ياااااا جمااعة

[بشرى.22]

السلام عليكم




من فضلكم ...الي راهم دايرين فقرات في الانجليزية يبعثولي



ربي ينجحكم ويحققلكم امانيكم

[بشرى.22]

.................................................. ......

[الملآذ]

السلام عليكم ..
لن يساعدك احد لان الفقرات هو ملك شخصي...
مزال الحال ديريهم وحدك بمساعدة استاذتك....
ولا تنتظري احدا..
واذا حبيتي نساعدك نساعدك.. في كيفية الانجاز وليس في فحوى الانجاز

[layanedz]

السلا عليكم
ملخص-مواضيع-التعبير-الكتابي-في-بكالوريا-اللغة-الإنجليزية
https://up./downloadf-1180txo8t1-pdf.html
الأسئلة-النموذجية-في-اختبار-بكالوريا-اللغة-الإنجليزية-مترجمة-للعربية
https://up./downloadf-1180wu7pe1-pdf.html
أفضل-ملخص-في-اللغة-الانجليزية-للبكالوريا
https://up./downloadf-1180qevb71-pdf.html

ملاحظة/: كاين فقرات خاصين بالشعب الأدبية تولهي للعناوين آو مدايرلك العناوين الخاصين بكل شعبة هي ليست فقرات مفصلة ولكن افكار لكل فقرة يعني مجرد تركبيهم مع اداوت الربط شاهدي فيديووات حول هذا..
أيضــآ هذا اقتباس رائع جدا ومفيد لاحدى الأخوات حفظهــآ الله التي قامت بنصحي فيمــآ يخص بتحرير فقرة أنظري:
لا داعي لكل هذا الخوف فيما يتعلق بالفقرة
أولا فهم عماذا ستتحدثين يعني الموضوع
المنهجية نفسها مع باقي اللغات ، مقدمة ، عرض و خاتمة
بعدها تكتبي سطرين مقدمة .. تعريف مثلا للموضوع أو الظاهرة و اذا كان موضوع فيه إبداء رأي تحطي رأيك
العرض يكون توسع في المقدمة مع احترام الموضوع
حسب ما طُلب منكم سواء فوائد و لا أسباب و لا نتائج ظاهرة ما أو حجج عن رأيك اللي كان في المقدمة
- خلي الجمل تكون قصيرة و ديما تبدأ بـ majuscule و تخلاص بنقطة -
يكون فيها الفاعل و الفعل و المفعول به نقطة انتهت الجملة و تبداي جملة أخرى
و اذا وظفتي مثال على كاش عفسة تقدري ديريه بين قوسين و لا ديري نقطتين و اكتبيه و لا ايضا تكتبي as و لا like بعدها المثال
دون الخروج عن الموضوع
الخاتمة تكون ملخص لما سبق ، سطر أو سطرين فقط
تقدر تكون نتيجة ختامية ايضا أو نصيحة حسب الموضوع
و طريقة عرض الفقرة تكون في فقرات أكيد حسب الأفكار
المقدمة وحدها و العرض يكون في فقرتين أو ثلاثة حسب العناصر و الخاتمة وحدها
ثاني عندي إضافة فيما يخص التقديم
بين فقرة و فقرة خلي سطر أو سطرين
باش تجي واضحة و يظهروا الفقرات
ماتنسايش البياض في بداية كل فقرة أكيد
و حاولي الأسطر تاع الموضوع ككل تكون تخلاص في نفس النقطة
رح يعطي جمالية للفقرة تاعك ( إن شاء الله تكوني فهمتيني )
و مقروئية الخط و وضوحه هذي باينة
نزيدلك حاجة
إذا كانت الفقرة خطاب " خطبة " البداية ديما بنداء و تكون الكلمات و الجمل اللي فيها تحفيزية و تخلي السامع ( الخطبة تكون مسموعة ) يكمل يسمع و في النهاية تشكريهم على حسن الإصغاء و تكمليها بنصيحة و لا تمني
حسب الموضوع المعالج
و إذا كانت حوار لازم التقيد بعلامات الوقف الخاصة بالحوار
بحيث يكون منسجم و أفكار متسلسلة
و في كل مرة تكتبي المتحدث بعدها نقطتين و القول تاعو ، البداية ديما بـ majuscule
و ديري في بالك ديما بلي الفايدة في النوع ماشي في الكم
المهم المضمون و الافكار اللي فيه


موفقة أخيتي + دعوآتكـ لأنني في أمس الحــآجة اليها ^^