يا جماعة واش درتو فيها في الفيزياء 😪☄

[الاسكندر الاكبر]

سلام على المحاربين ، واش حوالكم مع تي لنصف و البرهان على العلاقات يخي لاباس

[racim zennadi]

تعودت على العلاقات ....... درك راني مع البكالوريات الخاصة بالوحدة 1

[* أسيرة الصمت *]

و عليكم السلام , نقولو الحمد الله لاازم الاكثار من حل التمارين للفهم اكثر لأنو كل ما رانا تقدموا فالدروس تزيد الصعوبة نوعا ما و ربي يوفق كااامل المحاربين

[yousra.dz]

مازالني حاصلا معاهم والله حانهبل

[الاسكندر الاكبر]

المشاركة الأصلية كتبت بواسطة yousra.dz

مازالني حاصلا معاهم والله حانهبل

اخير احدهم سيجن مثلي ، من الاولى و حنا عمرنا لابرهنا على علاقة ، هاد العام هو الوحيد اللي سمعت بحاجة اسمها بين ان و اثبت ان و برهن على هذه العلاقة ، و المشكلة انو استاذنا يمدلنا غير في التمارين اللي هو اعترف انهم صعاب و قاعد غير يتحدى فينا نتحداكم الا عرفتو تحلو سؤال و نتحدى واحد فيكم يجيب فوق العشرة في الفروض و.... حسبي الله فقط

[Histidine~]

Really ? جامي برهنتوا علاقة ؟ حنا الشيخة نتع العام الليفات كانت تضلي تبرهن فالعلاقات و حابة نتعلموها
و حنا كنا ما نفهموا فيها والو ... و ضرك رحا نسيي نديرهم وحدي

[yousra.dz]

والله نفس المشكل اخي ملي طلعت للثانوية وهما اساتدة جدد جامي برهنولنا على علاقة
وهاد العام كي كاحتلنا استادة عندها خبرة ونيفو تاعها طالع رانا حاصلين معاها
والله مالقيت وش ندير التمرين لي نلقاه مانعرف نحلو

[Noor Mi]

الحمد لله انهيت شبح الوحدتين الاولى و الثانية هدفي هو الثالثة و الرابعة اي استفسار انا هنا موفقين

[الاسكندر الاكبر]

المشاركة الأصلية كتبت بواسطة otaku chan

really ? جامي برهنتوا علاقة ؟ حنا الشيخة نتع العام الليفات كانت تضلي تبرهن فالعلاقات و حابة نتعلموها
و حنا كنا ما نفهموا فيها والو ... و ضرك رحا نسيي نديرهم وحدي

الاستاذ تاع العام اللي فات كان اول عام ليها تقري ، ماكانتش تسمعنا بالبرهان و... طول كان كلش تطبيق عددي للاسف

[الاسكندر الاكبر]

المشاركة الأصلية كتبت بواسطة yousra.dz

والله نفس المشكل اخي ملي طلعت للثانوية وهما اساتدة جدد جامي برهنولنا على علاقة
وهاد العام كي كاحتلنا استادة عندها خبرة ونيفو تاعها طالع رانا حاصلين معاها
والله مالقيت وش ندير التمرين لي نلقاه مانعرف نحلو

تقول نقراو كيفكيف ، رغم كل هذا يجب ان نتعب و نصمد ، و الله المستعان

[الاسكندر الاكبر]

المشاركة الأصلية كتبت بواسطة noor mi

الحمد لله انهيت شبح الوحدتين الاولى و الثانية هدفي هو الثالثة و الرابعة اي استفسار انا هنا موفقين

اهنئك اختاه ، ان شاء الله تقد م اكثر باذن الله

[Noor Mi]

المشاركة الأصلية كتبت بواسطة الاسكندر الاكبر

اهنئك اختاه ، ان شاء الله تقد م اكثر باذن الله

ان شاء الله موفق

[Histidine~]

شوفو قناة prof mhd

[*آية*]

حنا قرينا السرعات مي مازال ماراجعتهمش وماحليتش تمارين رح نبدا فيهم ان شاء الله

[امـــة اللـــه]

الحمد لله لحد الآن التمارين مالقيتش فيهم صعوبة صح مع الاول شوي مشكلة فبرهان العلاقات
لكن مع التعود عليهم والفهم الجيد لجدول التقدم ماعنديش مشكلة ( لازم ترجعو تلعبو بيه واش تحتاجو تجبدوه منو تلقاو )

ونصيحة لي واجهو فيها مشاكل ننصحكم ماتفشلوش اتحداو انفسكم ماكانش حاجة ماتقدولهاش واش هي الفيزياء هاذي اللي غلبتكم
والله انا لوكان تصدقوني غير من اللي بديت نقرا الفيزياء جامي فتت 12 واغلب نقاطي ف 7 و 8 لكن من العام الماضي بفضل ربي والاستاذ ( اتاع الدروس الخصوصية ) والله تحديت نفسي كيفاه منقراهاش وتعبت وبفضل الله جبت 19 وذرك رجعت نحل التمارين على اساس هواية ماشي قراية يعني ماكانش حاجة صعيبة عليكم والله غير تقدرو توكلو على ربي وابذلو مجهودكم
والله الموفق