يكفي الظلم !!

[Histidine~]

السلام عليكم ،
ادري الموضوع ليس بمحله و وقته لكنني كرهت بمعنىى الكلمة
كنت فالسيام عايشة مكرمة مشرفة واحد ما يلحق يغلط معايا و فجأة
و فالليسي الاستاذ اللي يجي يظلمني فالتصحيح حتى فالتغمينال و ما طلقونيش .. الناس قع تختبر مستواها و اانا نلقى النقطة ديالي كيما نتع اسي خونا اللي نهار كامل و هوا يجمع و يزارطي ، ملي طلعت لليسي و انا مانيش الاز ، لا صحابات كي الناس لا عدل كي الناس لا منافسة كي الناس
وشنو هذا حبس !!! و ملخر نصيب المعدل نتاعي نتع الباك ظلم و هاذي حاجة باينة باسكو كي نتظلم فالفصول ما عندي ما نستنا للباك ، و لالا مولاتي اللي نهار كامل و هيا تكونيكتي نلقاها ادايا 17 فالعلوم و الاساتذة قع متشرفين بيها و ما يقدروش يقروا بلا بيها .. حياة تافهة ،، متقولوليش ارضاي بالواقع باسكو من الاول ثانوي و انا راضية على بزاف صوالح املا و تفاؤلا مي خلاص قطعت لياس في قع المجالات نتع وجهي اذا حققت حلمي نحقق العما

[فاصلة]

وتبقى البكالوريا هي الحاسم لا تهتمي بالفصول صحيح أنه عليك اختبار نفسك ولكن كل ذلك من أجل البكالوريا . أنت احرصي على الاجتهاد من باب سيرى الله ورسوله أعمالك وانت تسعين لتحقيق طموحك بأسس خلال فأنت أكيد ستشرفين نفسك وأهلك. وفقك الله

[Histidine~]

شكرا اختي لكن الامر محزن جدا .. سأصبر قليلا عله خير .

[Lasmaa Ya]

كامل كيف كيف*

مرحبا بك في ازكبان*

[Histidine~]

ما مرحبا بيا ما والو



علاش فالسيام جامي نظلمت تالمو مانيش نابغة و ماكنتش كامل نقرا
و فالليسي الاستاذ اللي يجي يكرهني و جامي ننسى ذوك الاساتذة نتع الاولى ثانوي السيونس نظرتها تعكس كل حقدها علي خير ان شاء الله
و الفيزياء لن انسى تلك العبارة الشنيعة :"لو بحثتم على هذه المعلومة لن اعطيكم كل شي" و ذيك المعلومات كانت اساس الدرس كالميل ..الخ و لن انسى ذلك اليوم الذي درست فيه الذكور فقط الميكانيك و لم يفهم ذلك الدرس سوى من كان يتلقى الدروس الخصوصية ، بحجة اننا هربنا من المدرسة ههههه حجة جميلة ،

و استاذة الفرنسية التي كانت تكره حياتها كي تصيبني كتبت فقرة نتع فانتازية استغفر الله على اساس انو الفانتازيا حرام ههه ،
و الثانوية ثانية هردوني قع فالنقاطي و زيد طحت في كلاسة عيانة



،

[Lasmaa Ya]

*على هادي لي قلتلك ازكابان _____ الحبس لي يحطو في داث ايترز في هاري بوتر ______

انا صراتلي كي طلعت لليسي و بعدها وليت نقرا الممواد لي نحبهم برك __ انجليزية ، علوم ، فيزياء ، عربية ____
و هات برك نجيب 11 ولا 12 نطلع العام*
عام الباك الاول ديت معلي الفصلي 6*
عام الباك الثاني الفصل 1 كان المعدل 9 و الثاني 9 اما الفصل الثالث والله ما عفستها لتم*
المهم فالباك واحد ما يكذب عليك*
الاساتذة لي يقريونا ماهمش نيفو كون جاو اساتذة صح كون مانديرو كور ما والو
ما ديريش عليهم و اقراي للباك اوك

[Histidine~]

انا غير طلعت لليسي كرهت كامل القراية ماعدا الانجليزية
الاستاذة علم اخلاق ماشاء الله ، و الباقي حدث و لا حرج ..

