عاااجل أرجوكم !!

[~ هبة الله ~]

و الله يا خوتي راني في حاالة ، راني حاسة حياتي نضيع فيها هباء
أنا متحصلة على بكالوريا 2015 و اخترت تخصص st قريت 3 أشهر كرهت خرجت و سحبت الباك كانت غلطة كبيرة درتها و عاودت الباك
في 2016 تحصلت على الباك أيضا و اخترت المدرسة العليا للبيطرة كانت عجبتني بصح بعيدة بزاف أنا في وهران و هي الحراش ماقدرتش نتأقلم خرجت و سجلت شبه طبي كنت رايحة ندير ممرضة ولا مخبرية لكن الآراء كثرت عليا و شوشوني اخترت قابلة
قريت عامين ماقدرتش نكمل و الله ماقدرت نواصل فيها علابالي مليحة و أجرها عند ربي كبير لكن قلبي وجعني ماقدرتش نتحمل أكثر
عاودت باك 2018 و ماحالفنيش الحظ مع وش صرا مع الأحرار سجلت رياضيات و اعلام آلي لكن بعد التسجيلات تعلقت بتخصص آخر بزاف و بنيت طموحات ...الخ و بغيت نقرى صحافة من بكري تعجبني و انتظرت التحويلات بفارغ الصبر و كي فتحو الموقع حدثت المفاجأة ماعطاوهاليش مع الاختيارات مع أنه معدلي طالع على معدل القبول
و درك راني في دوامة من جهة مانقدرش نكمل قابلة و نكذب على روحي و من جهة بعد ماخرجتش فالتحويلات مالقيتش وش نقرى و الله كرهت و عييت حسيت روحي ضيعت حياتي و دراستي و تعب شحال من سنة و لي في عمري هاد العام تخرجو و كاين لي دخلو يخدمو و أنا مزالني 00
علابالي طولت بزاف الله غالب راني في حالة ، أرجو الكل من الطلبة و الأساتذة و أي واحد يقرى موضوعي يعاوني غير باقتراح بزاف عليا و ادا ممكن حل للتحويل إلى التخصص لي باغياته
؟؟
و شكراااا مسبقا ربي يخليكم عاونوني و ماننساكمش بالدعاء