كيف أرد عليها؟

[مشكلتي]

السلام عليكم ورحمة الله وبركاته
حبيت نحكي مشكل عويص راني فيه مع مرت اخي
جات مرة عندنا (مش ساكنين معانا كاريين) ؛ هي واخي وأبناءه ،امي لاحظت ملاحظة على بنتو من ناحية النظافة يعني دخلت بنتو للتوالات بلا ما نكمل بنتو عمرها 6سنوات ،المهم امي تكلمت مع مرت اخي وقاتلها يعني بضرافة لازم تعلمو بنتكم وتتلاو فيها ما زالت صغيرة ما تعلمتش ما عجبتهاش مرت أخي الهدرة ورجعت عليها الكلام (يعني حنا لمش نظاف وبنتها انظف منا) المهم أنا ما كنتش حاضرة وكي حكات معايا قاتلي امك واختك صعكوني بلا ما تحكيلي عن حكاية النظافة وواش صرا (ملاحظة ان متأكدة من الحادثة يعني امي مش تكذب و لاتظلم؛ وقداش من مرة حكمت مرت اخي بالكذب)
صراحة انا كلش الا عايلتي ما تأذيهاليش وكي قالت على امي بلي مش نظيفة غاضتني ياسر ،و انا عمبالي بلي رح تزيد تجبد الموضوع ، حبيت نعرف كيفاه نرد عليها إذا عاودت جبتو ونبينلها خاطئها ويعني باه منا وجاي ما تزيدش دير مشكل مع امي ولا تحقرنا بالهدرة
من فضلكم عاونوني ولله ماني حابة المشاكل مع اخي لكن مرتو فاتت الحدود مع انو مش مدخلين فيها نهائيا لحب ديرها ديرها وساكنين وحدهم