"◦˚ღ شرح مفصل لدرس الميراث بالدارجة الجزائرية ღ ˚◦"

[〆 بٰٰاولو 乄]

نبداو على بركة الله
1// واش هو الميراث .. الميراث هو دراهم اللي يخليهم الميت .. يتقسموا على الورثة ( لافامي )
صحا ..
2// كاين اسباب الميراث : كاين 3 برك
1- القرابة الحقيقية ( النسبية): يعني فاميلته من الاصل يعني اب ولا ابن ولا اخ الميت.
2- القرابة السببية : يعني من غير الاصليين في العائلة ..يعني من الزواج الصحيح
سواءا كانت الزوجة في عصمة الزوج او مطلقة طلااقا رجعيا ( يعني كون مازالها مرته .. او مطلقها طلااق 1 ولا 2)
3- الولاء : ( العتق) يعني واحد غني عنده عبد يخدم عنده.. وأعتقه قبل مماته (يعني سرحه من الخدمة)
هنا الغني يورث العبد نتاعه (اذا ماكانش عنده ولد أو حفيد )
3// موانع الميراث ( الصوالح اللي ماتخليش الواحد يورث )
عددها 7 مجموعة في كلمة ( عش لك رزق )
نبداوهم حرف حرف ونشرحوهم
1- ع :عدم الاستهلاال :
.. يعني امرأة كانت حاملة وراجلها توفى ...كي يخرج هاد المولود يلقاوه ميت يعني مايورثش راه ممنوع من الميراث
... لانو كون خرج حي ومبعد مات .. يأخذ حقه من الميراث .. ومبعد يتم تقسيمه على الورثه نتاعه (الورثة نتاع الرضيع هادا )
2- ش : الشك في السبق :
مثلا هادو زوج كانوا مسافرين في الطائرة أب وإبنه، ، ايا الطائرة هادي طاحت وماتوا وجاوا لغاشي لقاهم ميتين معا بعض وماعرفوش شكون لي مات فيهم الاول ...الوغ ماكانش توارث بيناتهم ..الأب مايورث على الابن والعكس .
3-ل: اللعان:
كي يتلاعن زوج و زوجته، ، يعني يقولها والله انتي لزانية 3مرات
والا العكس كي يموت واحد منهم لا توارث بينهما ..
4-ك : الكفر :
الاب كافر، ، ولده المسلم مايورثش عليه .. والا العكس
5- ر: الرق :
اد الميت عندو عبد ولا جارية ميورثهمش .. اذا لم يعتقهم قبل وفاتهم ( يعني اذا ماسرحهمش من الخدمة)
6-ز: الزنا :
يعني ابن الحرام مايورثش من ابوه.
7-ق:القتل :
يعني ماشي تلعبها خشين ماحبش يموت تروح تقتلوا باش تقسم الورث وتورثه :d
........
صحا درك شروط الميراث : كاين 3 برك
1- وفاة المورث حقيقة او حكما ..
حقيقة ..يعني يموت يحبس قلبه وقاع يتاكدوا // حكما .. يعني يغيب لسنين طويلة .. حتى يحكم القاضي بموته
ويحكم بتقسيم ماله على الورثة
2- تحقق حياة الوارث بعد موت المورث ولو بلحظة حقيقة او حكما
يعني سمعنا بوفاة الاب والابن .. لكن تأكدنا انو الاب مات قبل الابن ..هنا الابن يرث من الاب لانه استوفى الشرط
3- العلم بجهة الارث كالقرابة والزوجية ... الخ
4// الحقوق المتعلقة بالتركة : وهي اللي ينحوها من دراهم الميت قبل مايقسموا الميراث
1- مؤن التجهيز وهي مايلزم الميت من وفاته الي دفنه
2- الديون
3- تنفيذ الوصايا في حدود الثلث ( يعني الدرام اللي وصا الميت باش يعطوهم لكاش واحد بشرط يكونوا ماتعداوش الثلث نتاع دراهمه )
4- الارث .
... اما التقسيم والمسائل سمعت بلي مايطيحوش ونحاوهم من المقرر
لكن انتوما... باش تنحوا الشك باليقين احفضوا الايات نتاع الميراث .. يخلوكم تفهموا مليح ..
ان شاء الله نكون فدتكم .. حاولت ننقص عليكم شوية من الحفظ كي تفهموا هاد الصوالح ماتسحقوش تحفضوا

بون كوغاج

وصح فطوركم