فقرات الانجليزية والفرنسية في الباك ... مارأيكم ؟

[أيمن الدزيري]

السلام عليكم ورحمة الله


شحال من مرة خممت ندير هذا الموضوع وبطلت
مي قلت نديرو وخلاص

الفكرة هي انو في هذا الموضوع نحاولو نكتبو الفقرات اللي جاو في الباكالوريات السابقة
في الانجليزية والفرنسية


يعني نحاولو نخليو هذا الموضوع يكون مرجع للفقرات

لذا من يملك فقرات محررة او افكار عنها او حتى عناوين يشارك في هذا الموضوع
يعني المهم المشاركة بابسط حاجة
وابتداءا مني ان شا الله راح نحط اي حاجة عندي في هذا الموضوع


وان شا الله قبل موعد البكالوريا يكون هذا الموضوع يحوي جل الفقرات التي يمكن حفظها او فهمها
للاجابة بها في الامتحانات

يمكن البدء مثلا بذكر العناوين او المواضيع التي تدور حولها الفقرات
ثم نعمل على توفير الفقرات

ياريت المشاركة لان اليد الواحدة لا تصفق

[المُعادلة الصّعبة]

عليكم السلام
اعجبتني الفكره وراقتني كثيرا
انا باذن الله سوف اشارككم
نديروا تاع العلميين ولا نديروا حتى تاع الادبيين ؟ شكيت نديروا حتى تاع الشعب الادبية خير -طبعا تاع الوحدات المشتركة-
المهم بلاك بدءًا من المساء نبدا نحط معاكم ان شاء الله
نتمنى يشاركوا كامل لانو العمل الجماعي رح يكون أحـلى بكثير

[jë suîs comçà]

فكرة رائعة بارك الله فيك
لو نخصص لها يوم أو يومين و نجتمع كلنا في هذا الموضوع و نتناقش و نترتب أفكارنا بذلك نقدرو نكونو فقرة مليحة
مارأيكم؟؟؟

[أيمن الدزيري]

المشاركة الأصلية كتبت بواسطة المُعادلة الصّعبة

عليكم السلام
اعجبتني الفكره وراقتني كثيرا
انا باذن الله سوف اشارككم
نديروا تاع العلميين ولا نديروا حتى تاع الادبيين ؟ شكيت نديروا حتى تاع الشعب الادبية خير -طبعا تاع الوحدات المشتركة-
المهم بلاك بدءًا من المساء نبدا نحط معاكم ان شاء الله
نتمنى يشاركوا كامل لانو العمل الجماعي رح يكون أحـلى بكثير

تبالي نبداو بتاع العلميين سع ومبعد نفوتو للاخرين
مام انا وقت ماقعدت نحط اللي عندي

حنا ماذابينا يشاركو كامل مي نبداو وحدة وحدة درك يلحقو كامل

[أيمن الدزيري]

المشاركة الأصلية كتبت بواسطة jë suîs comçà

فكرة رائعة بارك الله فيك
لو نخصص لها يوم أو يومين و نجتمع كلنا في هذا الموضوع و نتناقش و نترتب أفكارنا بذلك نقدرو نكونو فقرة مليحة
مارأيكم؟؟؟

وفيك يبارك الله اختي

ان اتفقنا على توقيت محدد فذلك جميل
ولكن لا يعني انه ان لم نتفق لا نشارك .. لا بل يشارك كل واحد حسب استطاعته وظروفه

فمن يريد المشاركة يشارك ولا يتردد بحجة تحديد الموعد او كذا

يعني هذا مااراه مناسبا وتفاديا للتسويف والتاجيل الذي يفسد الفكرة والهدف من الموضوع

[أيمن الدزيري]

اقترح كبداية ان نعالج فقرة الموضوع الاول باك 2017 مادة الانجليزية




موضوع الفقرة 1 يدور حول تاثير ودور اعلانات التلفاز في انتشار السمنة بين الاطفال

كمقدمة ما رايكم ان تكون مقدمة بسيطة نعرف فيها السمنة ونلمح لخطورتها بصفة عامة

العرض بطبيعة الحال سنتناول فيه دور الاعلانات التلفزية وتاثيرها المباشر وغير المباشر في ظهور وانتشار السمنة
(نستعين بالافكار المعطاة)

الخاتمة يمكن مثلا ان نقدم فيها نصيحة او اثنتين لتجنب هذا الداء

[jë suîs comçà]

مممممم اوافقك الرأي

[*** عبق الزهور ***]

فكرة ممتااااااااااااازة
ساتواجد بحول الله متى سنحت ليا الفرصة

[طالبة لها هدف]

صراحة لا اعتقد بانه الوقت المناسب للغات
بالرغم انو الموضوع عجبني خلاص
مي ماش وقتهم انا الفترة هاذي _نشك بلي كامل الناس لي عندهم باك_
الفترة هاذي رح نكثفوا تمارين على المواد الاساسية
انا لن اتواجد معكم خاصة و ان دخولي اصبح قليل
مي نقلك و نقلكم ربي يوفقكم

[المُعادلة الصّعبة]

المشاركة الأصلية كتبت بواسطة طالبة لها هدف

صراحة لا اعتقد بانه الوقت المناسب للغات
بالرغم انو الموضوع عجبني خلاص
مي ماش وقتهم انا الفترة هاذي _نشك بلي كامل الناس لي عندهم باك_
الفترة هاذي رح نكثفوا تمارين على المواد الاساسية
انا لن اتواجد معكم خاصة و ان دخولي اصبح قليل
مي نقلك و نقلكم ربي يوفقكم

أما انا فـأختلف معكِ
هذا هو الوقت المناسب لدراسة كل المواد -خصوصا عندما نبدأ في المراجعة النهائية-
الموادّ العلمية طبعًا يتم تكثيف دراستها
مع إعطاء وقت للمواد الاخرى كذلك -خصوصا اللغات-
ارى ان هذا هو الوقت المناسب للتركيز على المواد الثانوية
لم يتبقّ الكثير
وفقنا الله

[*آمنة*]

بالتوفيق لكم ،،

[المُعادلة الصّعبة]

هذه فقرتا الموضوع الاول بكالوريا 2017 الدورة الاستثنائية شعب علمية


فقرتا الموضوع الثاني :

[ملاك]

باذن الله ساتواجد معكم ساحرر فقرات وارسلها لاستاذة الانجلزية كي تصححها واضعها هنا بحول الله

[أيمن الدزيري]

شكرا لكل من شارك ودعم الفكرة

[أيمن الدزيري]

هذه منهجية لكتابة الفقرة في الانجليزية وجدتها في الفايسبوك
(يمكن الاستعانة بها )