من أخطائنا نتعلم

[امـــة اللـــه]

السلام عليكم ورحمة الله وبركاته
واش أحوالكم؟ سيرتو الجماعة اللي مع باك بلو :d

فتحت هاذ الموضوع خصيصا لأخطاءنا اللي ارتكبناها خاصة فباك بلو سواء من الفهم .التركيز...... وفي جميع المواد
نتبادلو هاذ الأخطاء ونصححوها قبل الباك الرسمي ونستفادو منها مع بعض وكل وين يكثرو الأخطاء ذرك كل وين تقل نسبتهم فالباك ان شاء الله

ان شاء الله نكون خفيفة ظريفة عليكم :d

[Sawsen99]

أنا غلطة درتها العام لي فات فلباك ، دخلت للفزيا خايفة و متأكدة منخدمش لاشتا انا قريتها ، قريت السوجيات هادوك مزروبة و خايفة ميكفينيش الوقت لدرجة تمرين كان فيه دارة كهربائية على جهة Rc و على جهة Rl و مفصولين ، أنا من الزربة متولهتش بلي مفصولين و حسبتها اهتزازات كهربائية يعني RLC رحت طوووول خيرت السوجي لاخر و كان طويل و صعيب و حصلت فيه عكس هذاك لي ساهل ، لبارح برك و انا نحل فيه و صححت لروحي جبت 18 فيه ، لذلك نصيحة من أخت ، كي صح تدخل تفوت أنسى كلش أنسى الخوف انسى التوتر و تعامل غير مع سوجي لي قدامك ، ركّز مليح و مد ڨاع واش عندك و مضيعش وقتك و كل تمرين و كل سؤال أعطيه حقو

[امـــة اللـــه]

المشاركة الأصلية كتبت بواسطة sawsen99

أنا غلطة درتها العام لي فات فلباك ، دخلت للفزيا خايفة و متأكدة منخدمش لاشتا انا قريتها ، قريت السوجيات هادوك مزروبة و خايفة ميكفينيش الوقت لدرجة تمرين كان فيه دارة كهربائية على جهة rc و على جهة rl و مفصولين ، أنا من الزربة متولهتش بلي مفصولين و حسبتها اهتزازات كهربائية يعني rlc رحت طوووول خيرت السوجي لاخر و كان طويل و صعيب و حصلت فيه عكس هذاك لي ساهل ، لبارح برك و انا نحل فيه و صححت لروحي جبت 18 فيه ،
اي التوتر هذا قضا علينا حتى أنا ديما هو سبابي فالماط
الحمد لله عرفتي غلطتك وان شاء الله ماتزيديش تعاوديها ونعتبرو منها
الماط والفيزياء بالذات مايحتاجوش الخوف اذا فات خاف فيهم العبد صايي عليه ربي يقوينا ويثبت العقل

لذلك نصيحة من أخت ، كي صح تدخل تفوت أنسى كلش أنسى الخوف انسى التوتر و تعامل غير مع سوجي لي قدامك ، ركّز مليح و مد ڨاع واش عندك و مضيعش وقتك و كل تمرين و كل سؤال أعطيه حقو

صح أكبر عائق هو العامل النفسي
كي نتجاوزوه كلش يسهال باذن الله
نظن الحل تاعو هو حل المواضيع (اختبارات شاملة ) وبالتوقيت فالدار باه كي ندخلو للاختبار نلقاو رواحنا نجاوبو آليا نحسبو رواحنا فالدار :d

بارك الله فيك أختي على الافادة
موفقة

[minani123]

خطأي في الشريعة انو ماحفظتهاش مليح ومارفيزيتش وخطأ ثاني في الرياضيات هي انو اي حاجة صحيحة نشك فيها نمحيها وندير في بلاصتها حاجة غالطة اشكاليتي هي عدم التركيز

[رانية ة]

صح أكبر عائق هو العامل النفسي
كي نتجاوزوه كلش يسهال باذن الله

زايد واحد هذا هو المشكل
+ خاصة كي تحل سوجي طاح في باك ومتتوفقش فيه

[layanedz]

صديقتي عزيزتي ارواحي نقلك؟
انا عندي نفس التجربة مع الاخت سوسن لي قاتلك توترت ووو ماما انا لفيزيك علامتي كانت فيها 6 ايماجيني 6 فلباك وكي فالدار حليتو نلقا 18/!!!!! علاش مثلا علاش؟؟ كلو خوف والله.ـ..مانيش ضعيفة في المادة رغم ذلك شفتي !!
من الاخطاء لي فاتت عليا هيا انو كي تحطلي السوجي تخلطلي نمط النص ومثبتش روحي لازم تفهمي مليح المؤشرات تاع كل نمط..،، لازم تشفاي على مواقع الجمل لي لها محل ولي ممحلهاش من الاعراب ،،هادي بخصوص الادب
بخصوص المواد العلمية مااااط سوغتو***نصيحة حطي راسك فورقتك كل دقيقة من ذهب راح تحسي 4 سوايع ونص فاتت في 10 دقايق ـــــ المااات اسهل حاجة سوغتو تمرين الدوال لوكان نركزوو فيه،، الاعداد والحساب.. كل سؤال فيها مرتبط باللي قبلو فعلا فعلا..الاحتمالات حطي برك متخافي موالو متتردي آآكي صحيحة ههه وجاوبي بذكاااء ..مخرجتلكش النهاية تاع الدالة؟ استنتجيها من جدول التغيرات...مخرجولكش حلول في الاعداد المركبة حطي تاع السؤال لي بعدهم رح يمدهملك تما تأكدي،، الشريعة ركزي على الفصل التالت شويااا بيسك تبانلي فيه هاد العام تاع المعاملات والربا والميراث والشركة وكلش واحفظي الاحاديث وتعريف كل راوي داخلين هاذوو والله ولي التوفيق عزيزتي

