لم اعرف كيف اقوم بجدول توقيت للمراجعة

yousra.dz · 2018-09-09, 18:36

سلااام انا في حيرة تامة كيف انظم وقتي للمراجعة في المنزل علما اننا ندرس على الاقل ماادتين علميتين في اليوم اما الاثنين فندرس الرياضيات والفيزياء والعلوم
ومتى ساحفظ وكيف هي مخططاتكم !!

hadjer.alg · 2018-09-09, 18:43

شوفي عزيزتي نتي مايهمكش ادا تدرسي مادتين او اثنين نتي ديري مادة علمية مع ادبية وقسميها بالتساوي بين المواد العلمية اما مواد الحفظ احفضيهم في نهارهم ادا حبيتي صوريلي التوقيت تاعك واعطيني تاني توقيت دروس الدعم ونديرلك واحد وشوفي ادا يساعدك

~ قدس ~ · 2018-09-09, 19:01

يعني مش عارفة هل يناسبك او لا مي راح نحاول نفيدك ..

ديري ساعة صبحا احفظي اجتماعياات ..

والوقت لاخر بعد ما تجي من الليسي ريحي نص ساعة ولا ساعة .. واقري لغة عربية انجلش فرنسي .. ساعة تكفي .. ومنبعد زيدي مثلا ساعتين ونص ولا ثلاثة علمية..وكل يوم مادة وهكذا.. اما الفلسفة خصصيلها وقت مثلا ثلاث لعشية مهم وقت ملييح ثلاث سوايع واوقاات الويكاند لي مافثيش كوور مرة في سمانة تكفي .. ومام الاسلامية شوفي وقت في الويكاند ..

هكذا مع مرور الوقت رااح تتعودي عن لقرايا اكثر ورااح تضاعفي مجهودك في قراية الدار تدريجيا ..

yousra.dz · 2018-09-09, 19:05

يعطيكم الصحة لبنات لحد الان مازال ماعطاوناش جدول التوقيت تاع كل المواد كي يعطوهولنا نحطوهنا وشكرا لكم

rycerz · 2018-09-09, 21:52

برأيي أن المواد العلمية خاصة الرياضيات و الفيزياء و الكيمياء يجب مراجعتها في نفس اليوم فهي لا تحتمل التأجيل لأن فهم الدرس القادم يعتمد على الدرس السابق
--
بالتوفيق يا أخت

yousra.dz · 2018-09-09, 22:20

اقتباس:

المشاركة الأصلية كتبت بواسطة rycerz

برأيي أن المواد العلمية خاصة الرياضيات و الفيزياء و الكيمياء يجب مراجعتها في نفس اليوم فهي لا تحتمل التأجيل لأن فهم الدرس القادم يعتمد على الدرس السابق
--
بالتوفيق يا أخت

نفس رايي والله

ندوشةة · 2018-09-10, 17:45

انا منيش راح نعتمد مخطط معين قادرة كل اسبوع ندير برنامج مختلف

لكن لحد الآن راح نراجع كل نهار المواد العلمية و اللغات و مواد الحفظ نحفظهم فالويكاند