شكوون الاصح قولولي

[ندوشةة]

سلاام
تعيشووا قولولي شكون الاصح فيما يلي
تعريف الميراث ام علم الميراث
و هل الحقوق المتعلقة بالتركة لازم نقولو ديون عينية و عادية و لا ديون بصفة عامة ؟؟

[marwa rose]

وعليكم السلام
أختي ننصحك تشوفي الفيديو لي دارتو الأستاذة بوسعادي لدرس الميراث راائع راح تفهمي كل شي وتلقاي أجوبة على الأسئلة تاعك
ولكن انا نجاوبك على حسب ما فهمت منها
هي دارت تعريف الميراث ودارت تحت التعريف علم الميراث وقالت فالباك ديروهم في زوج
وبالنسبة للحقوق المتعلقة بالتركة كاين الديون العينية وحدها والديون العادية وحدها
والحقوق المتعلقة بالتركة 5 مع الشرح وهي على الترتيب:
1-الديون العينية 2- مؤن التجهيز 3-الديون العادية 4-الوصية 5-الميراث
ربي يوفقك

[ندوشةة]

شكراا جزييلا لك على الاجابة
لكن انا احترت في التعرييف كي قالنا الاستاذ نعرفووه كمصطلح و ليس كعلم

+++
ايضا قولولي كيفاه نعرف قيمة المسؤولية جاتني صعيييبة

[جوهرة الإيمان31]

قيمة المسؤولية : هي شعور الفرد بأهمية موقعه و دوره في المشاركة و المساهمة في عملية البناء و النهوض بالمجتمع

[rowaida18]

اختي العزيزة
كي يقولك عرفلي الميراث لغة انتقال الشيىئ من شخص لاخر
اصطلاحا انتقال الملكية من الميت لورثته الاحياء
اما ادا قالك علم المواريث هو العلم الذي يعرف به من يرث و من لايرث و مقدار ارث كل وارث و يعرف ب علم الفرائض
هكذا قالتنا الاستاذة

[ندوشةة]

[QUOTE=جوهرة الإيمان31;3997884881]قيمة المسؤولية : هي شعور الفرد بأهمية موقعه و دوره في المشاركة و المساهمة في عملية البناء و النهوض بالمجتمع[/QUOTE]

شكراا ايمان لكن مش قصدي التعرييف
قصدي كيفاه نتعرف عليها فالاية

[rowaida18]

https://www.iasj.net/iasj?func=fulltext&aId=72157
تفهميها من سياق الاية

[~عيون القلب~]

علم الميراث انا نزيدها مع التعريف الاصطلاحي هاك كاتبين فالكراس
و الديون اول مرة نسمع بهذي العينية والعادية مفهمت والو علابالك انا الحقوق المتعلقة بالتركة نكتب : تجهيز - دين - وصية - ميراث هذا ماكان ما نزيد ما نقص

+ ارجووك معرفتش كيفاه نحفظ نتاع القيم جاوني الآثار ياسر كل وحدة وحدها و متشابهين شوية نتي كيفاه درتي معاهم ؟؟

[جوهرة الإيمان31]

شكراا ايمان لكن مش قصدي التعرييف
قصدي كيفاه نتعرف عليها فالاية

العلم لله

[Asma.19]

عيون القلب الاثار احفظي المشتركة بيناتهم زيدي كل قيمة زيدلها اثر ولا زوج مختلف

[ندوشةة]

المشاركة الأصلية كتبت بواسطة ~عيون القلب~

علم الميراث انا نزيدها مع التعريف الاصطلاحي هاك كاتبين فالكراس
و الديون اول مرة نسمع بهذي العينية والعادية مفهمت والو علابالك انا الحقوق المتعلقة بالتركة نكتب : تجهيز - دين - وصية - ميراث هذا ماكان ما نزيد ما نقص

+ ارجووك معرفتش كيفاه نحفظ نتاع القيم جاوني الآثار ياسر كل وحدة وحدها و متشابهين شوية نتي كيفاه درتي معاهم ؟؟

انا حفظتهم مشتركين و زدت عليهم لكل قيمة
تلقايهم في كتاب فوزي غراب

[~عيون القلب~]

جزاكما الله خيرا اسماء و ندوشة سأعمل بنصيحتكما

[oumtamime07]

نسقسيكم حنا في الاختبار لي فات جابلنا الاستاذ مسالة و قالنا رتبو الحقوق درتلو كيما دارت الاستاذة بوسعادي / الديون . مؤن التجهيز . الوصية . الميراث حسبهالي غالطة قالي المؤن هيا لي تجي لولة صح؟؟؟ حرت شكون لي نتبعووو نتمنى تجاوبوني

[* قمر*]

المشاركة الأصلية كتبت بواسطة oumtamime07

نسقسيكم حنا في الاختبار لي فات جابلنا الاستاذ مسالة و قالنا رتبو الحقوق درتلو كيما دارت الاستاذة بوسعادي / الديون . مؤن التجهيز . الوصية . الميراث حسبهالي غالطة قالي المؤن هيا لي تجي لولة صح؟؟؟ حرت شكون لي نتبعووو نتمنى تجاوبوني

انا على حساب بوسعادي ندير الديون العينية - مؤن التجهيز - الديون العادية - تنفيذ الوصايا - الميراث
كفاش دارلكم الحل ?
ممكن المؤن و من بعد الديون و هكذا لانه في الديون نوعين الاولى هي العينية بلاك هو جمعهم في الديون بصفة عامة

[kimjia]

المشاركة الأصلية كتبت بواسطة * قمر*

انا على حساب بوسعادي ندير الديون العينية - مؤن التجهيز - الديون العادية - تنفيذ الوصايا - الميراث
كفاش دارلكم الحل ?
ممكن المؤن و من بعد الديون و هكذا لانه في الديون نوعين الاولى هي العينية بلاك هو جمعهم في الديون بصفة عامة

جابلي ربي مهيش شرط في الترتيب واذا حكمناها بالمنطق نبداو بتجهيز الميت يعني مؤن التجهيز وكي نخلصو من دفنو نفذو الديون سواء نتاع ربي او العباد كي نخلصو نفذو الوصايا كي نخلصو نقسمو المال على الورثة هكذا انا فاهمتها وحافظتها