سلام اخي
انا عديت الخدمة الوطنية في هذه المدرسة سنة 2016
احسن مدرسة في الجزائر و بكل جدارة
سطاج فات روعة و ضحك و مرح و طبعا النضام المنضم (instruction) ..
فرصة لا تعوض اخي تجيك لوردر دابال في مدرسة كيما هذي .. غير ما تراطيش الفرصة
و اذا كنت رايح ننصحك تذهب اليوم الاول صباحا .. لانهم احيانا المتأخرين يبعثوهم الى مدارس اخرى.
من ناحية جمال المدرسة و كأنك في نادي الصنوبر .. قمة في النضافة.
الايجابيات :
البحر على بعد 120 متر يعني راح تفوتها تعوم ههههه
المجمع الرياضي و الملعب روعة و هناك أدوات لكمال الاجسام متوفرة للجميع
الشون دو تير روعة و منضم و تجربة ليس لها مثيل
المدرسة تقع في حي لا بيروز .. نضيف جميل و مليئ بالسياح و الاجانب
اغلبية تعداد المدرسة اناث .. الذكور قليلون جدا (بكل صراحة اين تتواجد الاناث تتواجد النضافة و الحطة راك تعرف بلادنا)
المدرسة بكلها تحفة فنية .. احببتها جدا و كانت من احسن الاماكن التي عديت فيها وقت
كلشي حذاك .. كل المرافق التي تستطيع تخيلها موجودة مباشرة خارج اسوار المدرسة
التيليفون دخلو معاك نورمال .. فوتها كامل ب 3 جي هههه
نضام البحرية عالبا ما يتميز بالاحترافية و الاحترام بين القيادة (يعني ماكالاه تلعبها فايق)
قمت بتدريس اللغة الانجليزية مباشرة بعد سطاج .. و في نهاية الخدمة اعطوني 2 شهادات .. كفائة مهنية و شهادة عمل
اذا كنت من محبي الفن توجد قلعة متحف تامنفوست خارج المدرسة مباشرة .. روعة
الخ الخ الخ ..
السلبيات :
الماء بارد في الشتاء (يعني لازم تشوفو واحد يشريلكم بلونجور مسخن الماء يسوا 350 دج)
الطلاب في سطاج يتمسخرو بيك نورمال (لكن بعد ما تعلق تولي درس فيهم يعني أك فاهم هههه)
منطقة سياحية يعني الاسعار تكون شوية باهضة .. و لكان راك "تاع راسك" تهردت عليك هههه لانه موجود كلشي خارج الندرسة من حانات و مطاعم 5 نجوم.
.....
بكل صراحة لا أرى سلبيات اخرى لأذكرها من غير هاذي.
و لا تنسى راهم يشدو غير 70 واحد .. يعني الفرصة في الخروج دائما تكون كبيرة
بالتوفيق اخي.
( تقرير عن مشاركة سيئة )، و الموجودة أسفل كل مشاركة .
2018-09-05, 11:42
بعثوني للمدرسة العليا للبحرية بتامنفوست
العرض العادي
