إستفسار حول الأمر التنفيذي 09-419

EDM · 2018-10-22, 11:49

قمت بطلب منتوجات مختلفة من بينها جهاز Amazon Echo Spot

جهاز معروف للتحكم بالأجهزة الأخرى عن طريق الصوت مثل التلفاز, المصابيح, تسأل الجهاز ويعطيك إجابات فورية ...

إستلمت باقي المنتوجات و تم حجز الجهاز بحكم أن فيه كاميرة
اليوم ذهبت إلى مصلحة الجمارك بقسنطينة وجدت عاملة سألتها عن الجهاز قالت لي "جهاز نورمال ماهوش تاع حجز لكن المسؤول هو لي حجزو "
المهم طلعت عند المسؤول و في الطريق وجدت شخص يعمل في EMS حذرني من أن أمضي على أي ورقة هههه كأني هارب من العدالة
وصلت عند المسؤول بقيت نشرحلو في الجهاز كيفاه يخدم و الكاميرة ليست للتسجيل فقط للمحادثة
السيد ماحبش يفهم و يعطيني الجهاز قالي "جميع جهاز فيه كاميرة يحجز إلى الهواتف" و قالي جيب هذا الأمر التنفيذي 09-419 من الولاية من عند الأمن و الوقاية
هل أذهب و أحضره
هل ممكن أتعرض لغرامات أو محضر قضائي و يتم إرساله للمحكمة
ممكن أي واحد طلبو منو هذا يفيدنا
هذي حالت لي مايعرفش القانون هههه
أرجو الإفادة

صورة الجهاز

الصورة من FishisFast

trompettiste · 2018-10-23, 12:00

وعليكم السلام

اخي ماشي عيب انك ماتعرفش القانون المشكل في لي راهم حاكمين لي مزالهم في العصر الحجري المهم نتا روح هبطلهم فيديو على Amazon Echo Spot هذا كيفاش يخدم و عاود شوف معا السيد لي سيزاهلك لا مكانش شوف كيفاش دير و تجيب المحضر التنفيذي هذا و ماعندهم مايديرولك لا محضر لا والو المنتج مكش راح ديرو للمراقبة بر ياك راه في وسط داركم

UOCEF · 2018-10-23, 12:24

شوف كاش ما تعرف محامي يساقسيلك عليها قبل ما تجرب

kacimo.samy · 2018-10-23, 19:45

السلام عليكم

بلاد العجب صح

ربي يسهلك خويا

zeroual88 · 2018-10-29, 11:02

أخي حسب القانون الجمركي لا توجد عقوبة السجن أو الغرامة في حالة المظاريف البريدية أطلب بحقك بكل قوة ولا تخف