حين لا ينفع الندم ندمت ويا اسفي

[ورد الاوليف]

السلااام عليكم وللاسف فانا لن اتصل بالانترنت مجددا ولا اي موقع طوال الحياة لما بقت 9 ساعات من امتحاني المصيري وقتها عرفت بانني ضيعت نفسي كثيرااا للاسف لن اجتاز الباك هذه السنة اريد ان اشكركم جميعا وبلا استثناااء والان سارحل للاسف حان وقت الوداع نلتقي في الجنة

[* قمر*]

واش راكي تقولي ؟؟ هبلتي بقالك نهار رايحة تستسلمي اي نوضي تقراي تشوف و استغفري

[~ شُـمــــــوخٌ ~]

يا اختي نوضي استغفري وابداي وشمن 9 ساعات مازال غدا كااااامل اعرفي تستغلي الوقت برك

[achiever.x]

استغلالك لواش بقى من الوقت قد يغير قدرك صديقتي لا تفقدي ثقتك بالله و بنفسك الندم لا ينفع نوضي تقراي انتي دايما حفزتيناعاونتينا بزاف اعانك الله ووفقك

[Qu_een]

يـــــــاه واشبيك ختي ييااي فاخر لحظةة راح تستسلمي
نعرفك قوية !!!!!!!!! صدقيني كون تقراي دوك وتكملي واش بقا تجيبيه ومتقوليش هكااك
شوفي شا قال عمي اديسون
ان العديد من الفاشلين في هذا العالم هم هؤلاء الاشخاص الذين لم يدركو مدى قربهم من النجاح لحظة استسلامهم
تعجبك كي نقولك انتي فاشلة فــــاشلة !!!!! كيفاه جاتك !!! وااحد مايخب واحد يقولو فاشل يــاك هيا نوضي عزيزتي صلي زوج ركعات وادعي ربي وكملي اتعبي فالوقت لي بقا
لمهم ديري لي عليك ولباقي على ربي
( انا علابالي بلي ماش راح نجيبو بالمعدل لي حابة مي لازم نتعب قد ما نقدر باه نجيب اقصى معدل نقدرلو علاجال ماما لي ديما تسنا فالنتيجة وديما تنصحني والدينا دارولنا كلش باه نقراو وننجحو ياك مالا يستاهلو نهديولهم االنجاح وهوما غير تنجحي برك يموت بالفرحة كيما بنت خالتي ليوم نجحت فالبيام هيا تبكي معجبهاش لمعدل وخالتي ميتةة بالفرحة لمهم بنتها نجحت ) انا دوك نجيبو علاجال ماما ولعام لجاي نعاودو ولغلطات لي درتهم العام هذا منكررهمش وان شاء الله نجيب المعدل لي حاباتو
علابالي كثرت عليــك من الهدرة مي ملزمش تستسلمي ختي انتي قوية ولن تستلمي حتى النهاية

[unknown person 1]

انا ساعات نقول نكسر الميكرو و نقرا كيما كانو يقراو الناس بكري و خلاص كي نحقق اهدافي نلم و نزيد نشري واحد خلاف
فريمو الانترنت تهلك الشيطان يقنعك بلي اك متقدرش تتخلى عنها و بلي راهي تعاون فيك و لكن العكس صحيح كل ما تفعله انها تسرقلك في وقتك و تنقص من تركيزك

[المُعادلة الصّعبة]

هههههههههههههه عجبتني تاع نلتقي في الجنة
ان شاء الله علاش لالا
علابالي ماديريهاش اوليفه غير تهدري برك

[ورد الاوليف]

بارك الله فيكم جميعا خاوتي والله فرحتوني رغم الحزن لي كان معمر قلبي ربي ينجحكم جميعا

[المُعادلة الصّعبة]

مروة ختي راني وعدتك امس وما وفيتش بوعدي سمحيلي بزاف بزاف علابالي قصرت
امس ماكنتش فالدار بربي اليوم نصورلك وش قلتلك

[Qu_een]

العفو اختي مروةة هذا واجبناا
ريان مام انا صوريلي تعيشيي والله راني مزلت مطليت عليهم