ظلم كبير حسبي الله ونعم الوكيل ( ليس خماج الدنيا )

[مشكلتي]

السلام عليكم ورحمة الله ( احذفوا موضوعي بعد 3 ايام )
انا واخواني الرجال نحسوا بظلم كبير وجبار حسبي الله ونعم والكيل
والدي - الله يرحمو - مات .. بصح كي مات شعل النار والفتنة والكره بين العائلة من وراه
والدي كان انسان لاباس بيه ومرتاح الماديا والحمد لله
كان عندو تقريبا ن 4 حوانيت ( .وحدة سوبرات كبيرة جدا في وسط قلب الولاية موقع استراتيجي + 2 حوانيت متوسطين + واحد صغير تاع فليكسي وطباعة وحوايج مكتبية )

قبل ما يموت والدي - ولاتقدر تقول كي مات باش فقنا - كتب كل شيء - الجمل وما حمل - كل شيء الحوانيت الكل على بعضاهم باسم اختي الدلولة الصغيرة
كلش شيء على بعضاه وهبه واعطاه وكتبه لاختي الصغيرة واصبح الورثة تاعنا الكل باسمها

المشكلة اننا نحن : خمس ابناء
2 نساء ( انا واختي )
ثلاث رجال كيما راك تقرا 3 رجال ماهزوا والو من ورثة ابيهم حتى متر مربع مكانش
ماشو هذا حرام كبير وظلم بين الابناء ؟
الله سبحانه قال في القران الراجل يدي حق 2 نساء في الورثة .. نحن في دارنا الرجال ماورثوا والو وانا كيف كيف
كل الورثة راحت لاختنا الصغيرة
حتى الامام تاع المسجد كي سمع قال لينا صح والدكم في القبر بصح حرام كبير عليه .. ماحقوش يدير هكا

تقريبا 4 حوانيت لم نرث شيء منهم كي انا كي خاوتي الرجال ؟ اين العدل ؟
انا والله و حتى خاوتي الرجال غاضهم الحال ماشو هكذا العدل بين الأبناء .. ولم يطلب حتى راينا .. ورسول الامة يقول اتقوا الله واعدلوا بين الابناء ..
الميراث لازم يكون عادل بشرع ربي ماشو طفلة في الارض صغيرة تاخذ حق مراة و3 رجال .

المهم هذا الموضوع فضفضة ليس الا .. وماكلاه يجيني واحد يقوللي حبسوا ماتتعاركوش على خماج الدنيا .. المال ماهوش خماج الدنيا المال زينة الدنيا .. حتى الشريعة الاسلامية اعطت قدرا كبيرا جدا للميراث وكاين قداه م فتوى في الميرات لاهميته البالغة

لاحول ولاقوة الا بالله ..