الى اصحاب باكالوريا 2018

[Mimy Loulitita]

بحكم اني فوتت الباك العام اللي فات حبيت نعطيكم بعض التوجيهات و النصائح لعلها تفيدكم
اولا فترة قبل الامتحان
بما انو انتم في الايام الاخيرة قبل اجتياز الامتحان ننصحكم ما تتعبوش نفوسكم بزاف باسكو عقلكم درك راهو معبي معلومات
كون تزيرو على رواحتيكم راكم تخسرو كم كبير من المعلومات
في اليوم اللي يسبق النهار الموعود هههه ما تقراوش فيه خلاص قولو لعائلاكم يخرجوكم تتمشاو تحوسو نحيو على خاطركم هكا باه ينقصلكم السثراس و تقعدو الاز
في يوم الامحان
كثير منكم في يوم الامتحان تحكمو قلقة و ضغط و يسيطر عليه الخوف وهذا يؤثر سلبا عليكم كي دخلو يتشتت التركيز و متقدروش تجاوبو
ننصحكم ما تخافوش و هديو نفوسكم مش رايحين يشنقوكم هو مجرد امتحان صغير كيما المتحانات الفصلية لا بل و اسهل
نوليو درك لجانب اخر
ننصحكم
ادواتكم اديوهم كاملين الالوان السيالات زوج سود و زوج زرق في حالة يحبسولكم فنص الامتحان
ما تتكلوش على الاخرين ولا على الاساتذة اللي يعسوكم
اديو معاكم الوثائق الرسمية تاعكم واللي هي الاستدعاء و البطاقة البيومترية
تحتاجوهم
بالاضافة ل قرافوز صغيرة كانت ولا كبيرة
في حالة تكتبو بزاف الاوراق رقموهم من 1 الى الصفحة الاخيرة باه ما يتخلطولكمش
و كي تكملو لصقوهم بلاقرافوز
ناكد و نعاود التاكيد ما تتكلوش على الاساتذة قادرين يتودرولهم الاوراق هوما مسامعينش بيك نتي ولا نتا اللي تخلصوها غالية تشوي
المهم
زيد وااش تاانييي
ايه تذكرت
نظمو اوراق الاجابة و اوراق الوسخ تاني مش كي اسمها ورقة وسخ ترجعوها بوبال
لا لازم تنظموها باه اي معلومة تكون ناقصتكم و كنتو كاتبينها فالوسخ تلقاوها بالساهلة
نوليو لورقة الاجابة
اكتبو بالاسود و سطرو بالازرق ولا العكس نورمال ميخلعوكمش غير لون واحد
المهم ما تستعملوش الاحمر و الاخضر
تانيي اجنبو تغلطو باه متستعملوش قلم التصحيح
خليو ورقتكم نظيفة تدل على صاحبها
حاجة اخرى
النتائج كامل وضعوهم في اطار
و احسبو زوج ثلاث مرات باه تتاكدو
نصيحة اخرى ليكم تاني زملائي زميلاتي بخصوص الاجوبة
الاجابة اللي متاكدين منها حطوها ديراكث في ورقة الاجابة ةاللي مش متاكدين منها خليولها مكان و باسيو للسؤال التالي
اكتبو هذيك الاجابة في ورقة الوسخ باه منبعد تعاودو ترجعو ليها
زيدو حاجة خلاف
شوفو بخصوص العلوم
اختارو موضوع المناعة هو الاسهل باسكو فيه حرك يدك تدي العلامة مش كيما المشابك فيهم كلمات مفتاحية كن متذكروهمش تروحلكم العلامة
و في الاخير نتمنى لكم النجاح و التوفيق و ربي يسدد الخطى و يسهللكم فيما يصعب
اي اسئلة انا هنا في الخدمة
و ربي يوفقكم كامل و ينجحكم