علاماتكم 👎👍

[صمود خديجة]

السلام علييييكم
نتمنى تكونوا كاااتامل بخير
رانا في فترة الفروض
و الضغوطات .....
قولولي على معناتكم يعني وش هيا المشاكل اللي راكم توجهوها
بالنسبة ليا الفيزيا جاتني صعيبة واعاني من ضيق الوقت والنسيان


وفي الاخير ماهي علاماتكم؟؟؟؟

[Alponlib]

سلام
في ما يخص الفيزياء المعانات و الباس و الارهاق والفشل هم السادة علامة جد كارثية في الفرض الاول
الفلسفة خارج نطاق التغطية
اللغات الاجنبية ضائع وسط الرياح العاتية
المواد المتبقية الحمد لله

[اخلاق راقية]

درنا غير فالعلوم غدا الفيزياء نديروها
وكان صعيب لعلوم شوي
ديت علامة كارثية 10
الله يجيب الخير

[انفال19]

moi f les notes majtch mliih w fiziya mm ana rani n3aniii mn 3ala9at w science f inzimat

[رانية ة]

حنا ليوم كامل مقريناش الاسات\ة مضربين على المراقب العام
والله ماهو وقت الاضراب
الرياضيات راني نحاول معاها
والعلوم الحمد لله والفيزيا لازم صبر
والفلسفة لاحدث ولاحرج
واللغات مطليتش خلاص

+اخلاق راقية ممكن فرضكم

[Histidine~]

السلام عليكم
درنا فرض سيونس معمر حسابات و مخلط قع رايح فيها
و الباقي مازال ما درناش
و انا شكيت بلي راني رحا نهبل قبل الباك بسبب النسيان ><

[الاسكندر الاكبر]

لوكان نقولكم متصدقوش ، في الفيزياء ربعة برك فوق المعدل ، ديت 12

الرياضيات ديت 4 كيما قتلكم جات لينا فجاة هيا نعاودوا الفرض الاول كان ساهل ، قولولي هادي في عقلها درك !

قعت نجري نحوس على الالة الحاسبة ، الاول معلياش فيه ، حسبي الله فقط حسبي الله حسبي الله ،

قلبي محترق محترق محترق ...لطفك يا رحمان لطفك بنا

رغم كل هذا راح جيكم حلوة كيتشوفو رواحكم تتحسنوا على مدار المشوار هكذا خير من انا ضربناها من الاول ب 18 و 19 ، هكذا خير لينا باش نفيقوا معا رواحنا و نتفاداو الاخطاء اللي وقعنا فيها ،

افتخروا و واحد ميحشم عادي كامل مديناش مليح و رانا نحاولو و نتعلمو من اخطائنا متخافوش ، باه نعرفوا مستوانا و نطوروه و نرفعوه و الله غير ما اجمل طعم انك تشوف نفسك تتحسن و تتميز رويدا رويدا

نفضل اني نبكي بحرقة و تدمر الآن خير من اني نبكي بحرقة و ندم و دمار داخلي يوم البكالوريا

معليش ، نعم تحطمنا و تدمرنا بعلاماتنا الكارثية انا لدرجة اني مقدرتش نواجه حصة التصحيح من شدة انهياري ، لكن كما قلت كيفاش راح نتعلموا اذا مغلطناش ، هكذا خير عرفنا نقائصنا و احتياجاتنا

[امـــة اللـــه]

السلام
احنا درنا فرض فالرياضيات اديت 6 صح ماهيش نقطة في مادة معاملها 7وزيد تغيضني كيعاد الفرض تمرين بكالوريا في 45 دقيقة لكن الحمد لله الحمد لله حمدا كثيرا
استقبلت النقطة وانا فرحانة ماشي بمعنى اني نستهان بالمادة لكن والله نفضل النقطة هاذي ذرك خير من عشرين وعلى اللخر فالباك نهبط
المهم نتعلمو من اخطاءنا ونصلحوها
العيب ماشي فالخطأ العيب اانا نعاودوه
وان شاء الله فالباك نديو معدلات تستحق دموع الفرحة
ربي يوفقنا ويعيننا

[bis kou]

السلام عليكم
انا 10في الفيزياء حكمتني عليها وحد القنطة متصدقوش كيفاش نفسيتي تدمرت بالرغم اني خدمت ولكن في الخير نتيجة عكس ما توقعته بل واكثر من ذلك لاحظت كيف انو مستواي نزل وشفت الكثير من زملائي داو كثر مني وراني شاكة كثيييرا في هاذ النقاط لكن قلت معليش نخليها على ربي ونقاوم ونواجه :')
الفلسفة 9 ولحد الان منيش عارفة كيفاه نتعمل معاها
اخواني في هذا المنتدى فلندعو لبعضنا البعض صراحة احس روح التنافس وروح الشجاعة فقط من هنا لانو لم اجد من ينافسني في القسم

