––––•(-• * نصائح للدراسة في رمضان 👍🏼 * •-)•––––

[〆 بٰٰاولو 乄]

راها توصلني بزااااف أسئلة على المراجعة في رمضان🌛 خاطرش قبل كنتوا تكملوا قبل الشهر الفضيل و هذه أول تجربة تاع الدراسة📚 في رمضان و مع امتحان الباك
البعض يقولوا مستحييل❌ الدراسة في رمضان ووو خاطرش حنا والفنا و اعتدنا ما نقروش فيه تسما يروح غير نوم 😴و راحة و دردشة🗣 .
* أولا نحكيلكم على إيجابيات الدراسة ✔ في الشهر المبارك إذا نويتوا المراجعة بلي باغيين تطلبوا العلم غادي تدوا أجر عليها🙏 ، و حاجة مهمة لي هي تضييع وقت اقل ⏰ كي نكونوا فالفطر وين ما تكره تروح دير دورة كاش ما تاكل 🍜اما كي تكون صايم ما عندكش خيار غير انك تنشغل بالدراسة و فقط✏ ، من ناحية التركيز كي تكون فاطر يكون عمل مخك موزع بين العقل و المعدة 😥 أما كي تكون صايم فالطاقة تروح للعقل فقط👍 و هذا غادي يساعدك بزاااف فالمراجعة و أيضا رمضان راه فرصة للدعاء 🙏 لما تصعب عليك حاجة ما عليك غير الدعاء .
* ثانيا لازم دير تحضيرات و استعدادات💪 قبل رمضان لازملك تقرا المواد الصعبة 😣و لي راك متخوف منها و ما تنساش دير ملخصات راها تساعدك من بعد بزاااف ، لازم تاني تتهيأ نفسيا باش تقرا و تراجع ✏و رمضان ما راهش للراحة و الرقاد 😴تفكر غير هادوك لي يخدموا برا فالشمس☉ و هوما صايمين ياك ، خفف غييير بالشوية المنبهات مثل قهوة ☕باش ما ينصدمش جسمك بالتغيير المفاجئ😯
* نروحوا للمراجعة :دير جدول و وزع فيه المهام 📃على حساب ظروفك (دروس خصوصية....) و ما تنساش تستغل فترة بعد الإفطار و بعد السحور لأنها الفترات لي تكون فيها في حالة نشاط أعظمية 💪 قم بدراسة الصعب أولا ، كيفاش تفيق و تبعد الخمول ؟؟ كي تعطش ولا تحس بالنعاس😪 ادي دوش خفيف 🚿 ولا غسل وجهك بالماء البارد ، اياكم و التلفاز 📺 راه يضيعلكم الوقت و ما تنسوش برامج رمضان تتعاود بعد العيد أما الوقت كي يروح 😷🤒🤕 . آخر حاجة ولي لازم نبدا بيها هي اللولة ما تخلوش المراجعة تلهيكم عن العبادات و قراءة القرآن (بعد كل صلاة 4 صفحات ياك ما تكلفكش بزااف وقت) و تاني الدعاء و الاستغفار . اللهم بلغنا رمضان لا فاقدين ولا مفقودين
دعواتكم 😘

[minani123]

موضوع رائع وافكار مليحة انازعما قلت نقرا في الليل وحطيت برنامج قلت نقرا في اليوم 6 ساعات لمدة 30 يوم في رايك تكفي ولا لا نبدا نقرا على 10 ليلا و نحبس على 4 صباحا ونرقد نوض على 12 ونروح للدروس الخصوصية لي عندي وحطيت تحديات لي لازم نكملهم في رمضان

[Hou Da Lar]

مرسي ميدو
نصائح في القمة ����

[بـــيِسَة]

سلام



شكرا ميدووو روعة
مام انا نستفاد منهم ان شاء الله

رمضان كريم لكل الامة الاسلامية

بالتوفيق / تحياتي .

[moussa15]

سلام
شكرا ميدوا ... موضوع في القمة ✌✌

[Aya Ya]

بارك الله فيك ، ههههه فكرتني فيامات لعام اللي فات ،*
على كل ،، نسقسيك مازال تعاود لباك ليبر هدا لعام ؟؟ وآسك راك تقرا فالجامعة + باراميديكال + باك ليبر فنفس الوقت ؟ وهل انت موفق بينهم ؟!*
شكرا ؛) وربي يوفقك