[اشعة الشمس]

اهلا صديقتي
في الاول لازم تتفاهمي مع روحك في حاجة، لاه راكي تقراي؟
اسكو باه تكسبي رضا أستاذ ولا محبتو ولا العكس؟
ولا باه تقراي وتنجحي وتوصلي لهدفك
حطي النقاط على الحروف
كاين كثير من الاساتذة ربي يغفرلهم مايتفهموش التلاميذ ويخمو بمنطقهم كأساتذة
اذا قعدت تخمي في الاولى والثانية ثانوي انا ننصحك غير ماكالاه تزيدي تعيي نفسيتك وتكملي تخمي في الباك (المعذرة على الصراحة لكن أحب أن أكون قاسية في هذا الأمر)
لانك اصلا مقدرتيش تتجاوزي العوائق تاع الماضي، وراكي مزلتي تخمي فيهم، فمستحيل توصلي ونتي كل مرة تولي لور
مام سي واش صرالك من قبل يتعاود معاك، بالعكس لازم تكوني اكثر تحملا دركا وبكل روح رياضية
لازم تتوكلي على ربي وتخلصيلو النية وتدعيه ييسرلك امرك ثم اقراي وثقي بنفسك والباقي بحر
الوحيدين لي يستاهلو تخمي فيهم وفي كلامهم والديك برك
نتي الشيء الوحيد لي مطلوب منك تروحي تهزي المعلومة لي تسحقيها وتستغليها في الامتحانات واللهم بارك
الباقي استاذ يكرهك ، يشتيك، يحتارمك، يحقرك ، المهم نتي متهتميش ومن جيهتك كوني ارفع من كل ذلك، اقتليهم بالبارد يعني، نتي عامهليهم باحترام والباقي طيشي عليك
اذا ظلمت في علاماتك فالله لا يضيع أجر العاملين، إلا أن يبتلي ثباتك، نسأل الله ألا يبتلي مجتهدا في هذا الامتحان
تيقني أنك مادمت تجتهدين، وتفهمين دروسك (سواء من القسم أو لدروس الخصوصية أو الأنترنت) فهذا هو الأهم
البكالوريا أول اختبار ثبات يواجهنا كمقبلين على مرحلة الشباب
(اتخذي الأسباب وكأنها كل شيء، ثم توكلي على الله وكأنها لا شيء)
كي تتحط ورقتك ثما يبان اتخاذك للاسباب، وكي تترفع ورقتك للتصحيح الوطني، ثما يبان الصبر الحقيقي والإيمان
وأيما الأجلين قضى الله فذاك خير
المهم نتي امضي وان شاء الله ماتخيبيش
ومتكسريش راسك بالعباد فكسب ودهم غاية لاتدرك، وما لأحد فهم دواخل النفس البشرية إلا خالقها
دمتِ بخير
قفي على ناصية الحلم وقاتلي
وتأكدي ان أكثر ما سيجعلنا نندم ذات يوم هوأننا لم نبذل جهدنا، ولم نتخذ الأسباب التي تؤمن لنا الوصول إلى الهدف

[SELIM2019]

الظلم موجود في كل مكان, اختي انصحكي بتقبل الامر و التفكير في مستقبلك الخاص لا تملئي عقلك بهذه الترهات لانه سوف يؤلمك
ببساطة حنا عدنا باك يعني لوكان حتى واحد يدي 21/20 يوجد باكلوريا الاستاذ مايعرفك ما تعرفيه تما تبان الحقيقة اذن لم القلق؟ شحال مواحد كانو يديو 19 والباك خسروه, مررت بنفس تجربتك كي كنت نقرى فالليسي الله غالب ربي راه يشوف مثلما يوجد ظلم يوجد عدل ولو كان خفيا, حقا, ربي راه يشوف فهميها مليح مليح هاذي
نصيحتي الاخيرة ركزي على الباك تاعك ومعدلات الفصول لم تكن ابدا مقياسا للباكلوريا, ابدا وجامي
ان وجدتي متاعب في المدرسة توقفي عن الذهاب, مارانيش نسةفج فيك ولا هههه لكن ان كانت عندك الدروس ولا الدروس الخصوصية افضل ركزي عليها وعفك من المدرسة قراي بوحد فالدار فالاخير الرابح او الخاسر هو انت فحددي مصيركي
موفقة