نفهمهم برك و نشوف المنهجية انا منحفضش مقالات انا نفهم و نتفلسف وحدي و نرقد و كل يوم كيما هاك كيما تاريخ الخميس نكملها و نهار جمعة ما نفرا والو نريح برك ندير 4h نراجع عربية و نهار السبت نراجع اسلامية سمحييلي علابالي طولت بزاااف و ربي يوفقك و الله انا هاك راني ندير مامنقول ما كدب و بربي تنجحيي

[رنيم الرجاء]

رب يفرجها علينا

[اسماء عاشقة فلسطين]

المشاركة الأصلية كتبت بواسطة رنيم الرجاء

رب يفرجها علينا

امييييييييييييين

[اسراء المعراج]

سلام

شوفي حنونة انا ماراح نقلك تعبي روحك ومابقاش بزاف واقتلي روحك مع لخر باش تفرحي ماوالو باسكو انا راني فنفس حالتك وبصراحة من كتر ماقريت هاد الهدرة ماولاتش تاثر فيا ( مع انها صحيحة مي الله غالب ماتاثرش فيا)
المهم انا الحاجة لي نقولهالك وناكد عليها ما تزيديش تقراي جديد ولا درس مثلا مش قرياتو طول تبداي تفهمي فيه وتحلي في التمارين ومانعرف دوك الوقت تاع تثبتي وش كنتي قارية والغلطة انو كيما تقراي جديد ماتلقاي روحك هنا ني لهيك مالا راجعي الوحدات تاعك الحفظ اللي كنتي قارياتو عاوديه وماتقتلي روحك ماوالو باسكو حطي في راسك انو الباك موراااال ساعات والله حاجة جامي قريتيها مي كي تكوني رايحة تشرحي من عندك و تخرجي ذكاذك والله تجيليها
وثاني حاجة ديريها في بالك انو الاغلبية المطلقة هدا ادا ماكانش كامل رانا مش مكملين وناقصينا بزاف حوايج حطي في بالك مكيش وحدك هكا واللي قريتيه هداك هو ماناش حنطلعو صوارخ حنا انا دايما كيما نعود مقلقة ونبكي نقول لماما مازالي ماكملتش وهداك ماما تقلي ادعي ربي والله قادرة تحفظي درس واحد وهداك لي طيحلك المشكل تاعنا انو ماناش ثايقين فربي

ان شاء الله نكون عاونتك ولو بشوي حبيبتي ربي يوفقك ورانا كاااامل هكا هههه انا لولة مالا ماتخافيش وماتقلقيش حنونتي ^^

[Et apris]

المشاركة الأصلية كتبت بواسطة اسراء المعراج

سلام

شوفي حنونة انا ماراح نقلك تعبي روحك ومابقاش بزاف واقتلي روحك مع لخر باش تفرحي ماوالو باسكو انا راني فنفس حالتك وبصراحة من كتر ماقريت هاد الهدرة ماولاتش تاثر فيا ( مع انها صحيحة مي الله غالب ماتاثرش فيا)
المهم انا الحاجة لي نقولهالك وناكد عليها ما تزيديش تقراي جديد ولا درس مثلا مش قرياتو طول تبداي تفهمي فيه وتحلي في التمارين ومانعرف دوك الوقت تاع تثبتي وش كنتي قارية والغلطة انو كيما تقراي جديد ماتلقاي روحك هنا ني لهيك مالا راجعي الوحدات تاعك الحفظ اللي كنتي قارياتو عاوديه وماتقتلي روحك ماوالو باسكو حطي في راسك انو الباك موراااال ساعات والله حاجة جامي قريتيها مي كي تكوني رايحة تشرحي من عندك و تخرجي ذكاذك والله تجيليها
وثاني حاجة ديريها في بالك انو الاغلبية المطلقة هدا ادا ماكانش كامل رانا مش مكملين وناقصينا بزاف حوايج حطي في بالك مكيش وحدك هكا واللي قريتيه هداك هو ماناش حنطلعو صوارخ حنا انا دايما كيما نعود مقلقة ونبكي نقول لماما مازالي ماكملتش وهداك ماما تقلي ادعي ربي والله قادرة تحفظي درس واحد وهداك لي طيحلك المشكل تاعنا انو ماناش ثايقين فربي