[المداينية26]

سلام... انا السمانة جاية نعقب ان شاء الله.. راني نبروفيتي في هذا السمانة نريفيزي و نحفظ زعما ههه اااه لاشارج كبيرة عليا..
أمة الله حطيلنا موضوع رياضيات الله يحفظك

[انفال19]

مام انا حتان 19 ماي ربي يكون معاكم انشاء نعم من اخطاء نتعلم

[~عيون القلب~]

جزاك الله خيرا على الموضوع
فكرة رائعة
متنساوش تقولولنا اخطاءكم في المراجعة للـ BAC Blanc

[اميمة 64]

سلام

أنا مزال مفوت الباك بلو
ولكن كنلاحظ نفسي في الدار كنستعجل بزززاف في التمارين

هي نعرفهاديك العفسة ولكن دائما المورال طايح


وربي يجيب لينا الخير ان شاء الله

[Nihaad nihaal]

المشاركة الأصلية كتبت بواسطة اميمة 64

سلام

أنا مزال مفوت الباك بلو
ولكن كنلاحظ نفسي في الدار كنستعجل بزززاف في التمارين

هي نعرفهاديك العفسة ولكن دائما المورال طايح


وربي يجيب لينا الخير ان شاء الله

mama ana nafs prblm ta3k

[اميمة 64]

وي حبيبة ربي يجيب الخير ^^

[Nihaad nihaal]

nch rabi mafih ghir lkhir

[امـــة اللـــه]

خطأئي فالرياضيات
كارثة تمرين الاحتمالات قاللنا على التوالي دون ارجاع وأنا ماركزتش فهمتها مع الارجاع
يعني بدل مانحل ترتيبة حليتو قائمة وزيد القائمة مانيش متمكنة منها يعني تعبت فالحل وطولت مي جاء صحيح على اساس قائمة
وفاللخر انا خرجت لقيت الغاشي يقول ترتيبة 4نقاط ضاعو باطل بلا ماننساو الوقت اللي راح فيه

يعني السبب كامل قلة التركيز وعدم قراءة نص التمرين جيدا
حذآر تعاودو غلطتي

[امـــة اللـــه]

المشاركة الأصلية كتبت بواسطة minani123

خطأي في الشريعة انو ماحفظتهاش مليح ومارفيزيتش وخطأ ثاني في الرياضيات هي انو اي حاجة صحيحة نشك فيها نمحيها وندير في بلاصتها حاجة غالطة اشكاليتي هي عدم التركيز

المشاركة الأصلية كتبت بواسطة المداينية26

سلام... انا السمانة جاية نعقب ان شاء الله.. راني نبروفيتي في هذا السمانة نريفيزي و نحفظ زعما ههه اااه لاشارج كبيرة عليا..
أمة الله حطيلنا موضوع رياضيات الله يحفظك

المشاركة الأصلية كتبت بواسطة انفال19

مام انا حتان 19 ماي ربي يكون معاكم انشاء نعم من اخطاء نتعلم

المشاركة الأصلية كتبت بواسطة ~عيون القلب~

جزاك الله خيرا على الموضوع
فكرة رائعة
متنساوش تقولولنا اخطاءكم في المراجعة للـ bac blanc

المشاركة الأصلية كتبت بواسطة اميمة 64

سلام

أنا مزال مفوت الباك بلو
ولكن كنلاحظ نفسي في الدار كنستعجل بزززاف في التمارين

هي نعرفهاديك العفسة ولكن دائما المورال طايح


وربي يجيب لينا الخير ان شاء الله

نوصيكم حاجة غير ابداو تنقصو من الضغط اللي عليكم خاصة الحفظ
حذار تقولو نقراو ليلة الرعد والله ماتكفيكم
بدل ما الناس يرقدو ويرتاحو فهاذاك الوقت انتوما تسهرو فالليل وفالنهار يتحط قدامكم السوجي وزيد الكالم والله يجيكم النعاس ماتقدروش حتى تركزو
اذا عليكم الايام هاذو تستغلوهم ماضيعوهمش خلاص ومن بعد سمانة الامتحانات ترتاحو
هذه غلطتى ماقبل الامتحانات
بالتوفيق