ياخااااه عميتوها -_- ارواحوا نقوللكم كلمتين برك

[المُعادلة الصّعبة]

ا خاوتي ا جماعه عميتوها والله
ماشي هكا !!
راكو تهدروا شغل تاع ما خدمتوش خلاص
نقوللكم كلمتين برك
اول حاجه نتوما راكم اغلبكم علميين ولا تقنيين وراكم تشوفوا فالمات هي كلش
ونسيتوا بلي موادكم الاساسيه مهيش الرياضيات
جربوا فكروا فالناس لي الرياضيات تلعب ليها بمعدلها وهي صح تطلع ولا تسقط المعدل ومعامل 7

جربوا خمموا فيهم ؟ تخمام تاع صح ماتكونوش انانيين
واحمدوا ربي لي عندكم مواد تعوضوا بيها !! علـــــوم وفيزياء
خلاص بركاو ما تطمعوا فالمات انساوها -_- ماتحلبوهاش خلاص المات فاتت فاتت انا الشي الوحيد لي همني اني فوتتها المهم تهنيت منها و صدقوني ما فكرتش اصلا فالسوجي بالرغم من اني كيفكم كاين حوايج حصلت فيهم وغلطت فيهم وزاد معامل 7



ثاني حاجه تفكروا بلي رياضيات راهم ينقطوا ب0.25 و0.5 لاكان كثروا يديروا نقطه على جواب يسما كبيره خلاص
ونتوما دخلتوا للامتحان بالعقليه تاع ما نغلطش ونجيب كلش صحيح آآو ؟
حاجه باينه تدخل للسوجي تعرف حوايج وتحصل في حوايج وتحاول فيهم ماشي تشوف سؤال ولا زوز جدد خلاص انهرت وراح الباك وباي باي وتضلوا غير ت.......
ريحوا مليح وكملوا بنفسيه تاع واحد سامط راسو خشين ما يستسلمش لاخر لحظه

هبلوه هاذ الباك ما تخلوش فيه راهو كرهكم كرهوه واخدموا فالمواد كامل ولي قدرتوا عليه كامل
قل لن يصيبنا الا ما كتب الله لنا
ريلاكس ..

قلت ما نكثرش الهدره مع ذلك كثرت
المهم لي حبيت نقولو والله مزال بقدرتكم تحققوا معدل كبير سيرتو لي راكم علميين وتقنيين

بالتوفيق اخوتي جميعا ^^

[~ شُـمــــــوخٌ ~]

كلامك صواب ريان
انا بمجرد ما نخرج من الامتحان ننسا كلش او بالاحرى نتناسى
وهاداك الامل الصغير دايما مخلياتو

[Miss Princess]

-_______-
No comment

[سارة بسمة نادية]

ولي راه هاردها ولمعامل 7 واش نقولو علييييييييه مكنتش متوقعة لهد الدرجة يصرالي هكا...........سبحان الله
ان شاء الله فيها خيير لي من عند ربي مرحبا........مع اني املي كان في لمات مي تقدرت
بقات الفيزياء ربي يجيب لي فيها خير

[malak.math]

كيما قلتي حنايا المعامل 7 و مزال مفقدناش الامل
الحمد لله
مزالو كاينين مواد نعوضوا واش فاتنا ان شاء الله





بالتوفيق

[النجمة المتلألئة]

كلامك درر غاليتي ريان

كنت أنوي كتابة موضوع حتى وجدت موضوعك صراحة لم أعد أرغب حتى بالدخول للمنتدى بسبب هذا حدث ما حدث وقدر الله وما شاء فعل

اجتزنا مواد معاملاتها 12 ومازالت مواد مجموع معاملاتها 17 +1 لمن يمارس الرياضة

مهما حاولنا دوما الكمال لله وحده

تجنبوا الافكار السلبية وانسوا كل مادة اجتزتموها

بالتوفيق للجميع

[طالبة لها هدف]

حسبي الله و نعم الوكيل

[varamara]

سلام عليكم
اتمنى ان تكونو بخير
حبيت نقللكم على تجربتي في الباك
انا شعبت علوم تجريبية وتحصلت في مواد الاساسية كلها اكثر من 17
لكن معدلي كان 15.40 لماذا برايكم لاني لم اركز في المواد الادبية وتحصلت فيها على نقاط متوسطة
لذلك اذا حتى خدمت في رياضيات يجب عدم الاستهانة بالمواد الادبية ومواد الحفظ فهي ايضا ترفع المعدل لذا لاتفقد الامل
مازال هناك العديد من المواد حاول ان تخدم فيها ولا تستهزء باي مادة لان لو جمعنا معاملات مواد اساسية راح تكون بالتقريب نفسها معاملات المواد اخرى
لذلك توكل عل الله وحاول بكل ما لديك فقط حتى اثنين ثم ارتح كما تحب
بالتوفيق