ان شاء الله نكون عاونتك ولو بشوي حبيبتي ربي يوفقك ورانا كاااامل هكا هههه انا لولة مالا ماتخافيش وماتقلقيش حنونتي ^^

كلامك صحيح نحن نعاني من فقدان الثقة بالله . فأنا مثلا من خلال تجربتي في الباكالوريا التجريبية كنت اذهب فقط لارضاء امي التي كانت تلح على ذهابي ذهبت بنفسية محطمة حتى الدروس لي كنت حافظتهم كنت شاكة في حفظهم و ماشي مثبتتهم مي سبحان الله موضوع نقدر نجيب فيه حتى 18 بكل سهولة لكن انا برمجت عقلي على اني منيش راح نجاوب وفعلا ما جاوبتش رغم قدرتي على حل الموضوع كاملا والسبب هو شكي في المعلومات التي كانت عالقة بذهني
و عدم ثقتي بالله لكن تاكدي يا صاحبة الموضوع انه ولو كنت حافظة حرف احد راح يجي لانه عندك موضوعين فاحتمال ورود ما راجعتيه كبير جدا

[الحالمّــة]

اختي اسمعيني انا فوت الباك العام الليفات و كانو كاملين مكملين غي انا و كنت شعبة رياضيات الرياضيات ماكنتش قابضتها مليح و مبعد ديت في الباك 18 فيها وديت خير من هادوك اللي كانوا مكملين لا تيأسي اختي
فق توكلي على الله و ثقي به ستقدرين ان تصِلي لهدفك
انا اعرف ذلك الشعور و جربته نوضي اقراي اختي مابقاش قد الليفات
موفقة

[اسراء المعراج]

المشاركة الأصلية كتبت بواسطة et apris

كلامك صحيح نحن نعاني من فقدان الثقة بالله . فأنا مثلا من خلال تجربتي في الباكالوريا التجريبية كنت اذهب فقط لارضاء امي التي كانت تلح على ذهابي ذهبت بنفسية محطمة حتى الدروس لي كنت حافظتهم كنت شاكة في حفظهم و ماشي مثبتتهم مي سبحان الله موضوع نقدر نجيب فيه حتى 18 بكل سهولة لكن انا برمجت عقلي على اني منيش راح نجاوب وفعلا ما جاوبتش رغم قدرتي على حل الموضوع كاملا والسبب هو شكي في المعلومات التي كانت عالقة بذهني
و عدم ثقتي بالله لكن تاكدي يا صاحبة الموضوع انه ولو كنت حافظة حرف احد راح يجي لانه عندك موضوعين فاحتمال ورود ما راجعتيه كبير جدا

صح عندك الحق والله
علابالك وحدة نعرفها فعامها تاع الباك ماقراتش طول عام كومبلي ماكانتش مام با تروح لليسي طول فلخر تاع العام والله العظيم حكمت الكراريس وقبل ما تقرى تدعي ربي تحفظ الحاجة اللي رح تجيها والله من كل مادة حفظت زوج دروس مازادتش سنتيم وراحت نورمال طول مبعد سبحان الله تقريبا المواد كامل جاوها نفس الدروس اللي حفظتهم ماتت بالفرحة ودوك راهي فلافاك نورمال

عندك الحق كي تكون نفسيتك مليحة وثايقة فربي وفروحك كل شي ساهل

[رائدة باخلاقي]

بالتوفيق للجميع

[اسماء عاشقة فلسطين]

المشاركة الأصلية كتبت بواسطة رائدة باخلاقي

بالتوفيق للجميع

شكرااااااااااااااااااا