#أحرار 2019 !! ~ ..

[~ قدس ~]

السلام عليكم ..
كيف حالكم ..
هل من مجتازين لبااك 2019 أحرار ..
يعني ندخل في صلب الموضوع ..
عادة مانعرفش نكتب عربية فصحى نحس روحي صحفية ..

معليش نحكي باللغة لي تريحني أكثر ..

حبيت نعرف لي داو العام ليفات الباك وبااش يعاودوه سنة .. راح تبلوكو العام ؟؟ راح تقراو في زوج حوايج ..

كي شغل جيت نعطيكم الرأي نتاعي .. مش عارفة بلاك يكون صح وبلاك لالا ..

مي حبيت نقلكم .. لي متردد في الاعادة غير يعاود ولي متردد في العام تاع الجامعة اسكو يبلوكي ولالا ننصحو يبلوكي ..

هو عاام وفايت .. نهتمو بالبااك أفضل .. باش نحصلوالنتائج لي حابينها .. طبعا بإذن الله ..

عاام طوويلة وباكالوريا .. نفوتوه في الدار خير لينا ..

العبد يخدم ويقرا ويتعب والنتايج منبعد على ربي ..

ولي يقولو نقرا جامعة وبااك .. بلاك يجيب وش باغي .. مي تعب تعب كبيير ..

ولي ثاني خايف من الاحرار ياخي تاع عام ليفات شفتو وش دارو فيهم ..

ماديروش في بالكم تقولو بلاك يديرولنا كيفهم .. مستحيل يعاودوها عامين ورا بعضاها .. كون هكاك تنوض حرب في دزاير ..

واصلا هم مصلحتهم في الاحرار العام هذا .. باينة باش يترشح بوتفليقة وشكون لي يفوطي عليه طبعا لي فوق 18 و 19 .. لذلك الباك في ايد الاحرار العام هذا ..

كي شغل نطلعلكم في المورال شوية ههه ..

علابالي حكيت يااسر .. مي مش عارفة حبيت نوصللكم افكاار .. انو لي يخمم برك يعاود باك 2019 حر ما يترددش ولا لحظة .. ولي مش حاب يخسر عام جامعة نقله اخسر عام جامعة واقعد في دار للباك وراح تربح بزااف بعد العام هذا..

واعقدوا النية الزينة .. وعلااه ما يكونش الاول تاع الوطن من الاحرار .. مش حاجة مستحيلة .. ولا لي في المراتب الاولى ..

مهم علابالي ثرثارة يااسر .. ان شاء الله تكون وصلت على الاقل فكرة ..

وفي الاخير .. نتمنى التوفيق للاحرار والنظامين لبااك 2019 ..

وحاجة اخرى لي باغي يقرا للباك غير يبدا من 1 سبتمبر الوقت راح يفووت علينا .. لوكان مانبداوش من ضرك .. قدامنا معركة كبيرة .. تجهزو بالأسلحة ملييح .. لابغا هاتو دبابة ..