أنت لها ، و ما بقي على الملحمة إلا القليل ! ؛، (تحفيز لك يا محارب!)

[الإسكندر الأكبر]

اقترب يوم الملحمة ، و اليوم الموعود الذي ستتوجون فيه كمحاربين حقيقيين للاهدافهم ، لطموحاتهم و احلامهم ، ، اليوم الذي ترد فيه دين من انتظروك و أملوا فيك ، و اعتبروك كالشعلة التي ترد اليهم الروح من جديد ، ارجوك ، لم يبق الكثير على الملحمة ، متستسلمش ، لا تفكر كثيرا ، لا تفكر فقط هز الحاجة اللي راي مخوفاتك بزاف ، راك خايف من رسومات المناعة ، روح اجبد اضرب طلة ، خايف من خرائط الجغرافيا ، علقها في لحيط اللي توالك و دع عقلك الباطن (اللاوعي يقوم بالباقي) ، متعرفش تمثل منحنى و دير سلم مناسب ، حوس على تمارين تاعوا و حلها ، متعرفش المناقشة معليش ، اسرقلها نهار دير قعدة مع الاستاذ نور الدين ورقة و سبال ، و دعه يقوم بكل العمل فقط اعطه تركيزك ! ، علابالي تحوسني نحكيلك على محاربين قبلك بلي من 10 طلعوا ل 17 و ممكن جدا 18 ، في البكالوريا !! و ماراحش نكون صادق معاك اذا قتلك مكانش ، موجودين ! ، و نعرفهم ، ! لكن نحوسك نتا تكون واحد من هاذ المحاربين ! ، متفشلش ! بقا شهر ! هاذ الشهر فليكن اجمل شهر مر حتى الآن منذ بدايتك على هذا الكوكب ! فليكن اجمل و اروع شهر لك منذ 17 عشر عاما ! ، مكش حافظ صدقني غير تقدر تحفظ! و كلش ثاني ، ! انا اعرف ، صديقي صدقني اعرف ، تلك العلوم التي تزن جبال الانديز او اكثر ! ، خايف تغلط في جدول الاشارة ! خايف تنسى متحولش من اللتر للمتر مكعب في الناقلية ! ، خايف تنسى التزايد المقارن في النهايات ! ، خايف تخلط بين تواريخ الثورة ! خاف تخلط بين الاستعارة و المجاز ! خايف تخلط بين التنانين و النمور الاسيوية في لخريطة ! ، خايف متعرفش دير فرضيات في العلوم ! ، خايف من النص العلمي ... صدقني اعرف ، لكن العامل الرائع في كل هذا ، انه لن يكون مفاجئا ! انت تعرف موعد الملحمة ! ، انت تعرف ما ينقصك ! انت تعرف كيف ، من اين ، و كيف تتقنه و تجده ! لكن ما لا تعرفه هو متى ،. انا اقول لك :



. الآن !




https://www.djelfa.info/vb/showthread.php?t=2176814

https://www.djelfa.info/vb/showthread.php?t=2159033

[الحالمّــة]

جزاك الله كل خير
ربي يوفقك 👏 المشكل انو انا مترشحة حرة و حاسة بلي الباك صايي جبتو و قلبي برد

[〆 بٰٰاولو 乄]

المشاركة الأصلية كتبت بواسطة الحالمّــة

جزاك الله كل خير
ربي يوفقك 👏 المشكل انو انا مترشحة حرة و حاسة بلي الباك صايي جبتو و قلبي برد

نفس الشعور

[* قمر*]

هه سبحان الله مام انا حاسة روحي صاي الباك جايباتوا ~!

[فاطمة فاطمة 123]

هههههه قاععع رانا هااك مي نساااو لباك لول ديروو في بالكم لوكان ما تجيبوهش ما ديروا حتى تخصص لاني باك لول ما ييقدر يديرلنا والوا تفكرررر وخلاص هههه

[~عيون القلب~]

اشتقت لمواضيعك الحربية ههه
لم اقرأ الموضوع بعد قلت نرد قبل ^^ سوف افعل الآن

[الحالمّــة]

اذا عمت خفت هههههه

[ورد الاوليف]

المشاركة الأصلية كتبت بواسطة ☚ ۶إآشُق ❦ إآلُفَقرٍإآء >‿♥

نفس الشعور

انا ايضا والله نفس شعوركم ضاع مني الحاااااافز

[~عيون القلب~]

يعني راكم تقولو بلي لباك رايح يجيكم ساهل نتاع اطفال ههه اذن فجرو الباكالوريا باستطاعاتكم وفقكم الله

[malak.math]

نفس الشعورمترشحة حرة
واشعر كانني نسيت كل ما درسته

خاصة التاريخ و الجغرافيا هاجسي الاكبر


كما قال فرح زمان رتاب its not over until i win

good luck for everyone

[الإسكندر الأكبر]

المشاركة الأصلية كتبت بواسطة ~عيون القلب~

اشتقت لمواضيعك الحربية ههه
لم اقرأ الموضوع بعد قلت نرد قبل ^^ سوف افعل الآن

شكرا لك ،. يشرفني قراءة هذا

[Nihaad nihaal]

oui c vrai ala a9al ala jal farhet waldina

[Sawsen99]

المشاركة الأصلية كتبت بواسطة ☚ ۶إآشُق ❦ إآلُفَقرٍإآء >‿♥

نفس الشعور

أنا راني نفوت فيه للمرة الثالثة و عندي 2 باك ، و معنديش الشعور تاعكم هذا -_-
مدامك نتا ولا نتي عاودتي الباك صافي الأول هذاك صايي أنسايه بيسك كون جا عاجبك و مقنعك كون معاودتش الباك ، متنساش الحلم تاعك و الهذف تاعك ، حطو بين عينيك و مشي حتا توصلو و جامي تفقد الأمل بيسك ماشي حاجة صعيبة .. وعلاش هادوك لي جابو خير منك ؟ عندهم عقل زايد عليك ؟ لالا كل كيف كيف ، مي كل واحد واش كتبلو ربي فدنيا هادي ، كاين لي تلعبتلو مقراش و كاين لي قرا شوي برك و كاين لي قرا و تعب و مع الأسف مجابش كاين لي عندو ظروف مخلاتوش يقرا و كاين لي مرض هداك نهار و كاين لي خاف مقدرش يجاوب و توتر و كاين و كاين و كاين و هادي كااامل مكاتيب ، نتا ولا نتي أقراي و أتعبي و كوني على ثقة و على يقين بلي ربي سبحانو جااامي يضيع تعب تاع واحد ... جاي رمضان و جاية فرصة كبيييرة بزاف لإستجابة الدعاء ، متقولش راني نقرا معنديش الوقت باش نقرا قرآن ولا باش نعبد ربي ... نو سبحانو ربي راه يباركلك فالوقت هذاك لاشتا ربع ساعة ، تحرى وقت استجابة الدعاء و تضرع و اشكي لربك و ابكي و أطلب توفيقه سبحانه و تعالى و أدرس بنية خالصة لله عز و جل ولا تضع وقتك ... لم يبقى الكثير و تصل و تحقق هذفك و سينسيك كل التعب الذي مضى ..... فقط تذكر الهذف و استعن بالله و إبدأ من جديد ...... بالتوفيق للجميع

[امـــة اللـــه]

بارك الله فيك تحفيز رآئع ...
أنت لها