بالتوفيق لكم :')

[imi souki]

سلام ...
كالجميع المشكلة الاسطورية هي الفيزياء جبت 9.5 يعني مش حاجة جديدة لانو العام لي فات تحطمت الفيزياء بالنسبة ليا ... العلوم ديت 18 معنديش مشكل معاها اما الرياضيات مازال مادرناش الفرض 1 اجتماعيات 15 و الباقي ربي يستر

[الاسكندر الاكبر]

المشاركة الأصلية كتبت بواسطة bis kou

السلام عليكم
انا 10في الفيزياء حكمتني عليها وحد القنطة متصدقوش كيفاش نفسيتي تدمرت بالرغم اني خدمت ولكن في الخير نتيجة عكس ما توقعته بل واكثر من ذلك لاحظت كيف انو مستواي نزل وشفت الكثير من زملائي داو كثر مني وراني شاكة كثيييرا في هاذ النقاط لكن قلت معليش نخليها على ربي ونقاوم ونواجه :')
الفلسفة 9 ولحد الان منيش عارفة كيفاه نتعمل معاها
اخواني في هذا المنتدى فلندعو لبعضنا البعض صراحة احس روح التنافس وروح الشجاعة فقط من هنا لانو لم اجد من ينافسني في القسم

بالتوفيق لكم :')

لست وحدك اختي و لن تكوني وحدك، كلنا هنا سنساعد بعضنا ، تفكروا في العطلة كيفاه كنا نخططوا و نسالوا في اللي اجتازوا الباك قبلنا ، و كيفاه كنا متحمسين و كيفاه كنا نتناقشوا و موجدين رواحنا للعقبات و التضحيات و و و ..، هيه مخدمناش في الفلاوض هيه نفسياتنا تدمرت و انهارت ، نعم دينا علامات كارثيية كاارثية

و ممبعد ، ما دمنا مستسلمناش فلا زال لديناا أمل بل آمال ، راح ان شاء المولى ، نعودوانحلوا التمارين يوميا و منقراوش برك بمناسبة الفرض ، راح كل يوم تحلوا تمارين علوم و معاهااما رياضيات او فيزياء ، و تنوظوا الصباح تحفظوا ،

نعم للعلامات الكاارثية و نعم و نعم للاستفادة منها و تخطيها ، و السير للقتال الى الامام 😤⚔

[bis kou]

المشاركة الأصلية كتبت بواسطة الاسكندر الاكبر

لست وحدك اختي و لن تكوني وحدك، كلنا هنا سنساعد بعضنا ، تفكروا في العطلة كيفاه كنا نخططوا و نسالوا في اللي اجتازوا الباك قبلنا ، و كيفاه كنا متحمسين و كيفاه كنا نتناقشوا و موجدين رواحنا للعقبات و التضحيات و و و ..، هيه مخدمناش في الفلاوض هيه نفسياتنا تدمرت و انهارت ، نعم دينا علامات كارثيية كاارثية

و ممبعد ، ما دمنا مستسلمناش فلا زال لديناا أمل بل آمال ، راح ان شاء المولى ، نعودوانحلوا التمارين يوميا و منقراوش برك بمناسبة الفرض ، راح كل يوم تحلوا تمارين علوم و معاهااما رياضيات او فيزياء ، و تنوظوا الصباح تحفظوا ،

نعم للعلامات الكاارثية و نعم و نعم للاستفادة منها و تخطيها ، و السير للقتال الى الامام 😤⚔

كيما قلت انا فقط حسيت انو كلام بعض الناس لما قعدو يقولونا انو الي ميخدمش في الفترة الاولى لي هي اقصر فترة كيفاه بالباك حسيت ان الكلام هذا تغلغل في اعماقي لكن بدأت أسترجع انفاسي ولله الحمد ...وفعلا هذا ليس مستوانا
وكيما قلت الصح في الباك وربي معانا

[ندوشةة]

انا كوارث مورالي طااح
فيزياء ديت 14.5
رياضيات 11.5
عربية خدمت 17
العلوم ممدتلناش لكن التمرين الاول الرسم يحمي على الترجمة و النسخ و الناس كل راحو داروه ترجمة فقط و انا منهم دونك تمرين كامل رااح
عقبنا اسلامية خدمت الحمد لله
ربي يوفقنا برك فالباك

[صمود خديجة]

ربي يصبرناااا

[~عيون القلب~]

كواارث مع الاسف
اولهم الفيزياء اللي منحبش نتفكر علامتها الدنيئة
والعلوم مخدمتش تاني
ومزااااال مزاااااااااااال