La trichotillomanie شبح سود لي حياتي !!!

[مشكلتي]

سبق وكتبت موضوع هنا
قبل عام من الآن


عضت فيه حالتي وحتى ما كنتش عارفة انها عرض مَرَضِي


هنا وبفضل مشاركاتكم عرفت


انا رحت لطبيبة نفسانية غير فالعيادة العمومية مجانا


وحت نجرب طريقة اني نشغل يدي بـ LES PETITES BALLES
ولكن بسبب البكالوريا
سرعان ما وجدت نفسي انسى الامر
ف البداية كنت اعاني لما اقطف شعري
لكن مع حلول مارس
لم اعد اهتم


الطبيبة قالت ربما لأني بين نارين نار الباك ونار شعري
قررت اني نضحي بوحدة

ونخلي اهتمامي كله على الاخرى


ايه
لكن للآن وبعد عام كامل
شعري راح
غير زوج شعرات القدام برك لما يكون شعري ناشف يستروني
لما يكون خطر تبان انصاف الشعيرات اللي بقات


شعري ما عادش ينبت
يا ربي..والشعر ضعاف وخفاف
والجلدة راحت فيها


و
.
.
عندنا تعيينة بعد العيد الكبير ان شاء الله
هي تاع اخي اصلا
معناها انا مولات الشي


عمري 18


نوروني ربي ينوركم


الشعر يقدر ينبت ؟


يا ربي عييت


علابالي لازم نحبس
ولكن ماعنديش الوعي الكافي اللي يخليني صح نحبس


الصباح ننظر في المراية
علابالي منظر مؤلم ومش مليح

لكن ما تأثرت ما قررت نحبس


وينو هاذاك الشي اللي يخليني نوعا باش نحبس


الشعر يقدر ينبت؟


انا قلت كون يعاود ينبت
رايحة نحس بقوة ونحافظ عليه ان شاء الله


وزيد رايحة نقرا خارج الولاية ان شاء الله




عييت


الطبيبة وحد المرة لمحتلي لنو نحيه طول

pola 0


حرت
وفي الاقامة!!!!!
وعندنا ان شاء الله عراس تاع الدار!!!


يا الهي


نوروني ربي ينوركم
كان الله في عون العبد مادام في عون اخيه

[زبدة ذايبة]

الكلام في المنتدى لايعالج حالتك


كلامنا مجرد نصائح وسند لمن هو

في مشكلة.

ينتهي دورنا بمجرد الرد

ويبقى على صاحب المشكلة

السعي لحلها.

لذا يا عزيزتي لابد من أن تتوجهي

إلى الأخصائي النفسي

المتخصص في الاضطرابات النفسية

والمرضية.

ومن الممكن أن يحولك إلى

أخصائية الأمراض العقلية والعصبية

لوصف الدواء اللازم.

وحدك مستحيل تبراي.

ومستحيل تخرجي من دائرة المرض.

اللهم إلا إن شاء الله غير ذلك.

وعليك بالقرآن مع المحافظة على


الصلوات المكتوبة والنافلة

جنبا إلى جنب مع الأدوية

والجلسات النفسية المساندة.

[نجاة^^]

ربي يكون في العون وربي يشفيك .

[*** عبق الزهور ***]

سلام
اولا اختي انت منقذة نفسك يعني ماشي حتى تولي صلعاء باه تحبسي بويسك هكذا راكي تضري في فروة الراس وبالتالي يولي ما ينوضلكش الشعر

المهم الحل انك تحكي الثوم في البلايص لي طاير منهم الشعر يعني احكمي فص ثوم قطعيه على زوج وحكي بيه الاماكن الفارغة جربيها خطرتين في السمانة وتقدري ثاني ديري زيت الثوم يقوي ويكثف الشعر شوفي الوصفة نتاعو كيفاه يتخدم في الانترنت

ربي يشفيك اخية وما تقلقيش رووووحك

[الملآذ]

السلآم عليكم ورحمة الله تعآلى وبركآته
حبيبتي مشكلتك محلولة بإذن الله
لا تخآفي فأنآ أعرف فتآة كانت تعآني من نفس الحآلةةة بل في نفس الفترة..
وكآنت تنزع شعرهآ ...حتى بقاتلهآ فرآغ في وسط الشعر
ونشفى كان عندنا عرس ..بدينآ نغطيو فيه ومابانش يعني حبسي يديك على نزع السعر هذا كآفي ووافي الأخت ..
ومتنسايش التوووووووم كانت تدير في التوووم
ودركا الحمد لله طووال وطووال وكثر
القضيةة قضية وقت ما تتقلقي ما تتحيري
حنونةةةةةةة
ربي يسترك وينورك ويفرحك ...
ربي يدووم الافرآح