سؤاال اتمنى الاجابة عنه

[بشرى.22]

السلام عليكم





حبيت نسقسيكم هل يكفي حل 50 تمرين في كل وحدة فيزياء والرياضيات وعلوم يعني انا نعتمد في الفيزياء على المغني والهباج والبكالوريات في الفيزياء وتمارين الاستاذ نورالدين والبكالوريات والمراجعة النهائبية في الرياضيات
اما العلوم احمد امين خليفة وبوريش والبكالوريات

يعني نحااول نحل التمارين ذات افكار متنوعة ولكن تمرين يشدني بزااف حوالي 30 د

قولولي على وااش راكم تعتمدوا وشحال من تمرين تحلوه في كل وحدة ولي عندو تمارين متنوعة مايبخلناااش


بالتوفيييق للجميع وفقكم المولى لما يحبه ويرضاه

[صمود خديجة]

سلاااام
بالنسبة ليا
نحل علوم من بوريش فقط
و رياضيات سلاسل مصطفاي
و فيزياء من كتاب المغني
ومع تمارين الدروس الخصوصية
اما بخصوص كم التمارين ،والله لا أدري بالضبط شحال لازم نحلو
الحاجة اللي علابالي بيها مايهمش الكم اللي يهمنا النوع
يعني تمارين تكون متنوعة و شاملة
صراحة مانيش نحل في تمارين بزااااف تقدري تقولي 10 في كل وحدة
ربي يوفقنا جميعا

[Dhiaeddine Ben]

لا يهم الكم بقدر ماتهم النوعية في التمارين
وقت ماحسيتي روحك تمكني فالوحدة ومراهيش تخوفك انتقلي للموالية ومرة على مرة حلي تمرين على الوحدات السابقة
نصيحة: اذا لقيتي فكرة جديدة من الافضل تدوينها في كراس مخصص لهذا الغرض وفي الاخير تراجعيهم
موفقة

[امـــة اللـــه]

سلام
أنا بالنسبة للفيزياء نعتمد على تمارين المغني والدروس الخصوصية أما العدد مايهمنيش قداه نحل بقدر مايهمني واش نستفاد
يعني ماشي تحلي 20 تمرين وتقولي اني حليت وفالاخير يكونو كامل عندهم نفس الفكرة حاولي تشوفي أغلب الافكاراذا ماشي كامل
هذي نصيحتي
بالتوفيق