╣◄الخطة /// آخر فرصة باه تجيب الباك /// السحرية

عشريني متمرد · 2019-03-30, 19:46

الخطة السحرية باش تنوض صباح + باش تدي الباك avec mention في شهرين
انا جبتلكم الحل اول حاجة لازم 10 11 ترقد ماتفوتش 12 و قبل ماترقد ريڨلي alarme تاعك و زيد volume و حط التيليفون بعييييد عليك باش كي يصوني صباح لازم تنوض من بلاصتك باش تطفيه و كي تنوض ديركت روح اشعل الضو باش ينفتحو عينيك و امبعد كيما راك واقف اضربها بجرية في بلاصتك 🏃 هههه بصحتكم هاكم فطنتو 😂😂
امبعد تروحو تتوضاو تصلو و تبداو تحفظو ايه و باينة بلي كامل راكم حاصلين مع التاريخ و الجغرافيا و كامل تسقسو اذا تحفظو من الكراس ولا محمودي عادل ولا الوجيز
انا نقلكم جيبو أوراق بيضاء و جيبو الكراس و الكتب الخارجية و تركبوهم مع بعض و تخيرو الجمل الساهلة مشي هدوك الكلمات يلي يتبخرو مع المات و الفيزيك منا لجوان 😥 ايه و في كل عنصر خيرو 4 رؤوس اقلام مشي 7 و 8 و خيروهم شابين باسكو في الباك يطلبو 3 و انت احفظ 4 في التاريخ و الجغرافيا و اسلامية يطلبو 4 و انت احفظ 5 و الله اخدمو ملخصاتكم بيديكم و انتوما باش تدخل طايرة في الراس و لازم واش تحفظو يتعاود قبل 24 ساعة علميا قالك تتثبت المعلومة و ماتبقاوش مهبلينا بالمواضيع مازلت مابديتش نحفظ يكفيني الوقت 😭 يا ودي دير واش قتلك منا للباك كل يوم صباح ساعتين ولا ثلاثة و اذا ماكفاكش الوقت دك نعطيلكم دارنا تجو تعرشولي في جوان
ايه و زيد اقرا 3 ساعات لكل مادة اساسية في اليوم
مثلا (ماتيلام 3 ساعات مات و 3 فيزياء) (ماتيكنيك 2مات 2 فيزياء و 2 سبيسياليتي) (سيونتيفيك 2 مات و 2 فيزيك و 2 علوم) (الشعب الاخرى ماعلاباليش كيفاش تقراو قسمو كيما قسمت انا) و ماتنساوش تقراو ساعتين كاش لغة كل يوم
و نعاود نقلكم ماتهبلوناش بالمواضيع تاع نبدا ولا راح الحال 😕
ديرو واش قتلكم و اذا ماديتوش الباك كيما راكم حابين قتلكم ناعطيكم الباب تاع الدار تجو ليا في جويلية 😂👊😅
اتعبو شهرين و ماتزيدوش تتعبو عام
ايييه و الفيسبوك دك ديزاكتيفوه كامل يتنحاو ڨاااع و افتحو فيسبوك جديد مافيه حتى واحد و تروحو تبعو ليباج تاع الاساتذة كيما المات اكتبو في روشارش math يخرجولكم ليباج و مشي ليڨروب فيهم غير الهدرة الزايدة ماتحوسش على يلي يفهمك انت شوف الحل و افهم وحدك كاين بزاف ليباج يلي فيهم مقترحات بالحل و فيزياء كاين صفحة اسمها تأشيرة النجاح في العلوم الفيزيائية و علوم بوريش
مابقاش بزاف ادعولي في طريقكم و ربي ينجحكم

منقول

صمود خديجة · 2019-03-30, 19:55

شكراااااا لك
بارك الله فيييك
هههه مي قلت نقرا 2 علوم 2 فيزياء و 2 مات بالنسبة لايام الدراسة ليس في العطلة
ونخلي مادة حفظ للصباح
مايبقاليش الوقت باش نقرا مادة ادبية )(عربية فرنسية انجليزية )
؟؟؟؟؟

levi · 2019-03-30, 20:15

برنامج محكم مي ليكووور وين ؟ ديجا الثلاثاء نقرا من 8 الى 12 رياضيات ومن 12.30 لل 4 فيزياء مخك يحبس

انسام الريح · 2019-03-30, 21:05

ان شاء الله تنفع

I'm a girl · 2019-03-30, 21:11

رااائع بارك الله فييييك

اسراء المعراج · 2019-03-30, 21:55

ههه هايل صح

مي في العناصر ما نحفضوش 4 في الاجتماعيات قالتنا لبروف والله لعام ليفات صحت في الباك في الوصعية نقطولهم على 7 عناصر برك راني نقول باش ما تغلطوش ويروحولكم النقاط فباطل

مرسي خويا ^^

Asma.19 · 2019-03-30, 22:09

الاجتماعيات دائما نحفظ 6 عناصر

اخلاق راقية · 2019-03-31, 00:27

شكرا حسام
بالتوفيق